ဂျန်ဇက် (NSS) - ဖေဖော်ဝါရီ ၂၂

ပါကစ္စတန်နိုင်ငံ၏အကြီးမားဆုံးနိုင်ငံရေးပါတီ နှစ်ခုသည် ညွန့်ပေါင်းအစိုးရအဖွဲ့ဖွဲ့စည်းရန် သဘောတူညီမှု ရရှိခဲ့ကြောင်း သိရသည်။

ပါကစ္စတန်နိုင်ငံတွင် ပြီးခဲ့သောရက်ပိုင်းက ရွေးကောက်ပွဲကျင်းပခဲ့ပြီးနောက် အစိုးရအဖွဲ့ဖွဲ့စည်းနိုင်သော ပါတီမျိုး ထွက်ပေါ်လာခဲ့ခြင်းမျိုးမရှိခဲ့ကြောင်း သိရသည်။ 

ထိုအတွက်ကြောင့် ရွေးကောက်ပွဲအနိုင်ရပါတီများသည် အစိုးရအသစ်ဖွဲ့စည်းနိုင်ရန်အတွက် ညွန့်ပေါင်းဖွဲ့စည်းနိုင် ရန် ဆွေးနွေးခဲ့ကြောင်း သိရသည်။ လက်ရှိအချိန်တွင် ပါကစ္စတန်၏အင်အားအကြီးဆုံးပါတီဖြစ်သလို အနိုင်ရ ပါတီ များတွင် ပါဝင်ခဲ့သော PPP ပါတီ နှင့် (PML-N)ပါတီတို့သည်  ညွန့်ပေါင်းအစိုးရဖွဲ့စည်းနိုင်ရန် လက်ရှိအချိန်တွင် သဘောတူညီမှုရရှိခဲ့ကြောင်း သိရသည်။ 

သို့သော်လည်း ဖေဖော်ဝါရီလ ၈ ရက်နေ့က ကျင်းပခဲ့သော ရွေးကောက်ပွဲတွင်မဲအများဆုံးအနိုင်ရခဲ့သော ဝန်ကြီးချုပ်ဟောင်း အီမရန်ခန်း၏ပါတီက ညွန့်ပေါင်းအဖွဲ့တွင် ပါဝင်ခြင်းမျိုးမရှိကြောင်း သိရသည်။ PML-N ပါတီ နှင့် PPP ပါတီတို့သည် အစိုးရအသစ်ဖွဲ့စည်းရာတွင် PML-N ပါတီခေါင်းဆောင်ဖြစ်သလို ဝန်ကြီးချုပ်ဟောင်း သုံးကြိမ်တာဝန်ယူခဲ့ဖူးသော နာဝက်ရှာရစ်ကို ဝန်ကြီးချုပ်အဖြစ် ခန့်အပ်ရန် သဘောတူညီခဲ့ကြောင်း သိရသည်။ 

PML-N ပါတီသည် ရွေးကောက်ပွဲတွင် လွှတ်တော်နေရာပေါင်း ၇၉ နေရာအနိုင်ရခဲ့ပြီး PPP ပါတီက လွှတ်တော် နေရာပေါင်း ၅၄ နေရာတွင် အနိုင်ရခဲ့ကြောင်း သိရသည်။ အစိုးရအသစ် ဖွဲ့စည်းနိုင်ရန်အတွက် လွှတ်တော်နေရာ ပေါင်း ၂၆၄ နေရာရရှိရန် လိုအပ်နေရာ PPP ပါတီ နှင့် (PML-N) ပါတီတို့သည် ညွန့်ပေါင်းအစိုးရဖွဲ့စည်းနိုင်ရန် အတွက် အခြားပါတီငယ်များနှင့် ထပ်မံဆွေးနွေးကာ အစိုးရအသစ်တစ်ရပ်ဖွဲ့စည်းနိုင်ရန်ကြိုးပမ်းရဖွယ်ရှိနေသည်။ လူဦးရေ ၂၄၁ သန်းကျော်ရှိနေသည့် ပါကစ္စတန်နိုင်ငံတွင် စီးပွားရေးတိုးတက်မှုနှေးကွေးခြင်း၊ ငွေကြေးဖောင်းပွမှု မြင့်တက်ခြင်း၊ အကြမ်းဖက်မှုမြင့်တက်ခြင်းများကြောင့် စီးပွားရေးကျဆင်းမှုများရင်ဆိုင်နေရပြီး နိုင်ငံတည်ငြိမ်ရေး အတွက် အခက်အခဲများဖြစ်နေကြောင်း သိရသည်။

ပြီးခဲ့သောသီတင်းပတ်အတွင်းကျင်းပခဲ့သော ရွေးကောက်ပွဲတွင် ဝန်ကြီးချုပ်ဟောင်း အင်မရမ်ခန်း ဦးဆောင်သော PTI-Ind ပါတီက ရွေးကောက်ပွဲတွင်လွှတ်တော်နေရာပေါင်း ၁၁၆ နေရာရရှိခဲ့ပြီး ညွန့်ပေါင်းအစိုးရအဖွဲ့ ဖွဲ့စည်းရေး တွင် ပူးပေါင်းပါဝင်မည်မဟုတ်ကြောင်း သိရသည်။