ဟောင်ကောင်အမျိုးသမီးတစ်ဦး ကင်ဆာဟုအမှတ်မှားကာ ကုသမှုခံယူခဲ့ခြင်းကြောင့် သားအိမ်နဲ့ သားဥအိမ်များ ဆုံးရှုံးခဲ့ရ
ရောင်နီ (NSS) - မတ် ၁၇
ဟောင်ကောင်ရှိ အသက် ၅၉ နှစ်အရွယ် အမျိုးသမီးတစ်ဦးဟာ သားအိမ်ကင်ဆာရှိတယ်ဆိုတဲ့ မှားယွင်းတဲ့ ဆေးစစ်ချက်ကြောင့် သားအိမ်နဲ့ သားဥပြွန်တို့ကို စွန့်လွှတ်ခဲ့ရပါတယ်။
ယွန်လောင် ခရိုင်ရှိ Pok Oi ဆေးရုံမှာ သူမဆေးစစ်ခဲ့စဉ်က အသက် ၇၁ နှစ်အရွယ် လူနာတစ်ဦးရဲ့ အသားစနမူနာတွေနဲ့ ရောနှောကာ စစ်ဆေးချက် အဖြေထွက်ခြင်းဖြစ်တယ်လို့ သိရပါတယ်။ South China Morning Post (SCMP) က အဆိုပါအမျိုးသမီးဟာ ကင်ဆာရောဂါရှိကြောင်းသိရပြီး သီတင်း ငါးပတ်ခန့်အကြာ ဖေဖော်ဝါရီ ၂၆ ရက်မှာ သူမရဲ့ မျိုးပွားအင်္ဂါတွေကို ခွဲစိတ်ဖယ်ရှားခဲ့ပါတယ်။ အဲဒီနောက် မတ်လ ၁၅ ရက်မှာမှ သူမရဲ့ ဆေးစစ်ချက်အမှန်ကို တွေ့ရှိခဲ့ပါတယ်။ Pok Oi ဆေးရုံ အပါအဝင် New Territories West Cluster အမှုဆောင် အရာရှိချုပ် ဒေါက်တာ ဝမ်ယီယူချန်က အမျိုးသမီးရဲ့ အခြေအနေကို ဆေးဘက်ဆိုင်ရာအဖွဲ့မှ လိုက်လံစစ်ဆေးသွားမှာ ဖြစ်ကြောင်း ပြောကြားခဲ့ပါတယ်။
"ဒီအဖြစ်အပျက်က လူနာရဲ့ ရုပ်ပိုင်းဆိုင်ရာနဲ့ စိတ်ပိုင်းဆိုင်ရာ အခြေအနေတွေကို ထိခိုက်စေမယ်ဆိုတာ ကျွန်တော်တို့ သိပြီး နားလည်ပါတယ်၊ ဒါကြောင့် လူနာကို အရိုးသားဆုံး တောင်းပန်ပြီး အလေးအနက်ထား ဝမ်းနည်းကြောင်း ပြောပြချင်ပါတယ်” လို့ ၎င်းက ပြောကြားခဲ့ပါတယ်။ အမှားအယွင်းဖြစ်ရတဲ့ အကြောင်းရင်းကို စုံစမ်းစစ်ဆေးရေးကော်မတီက ဆုံးဖြတ်မယ်လို့ သိရပါတယ်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
အမေရိကန်နှင့် စစ်ရေးသဘောတူညီချက်များကို ရုတ်သိမ်းလိုက်ကြောင်း နိုင်ဂျာစစ်အစိုးရ ကြေညာ
RELATED POSTS
06 Sep 2024 | ကျန်းမာရေး,နိုင်ငံတကာ
31 Aug 2024 | ကျန်းမာရေး,နိုင်ငံတကာ
27 Aug 2024 | ကျန်းမာရေး,ပြည်တွင်း
26 Aug 2024 | ကျန်းမာရေး,နိုင်ငံတကာ