Pearl (NSS) - ဇန်နဝါရီ ၉

ရန်ကုန်တိုင်းအတွင်းရှိ PDF အဖွဲ့ဝင် (၈)ဦး ဥပဒေဘောင်အတွင်း ပြန်လည်ဝင်ရောက်လာကြောင်း နစကမှ  ယမန်နေ့ (နိုဝင်ဘာလ ၈ ရက်)၊ ညပိုင်းတွင် ထုတ်ပြန်ထားသည်။ 

တိုင်းရင်းသားလက်နက်ကိုင်အဖွဲ့နယ်မြေအတွင်း သင်တန်းများ တက်ရောက်ခဲ့ပြီး ပြစ်မှုကျူးလွန်ခြင်းမရှိခဲ့သည့် ရန်ကုန်တိုင်း ထန်းတပင်မြို့နယ်၊ ခရမ်းမြို့နယ်၊ ကျောက်တံတားမြို့နယ်၊ ဒေါပုံမြို့နယ် နှင့် ဒလမြို့နယ်တို့မှ  PDF အဖွဲ့ဝင် အမျိုးသား ၆ ဦးနှင့် အမျိုးသမီး ၂ ဦးတို့သည် ဥပဒေဘောင်အတွင်း ပြန်လည်ဝင်ရောက်လာခဲ့ကြောင်း နစကမှ အသိပေးထားသည်။

ထိုသို့ ဥပဒေဘောင်အတွင်း ပြန်လည်ဝင်ရောက်လာသော PDF အဖွဲ့ဝင်များအား ပြန်လည်ကြိုဆိုလက်ခံခြင်း အခမ်းအနားကို ယမန်နေ့ (ဇန်နဝါရီလ ၈ ရက်) ၊ နံနက်ပိုင်းတွင် ရန်ကုန်တိုင်းဒေသကြီးအစိုးရအဖွဲ့ရုံး မင်္ဂလာခန်းမ၌ ပြုလုပ်ခဲ့ကြောင်း နစကမှ ‌ထုတ်ပြန်ထားသည်။ 

အခမ်းအနား၌ ဥပဒေဘောင်အတွင်း ပြန်လည်ဝင်ရောက်လာသူများအား ဝန်ခံကတိလက်မှတ်ရေးထိုးစေကာ ၎င်းတို့၏ မိဘအုပ်ထိန်းသူများထံသို့ လွှဲပြောင်းအပ်နှံပြီး‌ ထောက်ပံ့ပစ္စည်းများနှင့် စားသောက်ဖွယ်ရာများ ပေး အပ်ခဲ့ကြောင်း သိရသည်။ 

PDF အပါအဝင် အဖွဲ့အစည်းအမျိုးမျိုးတို့အနေဖြင့် ဥပဒေဘောင်အတွင်းသို့ လက်နက်အပ်နှံပြီး ပြည်သူ့ဘဝသို့ ပြန်လည်ဝင်ရောက်မည်ဆိုပါက ကြိုဆိုလက်ခံသွားမည်ဖြစ်ကြောင်း နိုင်ငံတော်အစိုးရမှ ထုတ်ပြန်ထားပြီးဖြစ် သည်။