အစ္စရေးနိုင်ငံကို နိုင်ငံတကာတရားရုံးမှာ တရားစွဲမယ့်အစီအစဉ်ကို အမေရိကန်အစိုးရ ငြင်းဆန်ပယ်ချ
ဂျန်ဇက် (NSS) - ဇန်နဝါရီ ၁၁
အမေရိကန်အစိုးရအဖွဲ့က အစ္စရေးနိုင်ငံကို လူမျိုးသုန်းသတ်ဖြတ်မှုနဲ့ နိုင်ငံတကာတရားရုံး အိုင်စီဂျေတင်မယ့် အစီအစဉ်ကို ကန့်ကွက်ဆန့်ကျင်ကြောင်း ထုတ်ဖော်ပြောဆိုလိုက်ပါတယ်။
တောင်အာဖရိကနိုင်ငံဟာ ဂါဇာစစ်ပွဲနဲ့ဆက်နွယ်ပြီး အစ္စရေးနိုင်ငံကို လူမျိုးသုန်းသတ်ဖြတ်မှုနဲ့ နိုင်ငံတကာ တရားရုံးမှာ တရားစွဲဆိုဖို့ စီစဉ်ဆောင်ရွက်နေကြောင်း သိရပါတယ်။ အမေရိကန်နိုင်ငံခြားရေးဝန်ကြီးဌာန ပြောရေး ဆိုခွင့်ရှိသူ မက်သရူးမီလ်လာက "အစ္စရေးနိုင်ငံဟာ လူမျိုးသုန်းသတ်ဖြတ်တယ်ဆိုတဲ့စွပ်စွဲချက်တွေက အခြေမြစ် မရှိဘူး။ အစ္စရေးနိုင်ငံကို အကြမ်းဖက်တိုက်ခိုက်နေတဲ့သူတွေဟာ လက်ရှိအချိန်မှာလည်း အစ္စရေးနိုင်ငံကို ဖျက်ဆီး ဖို့၊ ဂျူးတွေကို သုတ်သင်ဖို့ လွတ်လပ်ပွင့်လင်းစွာ တောင်းဆိုနေဆဲဖြစ်တယ်။ လူမျိုးသုန်း သတ်ဖြတ်မှုဆိုတာ အဖွဲ့အစည်းတစ်ခု ဒါမှမဟုတ် လူတစ်ဦးတစ်ယောက်တည်းက ကျူးလွန်လို့ရတဲ့ အရက်စက်ဆုံးလုပ်ရပ်ဖြစ်တယ်။ အစ္စရေးနိုင်ငံက လူမျိုးသုန်းသတ်ဖြတ်တယ်ဆိုတဲ့စွပ်စွဲချက်တွေကို ဂရုစိုက်သင့်တယ်။ အစ္စရေးဟာ ဟားမက်စ် လက်နက်ကိုင်အဖွဲ့ရဲ့အကြမ်းဖက်လုပ်ရပ်တွေကို ကာကွယ်ဖို့ အခွင့်အရေးရှိနေပါတယ်။ ဟားမက်စ်လက်နက်ကိုင် အုပ်စုတွေဟာ အစ္စရေးကို အလုံးစုံဖျက်ဆီးနိုင်ချိန်အထိ ကြိုးပမ်းနေသူတွေဖြစ်တယ်။ အစ္စရေးဟာ ဟားမက်စ် လက်နက်ကိုင်အဖွဲ့တွေကိုတိုက်ခိုက်ရာမှာ နိုင်ငံတကာ လူသားချင်းဆိုင်ရာစာနာမှုအကူအညီပေးရေး ဥပဒေတွေနဲ့အတူ လိုက်နာဆောင်ရွက်သွားမယ်လို့ မျှော်လင့်ထားတယ်" လို့ ပြောပါတယ်။
အစ္စရေးတရားရေးဝန်ကြီးက တောင်အာဖရိကရဲ့ ICJ မှာ တရားစွဲဆိုမှုတွေဟာ ဂါဇာဒေသကိုတိုက်ခိုက်နေတဲ့ အစ္စရေးရဲ့တိုက်ခိုက်မှုတွေကိုရပ်တန့်ဖို့ ရည်ရွယ်တာဖြစ်ကြောင်း၊ ဒါပေမယ့် အစ္စရေးရဲ့တိုက်ခိုက်မှုတွေ ရပ်တန့်မှာ မဟုတ်ကြောင်း ပြောပါတယ်။
နိုင်ငံတကာတရားရုံးဟာ အစ္စရေးနိုင်ငံကို လူမျိုးသုန်းသတ်ဖြတ်မှုနဲ့ တရားစွဲဆိုခဲ့တဲ့ တောင်အာဖရိကရဲ့စွဲချက်တွေ ကို ဇန်နဝါရီလ ၁၁ ရက်မှာ စတင် ကြားနားဖွယ်ရှိနေကြောင်း သိရပါတယ်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
လာမည့် (၂)ရက်အတွင်း ရန်ကုန်အပါအဝင် တိုင်းနှင့်ပြည်နယ် (၈)ခုတွင် ညအပူချိန်များ အနည်းငယ်လျော့နည်းနိုင်ဟု မိုးဇလအသိပေး
RELATED POSTS
22 Sep 2024 | နိုင်ငံရေး,နိုင်ငံတကာ
22 Sep 2024 | နိုင်ငံရေး,နိုင်ငံတကာ
22 Sep 2024 | နိုင်ငံရေး,ပြည်တွင်း