ဂျန်ဇက် (NSS) - ဇန်နဝါရီ ၂၂ 

အမေရိကန်အစိုးရက အီရတ်နိုင်ငံရှိ အမေရိကန်စစ်သားတွေကို တိုက်ခိုက်ခဲ့တဲ့ အီရန်လိုလားတဲ့  အီရတ်လက်နက်ကိုင်အုပ်စုတွေကို လက်တုံ့ပြန်သွားမှာဖြစ်ကြောင်း ထုတ်ဖော်ပြောဆိုလိုက်ပါတယ်။ 

အမေရိကန်အမျိုးသားလုံခြုံရေးကောင်စီ ဒုတိယအကြံပေးတစ်ဦးဖြစ်တဲ့ ဂျွန်ဖိနာက "အဲဒီတိုက်ခိုက်မှုတွေကို တုံ့ပြန်သွားမှာပါ။ အမေရိကန်တပ်ဖွဲ့တွေ တိုက်ခိုက်ခံရမှုတွေကို တားဆီးနိုင်ဖို့ လုပ်ဆောင်သွားမယ်။ အမေရိကန် တပ်ဖွဲ့တွေတိုက်ခိုက်ခံရမှုတွေကို တာဝန်ယူခြင်းတာဝန်ခံမျိုးဖြစ်အောင် ပြန်လုပ်ဆောင်သွားမယ်" လို့ ပြောပါတယ်။ 

အီရတ်နိုင်ငံမှာ အခြေစိုက်ထားတဲ့ အမေရိကန်တပ်ဖွဲ့ဝင်တွေဟာ ပြီးခဲ့တဲ့သီတင်းပတ်များအတွင်း အီရတ်နိုင်ငံရှိ အီရန်လိုလားတဲ့လက်နက်ကိုင်အဖွဲ့တွေရဲ့ပစ်မှတ်ထားတိုက်ခိုက်ခြင်းတွေကို မကြာခဏတွေ့ကြုံခဲ့ရကြောင်း သိရပါတယ်။ 

၎င်းက "အီရတ်နိုင်ငံရှိ လက်နက်ကိုင်အဖွဲ့တွေဟာ အမေရိကန်စစ်သားတွေကို စစ်မှန်တဲ့ခြိမ်းခြောက်မှုတွေ လုပ်ဆောင်နိုင်ဖို့ ပဲ့ထိန်းဒုံးကျည်တွေ အသုံးပြုတိုက်ခိုက်ခဲ့တယ်။ အမေရိကန်အစိုးရဟာ ဒီလိုမျိုးတိုက်ခိုက်ခံရမှု တွေကို အလေးနက်ထားဆောင်ရွက်နေပြီဖြစ်ပါတယ်" လို့ ပြောပါတယ်။

အစ္စရေး နဲ့ ဟားမက်စ်လက်နက်ကိုင်အဖွဲ့ကြားဖြစ်ပွားတဲ့ ဂါဇာစစ်ပွဲ စတင်ခဲ့ပြီးနောက်ပိုင်း အီရတ်နိုင်ငံရှိ လက်နက်ကိုင်အုပ်စုတွေဟာ ၎င်းတို့နိုင်ငံအတွင်းရှိ အမေရိကန်တပ်ဖွဲ့ဝင် ၂၅ဝဝ ကျော်ကို ပစ်မှတ်ထားတိုက်ခိုက်ခဲ့ ကြောင်း သိရပါတယ်။

ဒါ့အပြင် ဆီးရီးယားနိုင်ငံမှာ အခြေစိုက်ထားတဲ့ အမေရိကန်တပ်ဖွဲ့ဝင် ၉ဝဝ ကျော်လည်း ပစ်မှတ်ထားတိုက်ခိုက်ခံရ ကြောင်း သိရပါတယ်။ အမေရိကန်အစိုးရဟာ  ISIS အဖွဲ့တွေကို တိုက်ခိုက်ဖို့ ရည်ရွယ်ချက်နဲ့ ဆီးရီးယားနဲ့ အီရတ် နိုင်ငံတို့မှာ တပ်ဖွဲ့ဝင်များဖြန့်ကြတ်ချထားခဲ့ကြောင်း သိရပါတယ်။

အမေရိကန်စစ်တပ်ဟာ ပင်လယ်နီဒေသက ဖြတ်သန်းနေတဲ့ကုန်စည်သင်္ဘောတွေကို တိုက်ခိုက်နေတဲ့ ဟူသီ လက်နက်ကိုင်အုပ်စုတွေကိုဖြိုခွင်းနိုင်ဖို့ ရည်ရွယ်ချက်နဲ့ပြီးခဲ့တဲ့သီတင်းပတ်အတွင်း ယီမင်နိုင်ငံကို တိုက်ခိုက်ခဲ့ ကြောင်း သိရပါတယ်။