အိန္ဒိယနဲ့ မြန်မာနိုင်ငံနယ်စပ်ဒေသတွေကို ခြံစည်းရိုးခတ်သွားမယ်လို့ အိန္ဒိယအစိုးရပြော
ဂျန်ဇက် (NSS) - ဇန်နဝါရီ ၂၁
အိန္ဒိယနိုင်ငံဟာ မြန်မာနိုင်ငံနယ်စပ်ဒေသတစ်လျှောက်မှာ ခြံစည်းရိုးခတ်သွားမှာဖြစ်တယ်လို့ အိန္ဒိယပြည်ထဲရေးဝန်ကြီးက ထုတ်ဖော်ပြောဆိုလိုက်ပါတယ်။
အိန္ဒိယဗဟိုအစိုးရဟာ အိန္ဒိယနဲ့ ဘင်္ဂလားဒေရှ့်နိုင်ငံ နယ်စပ်ဒေသတစ်လျှောက်မှာ ခြံစည်းရိုးခတ်ထားသလိုမျိုး မြန်မာနိုင်ငံနဲ့ အိန္ဒိယနိုင်ငံ နယ်စပ်ဒေသတွေမှာလည်း ခြံစည်းရိုးခတ်ဖို့ ဆုံးဖြတ်ခဲ့တယ်လို့ အိန္ဒိယပြည်ထဲရေး ဝန်ကြီး Amit Shah က ပြောပါတယ်။
ဒါ့အပြင် အိန္ဒိယနဲ့ မြန်မာနယ်စပ်ဒေသတွေကို လွတ်လပ်စွာလှုပ်ရှားသွားလာခွင့်ပေးထာခြင်းကိုလည်း ပြန်လည် သုံးသပ်ပြီးနောက် အဆုံးသတ်တော့မှာဖြစ်ကြောင်း ၎င်းက ထပ်မံပြောဆိုခဲ့ပါတယ်။
အိန္ဒိယနိုင်ငံဟာ မြန်မာနိုင်ငံနဲ့နယ်စပ်ဒေသမှာ နယ်နိမိတ်ချင်း ၁ဝ၂ဝ မိုင် ထိစပ်နေကြောင်း သိရပါတယ်။ အိန္ဒိယ နဲ့ မြန်မာနိုင်ငံတို့ဟာ နယ်စပ်ဒေသကနေ ၁ဝ မိုင်အတွင်း လွတ်လပ်စွာသွားလာလှုပ်ရှားခွင့်ပေးထားတဲ့ သဘောတူညီချက်တွေ ရရှိထားပြီး၊ အဲဒီသဘောတူညီချက်တွေကို လက်ရှိအချိန်မှာတော့ ပြန်လည်သုံးသပ်ပြီး ဖျက်သိမ်းတော့မှာဖြစ်ကြောင်း အိန္ဒိယအစိုးရဘက် က ပြောပါတယ်။
မြန်မာနိုင်ငံဘက်ခြမ်းမှာ အာဏာအငြင်းပွားမှုတွေဖြစ်လာခဲ့ပြီးနောက်ပိုင်း လက်နက်ကိုင်တိုက်ပွဲများဖြစ်လာခဲ့တဲ့ အတွက် မြန်မာနိုင်ငံသားတွေဟာ နယ်စပ်ဒေသကိုဖြတ်သန်းပြီး အိန္ဒိယနိုင်ငံဘက်ခြမ်းကို နေရပ်စွန့်ခွာသွားရောက် နေထိုင်ခဲ့ကြောင်း သိရပါတယ်။ မြန်မာနယ်စပ်ဒေသမှာ ဖြစ်ပွားနေတဲ့တိုက်ပွဲတွေကြောင့် မြန်မာတပ်မတော်သား တွေဟာ အိန္ဒိယဘက်ခြမ်းကို ဆုတ်ခွာမှုတွေလည်းရှိနေခဲ့ပြီး ဒီသီတင်းပတ်အတွင်းမှာ မြန်မာတပ်မတော်သား ၃ဝဝ နီးပါး အိန္ဒိယဘက်ခြမ်းကို ဆုတ်ခွာခဲ့ကြောင်း သိရပါတယ်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
ကျောက်တင်ကားနှင့် ဆိုင်ကယ်တို့တိုက်မိရာမှ ဆိုင်ကယ်မောင်းသူ ကားကြိတ်ခံရ၍ ပွဲချင်းပြီးသေဆုံးမှု အုတ်တွင်းမြို့၌ဖြစ်ပွား
RELATED POSTS
19 Sep 2024 | နိုင်ငံရေး,ပြည်တွင်း