Pika (NSS) - ဇန်နဝါရီ ၁၉

အစ္စရေးဝန်ကြီးချုပ်နေတန်ရာဟုသည် ဂါဇာကမ်းမြောင်ဒေသအပေါ် ထိုးစစ်ဆင်မှုများကို လျှော့ချရန် နှင့် ပါလက်စတိုင်းနိုင်ငံ ထူထောင်ရေးကို ထောက်ခံအားပေးရန် အမေရိကန်၏တောင်းဆိုမှုများကို ပယ်ချခဲ့ပြီး အစ္စရေးသည် အောင်ပွဲမှလွဲပြီး မည်သည့်အရာကိုမှ အာရုံစိုက်လုပ်ကိုင်မည်မဟုတ်ကြောင်း ပြောခဲ့သည်။

ပြီးခဲ့သည့်သီတင်းပတ်က Davos မြို့တွင် ကျင်းပသော ကမ္ဘာ့စီးပွားရေးဖိုရမ်တွင် အစ္စရေး နှင့် ဂါဇာကမ်းမြောင် ဒေသကြား စစ်ပွဲရပ်တန့်ရန်အတွက် နှစ်နိုင်ငံဖြေရှင်းချက်ရှာရန် အမေရိကန်က တွန်းအားပေးခဲ့ကြောင်းလည်း သိရသည်။ 

အစ္စရေး၏ စစ်မှန်သော လုံခြုံရေးလမ်းကြောင်းသည် ပါလက်စတိုင်းနိုင်ငံ ဖွဲ့စည်းရေးနှင့်ပတ်သက်ကြောင်း အမေရိကန်နိုင်ငံခြားရေးဝန်ကြီးအန်တိုနီဘလင်ကန်က ပြောခဲ့သည်။ အစ္စရေးအနေဖြင့် ဂျော်ဒန်မြစ် အနောက် ဘက်နယ်မြေအားလုံးတွင် လုံခြုံရေးကိုထိန်းသိမ်းရမည်ဆိုသည့်ပြောဆိုချက်များကို နေတန်ရာဟုက ငြင်းဆန် ပယ်ချခဲ့ကြောင်းလည်း သိရသည်။ 

ထို့အပြင် အစ္စရေးပြည်သူများအပေါ် အကြမ်းဖက်မှုများမရှိစေရန်အတွက် လုပ်ဆောင်သွားမည်ဖြစ်ကြောင်း နေတန်ရာဟုက ပြောခဲ့သည်။ 

"အောင်ပွဲကလွဲပြီး ဘယ်အရာကိုမှ ကျွန်တော်တို့ဖြေရှင်းသွားမှာ မဟုတ်ပါဘူး။ ဒါဟာ ပါလက်စတိုင်းအချုပ်အခြာ အာဏာ ထင်မြင်ယူဆချက်နဲ့ တိုက်ဆိုင်နေပါတယ်။ ဒီအဖြစ်မှန်ကို ကျွန်တော်တို့ရဲ့ အမေရိကန်မိတ်ဖက်တွေ သိအောင် ရှင်းပြသွားမှာပါ။ အစ္စရေးနိုင်ငံကိုအန္တရာယ်ဖြစ်စေမယ့် အဖြစ်မှန်ဆီရောက်အောင် တွန်းပို့ပေးနေတဲ့ ကြိုးစားမှုတွေကို ကျွန်တော် တားဆီးထားပါတယ်" ဟု နေတန်ရာဟုက ပြောခဲ့သည်။

သို့သော်လည်း ပါလက်စတိုင်းနိုင်ငံ ထူထောင်ခြင်းမျိုးမရှိဘဲ အစ္စရေး နှင့် ဂါဇာကမ်းမြောင်ဒေသတို့၏ ရေတိုနှင့် ရေရှည်ပြဿနာများကို ဖြေရှင်းရန် နည်းလမ်းမရှိဟု အမေရိကန်အစိုးရက ယုံကြည်နေကြောင်း အမေရိကန်နိုင်ငံ ခြားရေးဝန်ကြီးဌာနပြောရေးဆိုခွင့်ရှိသူ မက်သရူးမီလာက ပြောကြားခဲ့သည်။