လာမည့် (၂)ရက်အတွင်း ရန်ကုန်အပါအဝင် တိုင်းနှင့်ပြည်နယ် (၈)ခုတွင် ညအပူချိန်များ အနည်းငယ်လျော့နည်းနိုင်ဟု မိုးဇလအသိပေး
စော (NSS) - ဇန်နဝါရီ ၁၁
လာမည့် (၂)ရက်အတွင်း ရန်ကုန်တိုင်း အပါအဝင် တိုင်းဒေသကြီး (၆)ခု နှင့် ပြည်နယ်(၂)ခုတို့တွင် ညအပူချိန်များ အနည်းငယ်လျော့နည်းနိုင်ကြောင်း မိုးလေဝသနှင့် ဇလဗေဒညွှန်ကြားမှုဦးစီးဌာနထံမှ သိရသည်။
မိုးလေဝသနှင့် ဇလဗေဒညွှန်ကြားမှုဦးစီးဌာနက ယနေ့ (ဇန်နဝါ ရီလ ၁၁ ရက်)၊ နံနက် (၇)နာရီထုတ်ပြန်ချက်တွင် အထက်ပါကဲ့သို့ အသိပေးရေးသားထားခြင်းဖြစ်သည်။
“အများကြီးတော့ မလျော့ပါဘူး။ လက်ရှိအနေအထားကနေ တစ်ဒီဂရီ၊ နှစ်ဒီဂရီ လျော့မှာပါ။ တစ်ဒီဂရီ၊ နှစ်ဒီဂရီ လျော့ရင်လည်း အေးတာပဲပေါ့နော်။ ရန်ကုန်တို့၊ ဧရာဝတီတို့ လက်ရှိအေးတာထက် နည်းနည်းလေး အေးလာနိုင်တယ်။ အရမ်းကြီးအအေးပိုလာနိုင်တာတော့မရှိနိုင်ပါဘူး။ မှန်းထားတာတော့ ဇန်နဝါရီလ (၁၅)၊ (၁၆)၊ (၁၇)ရက်အထိတော့ တစ်ပြည်လုံးမှာ အေးနိုင်တယ်”ဟု မိုးလေဝသနှင့်ဇလဗေဒညွှန်ကြားမှုဦးစီးဌာနမှ ညွှန်ကြားရေးမှူး ဦးလှထွန်းက NSS ကိုပြောသည်။
ရန်ကုန်တိုင်း အပါအဝင် မန္တလေးတိုင်း၊ စစ်ကိုင်းတိုင်း၊ မကွေး တိုင်း၊ ပဲခူးတိုင်း၊ ဧရာဝတီတိုင်း၊ ကချင်ပြည်နယ်၊ ရှမ်းပြည်နယ်နှင့် ချင်းပြည်နယ်တို့တွင် လာမည့် (၂)ရက်အတွင်း ညအပူချိန်များ အနည်းငယ်လျော့နည်းနိုင်ကြောင်း ထုတ်ပြန်ချက်အရ သိရသည်။
မိုးဇလ၏ ထုတ်ပြန်ချက်အရ မြန်မာ့ပင်လယ်ပြင်တွင် လှိုင်းအသင့်အတင့်ရှိပြီး အမြင့်သည် မြန်မာ့ကမ်းရိုးတန်းတစ်လျှောက်နှင့် ကမ်းလွန်ပင်လယ်ပြင်တို့တွင် (၄)ပေမှ (၇)ပေခန့် ရှိနိုင်ကြောင်း သိရသည်။
နေပြည်တော်နှင့် ရန်ကုန်မြို့ အနီးတစ်ဝိုက်တွင် ယနေ့ညနေအထိ ခန့်မှန်းချက်အနေဖြင့် အများအားဖြင့် သာယာမည်ဖြစ်ပြီး မန္တလေးမြို့ အနီးတစ်ဝိုက်တွင် တိမ်အသင့်အတင့်ဖြစ်ထွန်းနိုင်ကြောင်း သိရသည်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
ပြည်တွင်းဈေးကွက်၌ brand အထည်များထက် ဘေထုပ်ထည်ဝယ်ယူမှုများပြားလျက်ရှိနေ
RELATED POSTS
19 Sep 2024 | အထွေထွေ,ပြည်တွင်း
19 Sep 2024 | အထွေထွေ,ပြည်တွင်း
19 Sep 2024 | အထွေထွေ,ပြည်တွင်း