ဘင်္ဂလားဒေရှ့်နိုင်ငံကို ကြားခံစစ်ပွဲအတွက် အသုံးချမယ့်မြေပြင်အဖြစ် ခွင့်ပြုမှာမဟုတ်ကြောင်း ဘင်္ဂလားဒေရှ့်နိုင်ငံခြားရေးဝန်ကြီးပြော
ဂျန်ဇက် (NSS) - ဒီဇင်ဘာ ၂၉
ဘင်္ဂလားဒေရှ့်အစိုးရအနေနဲ့ အခြားနိုင်ငံရဲ့အကျိုးစီးပွားအတွက် ဘင်္ဂလားဒေ့ရှ့်ပိုင်နက်နယ်မြေကို အခြားနိုင်ငံတွေကို အသုံးပြုခွင့်ပေးမှာမဟုတ်ကြောင်း ဘင်္ဂလားဒေရှ့်နိုင်ငံခြားရေးဝန်ကြီး က ပြောပါတယ်။
ဘင်္ဂလားဒေ့ရှ့်အစိုးရအနေနဲ့စစ်ပွဲကို မလိုလားကြောင်း၊ ဘင်္ဂလားဒေရှ့်နိုင်ငံကို ကြားခံစစ်အတွက် အသုံးချတဲ့နေရာမျိုး အဖြစ်မခံနိုင်ကြောင်း ဘင်္ဂလားဒေ့ရှ့်နိုင်ငံခြားရေးဝန်ကြီးက ပြောပါတယ်။ ဘင်္ဂလားဒေရှ့်နိုင်ငံခြားရေးဝန်ကြီးမိုမန်က "ကျွန်တော်တို့ဟာ စစ်မှန်တဲ့စစ်ပွဲ ဒါမှမဟုတ် ကြားခံစစ်ပွဲတွေကို မလိုလားဘူး။ ဒေသအတွင်း ပဋိပက္ခတွေ၊ စစ်ပွဲတွေက ဘင်္ဂလားဒေရှ့်နိုင်ငံရဲ့ဖွံ့ဖြိုးတိုးတက်မှုတွေကို လမ်းချော်စေနိုင်တယ်။ ဒါကြောင့် ဘင်္ဂလားဒေရှ့်ဟာ အမြဲတမ်း သည်းခံချုပ်တည်းတယ်" လို့ ပြောပါတယ်။
ဒါ့အပြင် ဘင်္ဂလားဒေရှ့်နိုင်ငံခြားရေးဝန်ကြီးက "ဘင်္ဂလားဒေရှ့်နိုင်ငံဟာ အခြားနိုင်ငံတွေအပေါ် ရန်လိုတာမျိုး မရှိဘူး။ နိုင်ငံတစ်နိုင်ငံက ဘင်္ဂလားဒေရှ့်နိုင်ငံနဲ့ပတ်သက်ပြီး စိုးရိမ်မှုတွေ ရှိလာတယ်ဆိုရင် ချက်ချင်း တုံ့ပြန် ဖြေရှင်းတယ်။ နိုင်ငံအချို့ဟာ ဘင်္ဂလားဒေရှ့်နိုင်ငံကို လေ့လာသင်ယူနေရတယ်လို့ ပြောကြတယ်။ ဘင်္ဂလားဒေရှ့် နိုင်ငံဟာ လာမယ့်နှစ်အတွင်းကျင်းပမယ့် ရွေးကောက်ပွဲကို လွတ်လပ်မျှတတဲ့ ရွေးကောက်ပွဲဖြစ်အောင် လုပ်ဆောင်ဖို့ ကတိပြုထားတယ်။ ရွေးကောက်ပွဲနဲ့ပတ်သက်ပြီး အခက်အခဲပြဿနာတွေဖြစ်လာမယ်ဆိုရင်လည်း ရင်ဆိုင်သွားမှာဖြစ်တယ်" လို့ ပြောပါတယ်။
လာမယ့်နှစ်အတွင်း ကျင်းပမယ့်ရွေးကောက်ပွဲနဲ့ပတ်သက်ပြီး ဘင်္ဂလားဒေ့်ရှ့်ဟာ အငြင်းပွားမှုတွေဖြစ်ပေါ်နေပြီး အတိုက်ခံပါတီက ဦးဆောင်ပြီး နိုင်ငံတဝန်း ဆန္ဒပြပွဲတွေ လုပ်ဆောင်နေကြောင်း သိရပါတယ်။ ဘင်္ဂလားဒေရှ့်အတိုက်ခံပါတီက လာမယ့်နှစ်အတွင်း ကျင်းပမယ့်ရွေးကောက်ပွဲက လွှတ်လပ်မျှတမှ မဟုတ်ကြောင်း ဝေဖန်ပြစ်တင်ကာ ရွေးကောက်ပွဲကို သပိတ်မှောက်ထားကြောင်း သိရပါတယ်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
ရွှေတိဂုံစေတီတော်အား ဇန်နဝါရီလ(၁)ရက်မှစတင်၍ အချိန်တိုးမြှင့်ဖူးမြော်ခွင့်ပြုမည်
RELATED POSTS
22 Sep 2024 | နိုင်ငံရေး,နိုင်ငံတကာ
22 Sep 2024 | နိုင်ငံရေး,နိုင်ငံတကာ
22 Sep 2024 | နိုင်ငံရေး,ပြည်တွင်း