နျူကလီးယားနဲ့ပတ်သက်ပြီး ကုလသမဂ္ဂစောင့်ကြည့်ရေးအဖွဲ့ရဲ့စွပ်စွဲချက်တွေကို အီရန်အစိုးရ ငြင်းဆန်ပယ်ချ
ဂျန်ဇက် (NSS) - ဒီဇင်ဘာ ၂၉
အီရန်နိုင်ငံအနေနဲ့ နျူကလီးယားလက်နက်ပိုင်ဆိုင်ရေး အရှိန်မြင့်လုပ်ဆောင်နေတယ်ဆိုတဲ့ ကုလသမဂ္ဂအဖွဲ့ရဲ့ထုတ်ပြန်ချက်တွေကို ငြင်းဆန်ပယ်ချလိုက်ပါတယ်။
ကုလသမဂ္ဂအဖွဲ့ရဲ့အဖွဲ့အစည်းတစ်ခုဖြစ်တဲ့ နျူကလီးယားစောင့်ကြည့်ရေးအဖွဲ့ဖြစ်တဲ့ IAEA အဖွဲ့က အီရန်ဟာ ယူရေနီယံသန့်စင်မှုတွေကို အရှိန်မြင့်လုပ်ကိုင်နေကြောင်း ပြီးခဲ့တဲ့ရက်ပိုင်းမှာ သတင်းထုတ်ပြန်ခဲ့ပါတယ်။
ဒါပေမယ့် အီရန် ရဲ့နျူကလီးယားဆိုင်ရာအဖွဲ့အကြီးအကဲတစ်ဦးဖြစ်တဲ့ မိုဟမ်မက်အက်လာမီက "အီရန်နိုင်ငံဟာ သတ်မှတ်ထားတဲ့စည်းကမ်းတွေအတိုင်းသာလုပ်ဆောင်နေပြီး ယူရေနီယံသန့်စင်မှုတွေကို အသစ်ထပ်မံလှုပ်ရှားတာမျိုး မရှိပါဘူး။ ကျွန်တော်တို့ဟာ ယူရေနီယံသန့်စင်မှုတွေကို ၆ဝ ရာခိုင်နှုန်းသာ ထုတ်လုပ်ထားတယ်။ အဲဒီထက်တိုးမြှင့်ထုတ်လုပ်တာမျိုးမရှိဘူး။ အပြောင်းအလဲတွေလည်း ဘာမှမလုပ်ထားဘူး" လို့ ပြောပါတယ်။
IAEA အဖွဲ့က အီရန်နိုင်ငံဟာ ၂ဝ၂၃ ခုနှစ် နှစ်လယ်နောက်ပိုင်းကတည်းက ယူရေနီယံသန့်စင်မှုတွေကို တိုးမြှင့်ထုတ်လုပ်နိုင်ဖို့ ကြိုးပမ်းလာခဲ့ကြောင်း သတင်းထုတ်ပြန်ထားပါတယ်။
အီရန်ဟာ နိုဝင်ဘာလနောက်ပိုင်းကတည်းက ယူရေနီယံသန့်စင်မှုတွေကို တစ်လကို ပေါင် ၂ဝ အထိတိုးမြှင့်လုပ်ဆောင်လာခဲ့ပြီး ၎င်းတို့ရဲ့ ယူရေနီယံသန့်စင်မှုက ၆ဝ ရာခိုင်နှုန်းထက် မြင့်တက်လာနေကြောင်း ကုလသမဂ္ဂရဲ့နိုင်ငံတကာအဏုမြူစွမ်းအင်အေဂျင်စီက ပြောပါတယ်။
နျူကလီးယားလက်နက်များ ထုတ်လုပ်နိုင်ဖို့ ယူရေနီယံသန့်စင်မှု ၉ဝ ရာခိုင်နှုန်းနီးပါးရှိဖို့ လိုအပ်ကြောင်း သိရပါတယ်။ အီရန်နိုင်ငံဟာ ယူရေနီယံသန့်စင်မှုတွေနဲ့ပတ်သက်ပြီး ကုလသမဂ္ဂ၊ အမေရီကန်နိုင်ငံတို့ နဲ့ အငြင်းပွားမှုများတွေရှိခဲ့ပြီး အမေရိကန် နဲ့ ကုလသမဂ္ဂတို့က အီရန်နိုင်ငံအပေါ် ပိတ်ဆို့မှုအမျိုးမျိုး ချမှတ်ခဲ့ကြောင်း သိရပါတယ်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
၂ဝ၂၄ ခုနှစ်အတွက် မော်တော်ယာဉ်တင်သွင်းခွင့်ခုနှစ်သတ်မှတ်ချက်ထုတ်ပြန်၊ ချမှတ်ထားသည့်မူဝါဒများ ပြောင်းလဲခြင်းမရှိဟုဆို
RELATED POSTS
02 Oct 2024 | နိုင်ငံရေး,ပြည်တွင်း
01 Oct 2024 | နိုင်ငံရေး,နိုင်ငံတကာ
01 Oct 2024 | နိုင်ငံရေး,နိုင်ငံတကာ
01 Oct 2024 | နိုင်ငံရေး,နိုင်ငံတကာ