Pika (NSS) - မတ် ၂၁

တောင်ကိုရီးယားနာမည်ကျော် အမျိုးသားအဆိုတော်အဖွဲ့ BTS အဖွဲ့ဝင်ဖြစ်သော Jin သည် လာမည့်ရက်ပေါင်း(၁၀ဝ)အတွင်း ၎င်း၏စစ်မှုထမ်းခြင်းတာဝန်မှ ပြီးဆုံးတော့မည်ဖြစ်ကြောင်းသိရသည်။

Jin သည် ၂၀၂၂ ခုနှစ် ဒီဇင်ဘာလ (၁၃) ရက်နေ့တွင် စတင်စစ်မှုထမ်းခဲ့ခြင်းဖြစ်ပြီး လက်ရှိအချိန်တွင် လေ့ကျင့်ရေးတပ်ကြပ်ကြီးအဖြစ်တာဝန် ထမ်းဆောင်နေကြောင်းသိရသည်။ Jin သည် လာမည့် ဇွန်လ (၁၂) ရက်နေ့တွင် ၎င်း၏စစ်မှုထမ်းခြင်း တာဝန်မှ ပြီးဆုံးမည်ဖြစ်သည်။ ယခင်က Jin သည် ၂၀၂၃ ခုနှစ် စက်တင်ဘာလ(၁)ရက်နေ့တွင် တပ်ကြပ်အဖြစ် ရာထူးတိုးရန် မျှော်လင့်ခဲ့သော်လည်း ၎င်း၏စံနမူနာပြ စွမ်းဆောင် ရည်များကြောင့် ရာထူးတိုးခြင်းမှာ မျှော်လင့်ထားသည့်အချိန်ထက် ပိုစောခဲ့ကြောင်းသိရသည်။ စစ်မှုထမ်း ဆောင်ချိန်အတွင်း Jin သည် ၎င်း၏စီနီယာနှင့် ဂျူနီယာများအတွက် အစားအသောက်များကို ပြင်ဆင် ပေးခဲ့ကြောင်းလည်း မီဒီယာများက ဖော်ပြခဲ့သည်။

Jin အနေဖြင့် စစ်မှုထမ်းခြင်းတာဝန်ပြီးဆုံးပါက မည်သည့်အရာများကို ဆက်လက်လုပ်ဆောင်မည် ဆိုသည့် မျှော်လင့်ချက်များလည်း ပရိသတ်များကြားတွင် မြင့်တက်နေကြောင်းသိရသည်။ လက်ရှိအချိန်တွင် BTS အဖွဲ့ဝင် အားလုံးဖြစ်သော Jin၊ J-Hope၊ RM ၊ V  Suga၊ ဂျောင်ကွတ်နှင့် ဂျီမင်တို့သည် စစ်မှုထမ်းဆောင်နေကြကြောင်းလည်း သိရသည်။

J-Hope  သည် ပြီးခဲ့သည့်နှစ် ဧပြီလတွင် စတင်စစ်မှုထမ်းခဲ့ပြီး Suga ကပြီးခဲ့သည့်နှစ်စက်တင်ဘာလ တွင် စတင်စစ်မှုထမ်းခဲ့ခြင်းဖြစ်သည်။ ထို့ပြင် RM ၊ V ဂျီမင်းနှင့် ဂျောင်ကွတ်တို့သည် ပြီးခဲ့သည့်နှစ် ဒီဇင်ဘာလတွင် စတင်စစ်မှုထမ်းခဲ့ခြင်းဖြစ်သည်။