ထိုင်းနိုင်ငံရောက် အထောက်အထားမဲ့ မြန်မာလုပ်သား (၉)သိန်းခန့်ကို CI ထုတ်ပေးနိုင်ရေးဆောင်ရွက်မည်
မျိုးကြီး (NSS) - ဒီဇင်ဘာ ၂၉
ထိုင်းနိုင်ငံရောက် အထောက်အထားမဲ့ မြန်မာလုပ်သား (၉)သိန်းခန့်ကို မည်သူမည်ဝါဖြစ်ကြောင်းသက်သေခံလက်မှတ် (CI) ထုတ်ပေးနိုင်ရေး ဆောင်ရွက်သွားမည်ဖြစ်ကြောင်း အလုပ်သမားဝန်ကြီးဌာနထံမှ သိရသည်။
ထိုင်းအလုပ်ရှင်များက အမည်စာရင်းတင်သွင်းထားသော အထောက်အထားမဲ့ မြန်မာအလုပ်သမား(၉)သိန်းနီးပါးခန့်ကို မည်သူမည်ဝါဖြစ်ကြောင်း သက်သေခံလက်မှတ် (CI)နှင့် ပြည်ပအလုပ်အကိုင်ဆိုင်ရာအလုပ်သမားသက် သေခံကတ် (OWIC) ထုတ်ပေးသွားမည်ဖြစ်သည်။
မြန်မာအလုပ်သမား (၉)သိန်းနီးပါးအတွက် CI နှင့် OWIC ကို မြန်မာ-ထိုင်းနှစ်နိုင်ငံညှိနှိုင်းဆွေးနွေးချက်အရ CI ထုတ်ပေးနိုင်ရေးစခန်း (၅)ခုနှင့် Mobile Unit (၃)ခုဖွင့်လှစ်ကာ ဆောင်ရွက်ပေးသွားမည်ဖြစ်ကြောင်း သိရသည်။
ထိုသို့ ဆောင်ရွက်ပေးရခြင်းသည် မြန်မာအလုပ်သမားများအနေဖြင့် တရားဝင်အလုပ်လုပ်ကိုင်ခွင့်ရရှိစေရန် ရည်ရွယ်ကာ ဆောင်ရွက်ပေးခြင်းဖြစ်ပြီး ယင်းကဲ့သို့ဆောင်ရွက်ပေးခြင်းဖြင့် အလုပ်သမားအခွင့်အရေးများလည်း အပြည့်အဝရရှိမည်ဖြစ်ကြောင်း ဝန်ကြီးဌာနက ဆိုသည်။
အထောက်အထားမဲ့ မြန်မာလုပ်သားများကို CI ထုတ်ပေးမည့် လုပ်ငန်းစဉ်အား လာမည့် ၂၀၂၄ ခုနှစ် ဇန်နဝါရီလ ၄ ရက်မှစတင်ကာ စခန်း(၅)ခု နှင့် Mobile Unit (၃)ခုတို့တွင် ဆောင်ရွက်သွားမည်ဖြစ်ကြောင်း ထိုင်းနိုင်ငံ၊ ဘန် ကောက်မြို့ရှိ မြန်မာသံရုံးက ကြေညာထားသည်။
၎င်းလုပ်ငန်းစဉ်များကို ထိုင်းနိုင်ငံရှိ စမွတ်စခွန်၊ စမွတ်ပရာကန်၊ ချွန်ပူရီ၊ ပထုံဌာနီ၊ ဆူရတ်ဌာနီ စခန်း(၅)ခုနှင့် ချင်းမိုင်၊ နခွန်စဝမ်၊ ဆုန်ခလာ Mobile စခန်း (၃)ခုတို့တွင် ဆောင်ရွက်ပေးသွားမည်ဖြစ်ကြောင်း သိရသည်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
ဘင်္ဂလားဒေရှ့်နိုင်ငံကို ကြားခံစစ်ပွဲအတွက် အသုံးချမယ့်မြေပြင်အဖြစ် ခွင့်ပြုမှာမဟုတ်ကြောင်း ဘင်္ဂလားဒေရှ့်နိုင်ငံခြားရေးဝန်ကြီးပြော
RELATED POSTS
21 Sep 2024 | အထွေထွေ,ပြည်တွင်း
21 Sep 2024 | အထွေထွေ,နိုင်ငံတကာ
20 Sep 2024 | အထွေထွေ,ပြည်တွင်း
19 Sep 2024 | အထွေထွေ,ပြည်တွင်း