(၄)လကျော်ကာလအတွင်း ပြည်တွင်း၌ တရားမဝင် ဝင်ရောက်နေထိုင်သည့် နိုင်ငံခြားသား (၅၀ဝဝဝ)ကျော်ကို ဖမ်းဆီးနိုင်ခဲ့
ယွန်း (NSS) - ဖေဖော်ဝါရီ ၁ဝ
(၄)လကျော်ကာလအတွင်း တရုတ်နိုင်ငံသား အပါအဝင် နိုင်ငံပေါင်း(၆)နိုင်ငံမှ နိုင်ငံခြားသား (၅၀ဝဝဝ)ကျော် ဖမ်းဆီးရမိခဲ့ကြောင်း နစကမှ ဖေဖော်ဝါရီလ (၈) ရက် ညပိုင်းတွင် ထုတ်ပြန်ထား သည်။
နစကမှ ၂၀၂၃ ခုနှစ်၊ အောက်တိုဘာလ(၅) ရက်မှစ၍ နယ်စပ်ဒေသများမှတစ်ဆင့် မြန်မာနိုင်ငံ အတွင်းသို့ တရားမဝင် ဝင်ရောက်နေထိုင်လျက်ရှိ သည့် နိုင်ငံခြားသားများကို ဖော်ထုတ်ဖမ်းဆီးပြီး သက်ဆိုင်ရာနိုင်ငံများမှ တာဝန်ရှိသူများထံ ပြန်လည် လွှဲပြောင်းမှုများကို ဆောင်ရွက်ခဲ့သည်။ ထိုသို့ ဆောင် ရွက်ခဲ့ရာ ၂၀၂၄ ခုနှစ်၊ ဖေဖော်ဝါရီလ (၈)ရက်အထိ တရုတ်နိုင်ငံအပါအဝင် နိုင်ငံပေါင်း(၆)နိုင်ငံမှ နိုင်ငံ ခြားသားစုစုပေါင်း (၅၀၆၁၉)ဦးကို ဖမ်းဆီးရမိခဲ့ ကြောင်း သိရသည်။
အဆိုပါဖမ်းဆီးရမိသည့် နိုင်ငံခြားသားများတွင် တရုတ်နိုင်ငံသား (၄၈၈၀၃)ဦး၊ ဗီယက်နမ်နိုင်ငံသား (၁၀၇၁)ဦး၊ ထိုင်းနိုင်ငံသား (၅၃၇)ဦး၊ မလေးရှားနိုင် ငံသား (၁၃၃)ဦး၊ ကိုရီးယားနိုင်ငံသား(၂၀)ဦးနှင့် လာအိုနိုင်ငံသား(၁၈)ဦးတို့ ပါဝင်ကြောင်း နစက၏ ထုတ်ပြန်ချက်အရ သိရသည်။ ၎င်းတို့အား ဥပဒေနှင့် အညီလိုအပ်သည့် စိစစ်ခြင်းများဆောင်ရွက်ခဲ့ပြီး သက်ဆိုင်ရာနိုင်ငံများမှ တာဝန်ရှိသူများထံသို့ စနစ်တကျပြန်လည်လွှဲပြောင်းပေးခဲ့ကြောင်း သိရသည်။
နစကအနေဖြင့် နယ်စပ်ဒေသများမှ တရားမဝင် ဝင်ရောက်နေထိုင်လျက်ရှိသည့် ပြည်ပနိုင်ငံသားများ အား စိစစ်ဖော်ထုတ်ခြင်းနှင့် ပြန်လည်လွှဲပြောင်းခြင်း များကို ဆက်လက်ဆောင်ရွက်နေကြောင်း ထုတ်ပြန်ချက်တွင် ဖော်ပြထားသည်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
(၂)လတာကာလအတွင်း ထိုင်းနိုင်ငံရောက် မြန်မာနိုင်ငံသား (၃၅၀ဝဝ)ကျော် အခွန်ထမ်းဆောင်ထား
RELATED POSTS
18 Sep 2024 | မှုခင်း,ပြည်တွင်း
17 Sep 2024 | မှုခင်း,နိုင်ငံတကာ