ရွှေကျင်မြို့နယ်တွင် နာရေးပြုလုပ်နေသည့် နေရာအနီး မိုင်းပေါက်ကွဲမှုကြောင့် (၁၃)ဦးထက်မနည်း ထိခိုက်ဒဏ်ရာရရှိ
Pearl (NSS) - မတ် ၁၈
ရွှေကျင်မြို့နယ်တွင် နာရေးပြုလုပ်နေသည့် နေရာအနီး မိုင်းပေါက်ကွဲမှုကြောင့် (၁၃)ဦးထက်မနည်း ထိခိုက်ဒဏ်ရာရရှိခဲ့ကြောင်း မြန်မာနိုင်ငံရဲတပ်ဖွဲ့ထံမှ သိရသည်။
ဖြစ်စဉ်မှာ ပြီးခဲ့သည့် မတ်လ (၁၅)ရက်၊ ညနေ (၄)နာရီခန့်တွင် ပဲခူးတိုင်း၊ ရွှေကျင်မြို့နယ်၊ ဝင်းခနိမ်ကျေးရွာ၌ ဖြစ်ပွားခဲ့ခြင်းဖြစ်သည်။
အဆိုပါကျေးရွာနေ ဦးမျိုးဇေယျာလင်း(ခ)ဖိုးပါ (၄၉)နှစ်သည် ၎င်းပိုင်ရော်ဘာခြံအတွင်း အဘွားဖြစ်သူ၏နာရေးအားပြုလုပ်နေစဉ် နာရေးပြုလုပ်နေသည့် နေရာအနီးမှ KNU ၊ PDF အဖွဲ့ဝင်များက ထောင်ထားသည့် လက်လုပ်ရီမုမိုင်းတစ်လုံးပေါက်ကွဲခဲ့ကြောင်း သိရသည်။
ပေါက်ကွဲမှုကြောင့် လာရောက်ဝိုင်းဝန်းလုပ်ကိုင်နေသူများ ဖြစ်ကြသည့် ဦးနေလင်းဦး(၄၅)နှစ်၊ ဦးဖြိုးရန်ကျော်(၃၄)နှစ်၊ ဦးသူရိန်(၃၆)နှစ်၊ ဦးကျော်မျိုးဝင်း (၃၉)နှစ်၊ ဦးကျော်မင်းအောင်(၄၃)နှစ်၊ ဦးကျော်လင်းစိုး(၄၀)နှစ်၊ မောင်ဇွဲမြတ်ကိုကို(၁၁)နှစ်၊ ကိုချစ်စန်း (၂၇)နှစ်၊ ဒေါ်မိငယ်(၄၅)နှစ်၊ ဒေါ်ခင်ဝါဝါမြင့်(၄၂)နှစ်၊ ဒေါ်ခင်မွန်စိုး(၄၀)နှစ်၊ မဆုလှိုင်နှင်း(၂၇)နှစ်၊ မချဲဖော(၂၈)နှစ်တို့တွင် မိုင်းပေါက်ကွဲစထိမှန်ဒဏ်ရာများ ရရှိခဲ့ကြောင်း သိရသည်။
ထိုသို့ ဒဏ်ရာရရှိသူများအား ဆေးကုသနိုင်ရန်အတွက် ပဲခူးမြို့နယ်ပြည်သူ့ဆေးရုံသို့ ပို့ဆောင်ပေးခဲ့ကြောင်း သိရသည်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
ယူကရိန်း၏ Mi-8 ရဟတ်ယာဉ်ကို ရုရှားတပ်ဖွဲ့များ ပစ်ချ
RELATED POSTS
18 Sep 2024 | မှုခင်း,ပြည်တွင်း
17 Sep 2024 | မှုခင်း,နိုင်ငံတကာ