SSPP အနေဖြင့် နမ့်ခမ်းမြို့ဧရိယာအတွင်း အုပ်ချုပ်ရေးကိစ္စများ ဆက်လက်မလုပ်ရန် TNLA အဖွဲ့ သတိပေး
မြူနစ် (NSS) - ဇန်နဝါရီ ၂၃
ရှမ်းလက်နက်ကိုင်အဖွဲ့တစ်ခုဖြစ်သော SSPP/SSA အနေဖြင့် နမ့်ခမ်းမြို့ဧရိယာအတွင်း အုပ်ချုပ်ရေးကိစ္စများ ဆက်လက်မလုပ်ရန် TNLA အဖွဲ့က စာပို့ကာ သတိပေးထားသည်။
တအာင်းလက်နက်ကိုင်အဖွဲ့ TNLA မှ ဒုဗိုလ်မှူးကြီး တားမိုးဟိန်းက ဇန်နဝါရီလ ၂၁ ရက်တွင် ၎င်းကိုယ်တိုင်လက်မှတ်ရေးထိုးကာ SSPP/SSA အဖွဲ့ထံ စာပေးပို့ခဲ့ခြင်းဖြစ်သည်။
SSPP/SSA အဖွဲ့သည် နမ့်ခမ်းမြို့နယ်ရှိ ဒေသခံရှမ်းလူထုကို ကျေးရွာလုံခြုံရေးတပ် ဖွဲ့စည်းရန်နှင့် စစ်မှုထမ်းရန် ဆောင်ရွက်နေသည်ကို သိရှိရသည်ဟု TNLA အဖွဲ့က ပေးပို့စာတွင် ဖော်ပြထားသည်။
လက်ရှိတွင် TNLA သည် နမ့်ခမ်းမြို့နယ်ရှိ ပြည်သူများ၏ သဘောဆန္ဒအတိုင်း နမ့်ခမ်းမြို့နယ် တည်ငြိမ်အေးချမ်းဖွံ့ဖြိုးလာရန် တာဝန်ယူဆောင်ရွက်နေပြီဖြစ်သည်ဟု ပေးပို့သောစာတွင် အသိပေးဖော်ပြထားသည်။
ထို့ကြောင့် နမ့်ခမ်းမြို့နယ်တွင် SSPP/SSA အဖွဲ့အနေ ဖြင့် တပ်သားစုဆောင်းရေးကိစ္စရပ်အပါအဝင် စစ်ရေး၊ အုပ်ချုပ်ရေး၊ ငွေကြေးကောက်ခံရေးစသည့်ကိစ္စရပ်များကို ဆက်လက်မလုပ်ဆောင်ရန် TNLA က အထူးမေတ္တာ ရပ်ခံသည်ဟု ဖော်ပြထားသည်။
သို့သော် အထက်ပါကိစ္စရပ်များကို ဆက်လက်ဆောင် ရွက်ပါက မလိုလားအပ်သောပြဿနာများ ဖြစ်ပွားလာနိုင်သည့်အတွက် စာပေးပို့ရခြင်းဖြစ်သည်ဟုလည်း TNLA အဖွဲ့က ဆိုသည်။
အဆိုပါစာနှင့်ပတ်သက်၍ NSS အနေဖြင့် SSPP အဖွဲ့ထံ ဖုန်းဖြင့် ဆက်သွယ်ခဲ့သော်လည်း အဆက်အ သွယ် မရရှိခဲ့ပေ။
နမ့်ခမ်းမြို့သည် TNLA၊ AA၊ MNDAA မဟာမိတ်(၃)ဖွဲ့က ၎င်းတို့၏ ၁၀၂၇ စစ်ဆင်ရေးအတွင်း ရှမ်းပြည်နယ်၊ နမ့်ခမ်းမြို့ရှိ တပ်မတော်လုံခြုံရေးအဖွဲ့ဝင်များကို တိုက်ခိုက်ကာ ထိန်းချုပ်ထားသည့် မြို့တစ်မြို့လည်း ဖြစ်သည်။
ပြီးခဲ့သော ၂၀၂၃ ခုနှစ်၊ နိုဝင်ဘာလ ၇ ရက်တွင် ရှမ်းပြည် နယ်၊ မူဆယ်မြို့နယ်အတွင်း၌ SSPP နှင့် TNLA အဖွဲ့တို့အကြား အပြန်အလှန်ပစ်ခတ်မှုများ ဖြစ်ပွားခဲ့ဖူးသည်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
မူးယစ်ဆေးဝါးစစ်ပွဲနဲ့ဆက်နွယ်ပြီး ICC ရဲ့စုံစမ်းစစ်ဆေးမှုတွေကို ပူးပေါင်းဆောင်ရွက်မှာမဟုတ်ကြောင်း ဖိလစ်ပိုင်အစိုးရပြော
RELATED POSTS
22 Sep 2024 | နိုင်ငံရေး,နိုင်ငံတကာ
22 Sep 2024 | နိုင်ငံရေး,နိုင်ငံတကာ
22 Sep 2024 | နိုင်ငံရေး,ပြည်တွင်း