ကျိုင်းတုံကို တိုက်ခိုက်မည်ဟု သတင်းထွက်ပေါ်ခြင်းမှာ မဟုတ်မှန်ကြောင်း UWSA က ပြန်လည်ဖြေရှင်း
သုတကျော် (NSS) - ဇန်နဝါရီ ၁၇
ကျိုင်းတုံကို တိုက်ခိုက်မည်ဟု သတင်းထွက်ပေါ်ခြင်းမှာ မဟုတ်မှန်ကြောင်း "ဝ"တပ်ဖွဲ့ (UWSA)က ထုတ်ပြန်ခဲ့သော ရှင်းလင်း ချက်တွင် ဖော်ပြထားသော အချက်အလက်များအရ သိရသည်။
အွန်လိုင်းစာမျက်နှာများထက်တွင် ထွက်ပေါ်နေသော အဆိုပါ ထုတ်ပြန်ချက်နှင့်ပတ်သက်၍ NP News သတင်းဌာနက UWSA မှ ပြောရေးဆိုခွင့်ရှိသူတစ်ဦးဖြစ်သည့် ဦးညီရန်းကို စာပို့ဆက်သွယ်မေးမြန်းရာတွင် ထုတ်ပြန်ခဲ့သည်မှာ မှန်ကန်ကြောင်း ၎င်းက အတည်ပြုပြောကြားသည်။
အင်တာနက် နှင့် အခြားလူမှုကွန်ယက် ပလက်ဖောင်းအချို့တွင် UWSA က ကျိုင်းတုံကို တိုက်ခိုက်မည်ဆိုသော မဟုတ်မမှန် သတင်းများ ထွက်ပေါ်ခဲ့ကြောင်း UWSA ၏ သတင်းပြန်ကြား ရေးဗျူရိုက ထုတ်ပြန်ထားသည့် အချက်အလက်များ အရ သိရသည်။
UWSA အနေဖြင့် ငြိမ်းချမ်းရေး သဘောတူညီချက်ပါ စည်းကမ်းများကို လိုက်နာဆောာင်ရွက်သွားမည်ဖြစ်ပြီး ဘက်လိုက်မည် မဟုတ်ကြောင်း နှင့် ဝင်ရောက်စွက်ဖက်မည် မဟုတ်ကြောင်း ဖော်ပြထားသည်။
မြန်မာနိုင်ငံ မြောက်ပိုင်းက တိုက်ပွဲများနှင့်ပတ်သက်၍ UWSA က ကတိပြုထားသည့် လူသားချင်းဆိုင်ရာ ကူညီမှုအတွက် ဝင်ရောက်လာသော ဒုက္ခသည်များကို ကူညီပေးခြင်း နှင့် အိမ်ပြန်ရေး အဆင်ပြေစေရန် ဆောင်ရွက်ပေးကြောင်းလည်း ဖော်ပြထားချက်အရ သိရသည်။
တရုတ်နိုင်ငံ၊ ယူနန်ပြည်နယ်၊ ကူမင်းမြို့တွင် ဇန်နဝါရီလ ၁၀ ရက်မှ ၁၁ ရက်အထိ ကျင်းပခဲ့သည့် ငြိမ်းချမ်းရေး ဆွေးနွေးပွဲမှ ရရှိခဲ့သော အပစ်အခတ်ရပ်စဲရေး သဘောတူညီချက်ကို လိုက်နာ ကြမည်ဟု မျှော်လင့်ကြောင်း နှင့် "ဝ"အနေဖြင့်လည်း အစွမ်း ကုန် ကူညီပံ့ပိုးပြီး အဆင်ပြေစေရေး ဆက်လက်ပံ့ပိုးပေးရန် ဆန္ဒရှိကြောင်းလည်း ဖော်ပြထားသည်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
တာချီလိတ်မြို့တွင် မြေညှိယာဉ်တစ်စီး လမ်းချော်၍ ပေ(၁၅၀) ခန့်အနက်ရှိ ချောက်ထဲထိုးကျရာ အမျိုးသားတစ်ဦးပွဲချင်းပြီး သေဆုံး
RELATED POSTS
22 Sep 2024 | နိုင်ငံရေး,နိုင်ငံတကာ
22 Sep 2024 | နိုင်ငံရေး,နိုင်ငံတကာ
22 Sep 2024 | နိုင်ငံရေး,ပြည်တွင်း