ရောင်နီ (NSS) - ဇန်နဝါရီ ၁

စင်္ကာပူမှာ တရားမဝင် တောရိုင်းတိရစ္ဆာန်ရောင်းချသူတွေကို ဖမ်းဆီးအရေးယူမှုများ ပြုလုပ်နေတဲ့ကြားက သုံးနှစ်အတွင်း Telegram မှ မှောင်ခိုရောင်းဝယ်မှုတွေဟာ နှစ်ဆ တိုးလာတယ်လို့ Animal Concerns Research and Education Society (Acres) က ဆိုပါတယ်။ 

Telegram ပလက်ဖောင်းပေါ်မှာ ရောင်းချထားတဲ့တားမြစ် တောရိုင်းတိရစ္ဆာန် အရေအတွက်ဟာ ၂၀၂၁  ခုနှစ်က ၃၃၃ ကြိမ်ရှိခဲ့ရာမှ ၂၀၂၃ ခုနှစ်မှာတော့ ၆၆၀ ကြိမ်ထိ  နှစ်ဆနီးပါး တိုးလာခဲ့တယ်လို့ Acres ရဲ့ ဒီဇင်ဘာလက ထုတ်ပြန်တဲ့ အစီရင်ခံစာအရ သိရပါတယ်။ 

ဆားမြစ်ဆောရိုင်း တိရစ္ဆာန်တွေ ရောင်းချဖို့ ကမ်းလှမ်းသူ အရေအတွက်ကလည်း ၂၀၂၁ ခုနှစ်က ၆၆ ယောက်မှ ၂၀၂၃ ခုနှစ်မှာ ၃၈၇ အထိ တိုးလာခဲ့ပါတယ်။ 

အိန္ဒိယ ကြယ်လိပ်၊ ကျားသစ်လိပ်၊ ကင်းမြီးကောက် စတဲ့ရှားပါးတိရစ္ဆာန်တွေဟာ Telegram အဖွဲ့တွေကြား ၀ယ်လိုအား အမြင့်မားဆုံး မြင့်တက်နေတဲ့ တောရိုင်းတိရစ္ဆာန်တွေဖြစ်ပါတယ်။ 

ဥပမာအား လူကြိုက်အများဆုံး တိရစ္ဆာန်ဖြစ်တဲ့ အိန္ဒိယကြယ်လိပ်တွေဟာ ၂၀၂၁  ခုနှစ်က ၄ ကောင်မှ ၂၀၂၃ ခုနှစ်မှာ ၂၁ ကောင်အထိ တိုးလာခဲ့ပါတယ်။ 

စင်္ကာပူမှာ ၂၀၂၂ ခုနှစ်ကတည်းက မျိုးစိတ်ရောင်းဝယ်ဖောက်ကားသူတွေကို ဒဏ်ငွေနဲ့ ထောင်ဒဏ်တွေ ပြင်းပြင်းထန်ထန် ချမှတ်ခဲ့တဲ့ကြားက မှောင်ခိုရောင်းဝယ်မှုတွေ ဆက်တိုက် တိုးလာနေတာပဲဖြစ်ပါတယ်။ 

တားမြစ်ထားတဲ့ တောရိုင်းတိရစ္ဆာန်တွေရဲ့ပေါက်စျေးဟာဆယ်ဒေါ်လာမှ ဒေါ်လာ ၃၀၀၀  ခန့်အထိ ရှိတယ်လို့ သိရပါတယ်။