အမေရိကန်နိုင်ငံက အာရှပစိဖိတ်ဒေသမှာ ကြားဝင်စွက်ဖက်မှုတွေနဲ့ စစ်ရေးဖြန်ကြတ်ချထားမှုတွေ အရှိန်မြင့် လုပ်ဆောင်လာကြောင်း တရုတ်စစ်ဘက် ဝေဖန်
ဂျန်ဇက် (NSS) - ဒီဇင်ဘာ ၂၉
တရုတ်ကာကွယ်ရေးဝန်ကြီးဌာနက အမေရိကန်နိုင်ငံဟာ အာရှပစိဖိတ်ဒေသမှာ ကြားဝင်စွက်ဖက်မှုတွေ လုပ်ဆောင်နေပြီး စစ်အေးခေတ်တိုက်ပွဲကာလစိတ်ထားမျိုးတွေကို ဆက်လက်လုပ်ဆောင်နေကြောင်း ဝေဖန်ပြစ်တင်လိုက်ပါတယ်။
တရုတ်စစ်ဘက်ထိပ်တန်းအရာရှိကြီးများနဲ့ အမေရိကန်စစ်ဘက်အရာရှိကြီးများ ပါဝင်တဲ့ အဆင့်မြင့် တွေ့ဆုံ ဆွေးနွေးပွဲပြုလုပ်ပြီးနောက် သီတင်းပတ်တစ်ပတ်အကြာမှာ တရုတ်စစ်ဘက်က ဝေဖန်လိုက်ခြင်း ဖြစ်ပါတယ်။ အဲဒီတွေ့ဆုံဆွေးနွေးပွဲအတွင်းတရုတ် နဲ့ အမေရိကန်စစ်ဘက်တို့ဟာ တွက်ချက်မှု မှားယွင်းခြင်း၊ နာလည်မှု လွှဲမှားခြင်းများမဖြစ်ရအောင် အပြန်အလှန်ဆက်သွယ်ဆောင်ရွက်မှုများ လုပ်ဆောင်ဖို့ ဆွေးနွေးသွားမှာဖြစ် ကြောင်း ကတိပြုခဲ့ပါတယ်။
ဒါပေမယ့် တရုတ်စစ်ဘက်ပြောရေးဆိုခွင့်ရှိသူ Wu Qian က "အမေရိကန်စစ်တပ်ဟာ အာရှ - ပစိဖိတ်ဒေသမှာ ဖြန့်ကြတ်ချထားမှုတွေ အင်အားတောင့်တင်းအောင် ဆက်လက်လုပ်ဆောင်နေတယ်။ စစ်အေးခတ်တိုက်ပွဲကာလ စိတ်ထားမျိုးတွေ လုပ်ဆောင်နေဆဲဖြစ်ပါတယ်။ အမေရိကန်စစ်တပ်ဟာ သူတို့ရဲ့ကိုယ်ကျိုးစီးပွားအတွက် တစ်ကိုယ်ကောင်းဆန်ဆန်ပြုလုပ်နေတာဖြစ်တယ်။ ဒါ့အပြင် အမေရိကန်စစ်တပ်ဟာ သူတို့ရဲ့ဂုဏ်သိက္ခာနဲ့ ဖော်ညွှန်းမှုတွေကို ဆက်ထိန်းဖို့ဖြစ်တယ်" လို့ ပြောပါတယ်။
တရုတ်စစ်ဘက်ပြောရေးဆိုခွင့်ရှိသူက ထိုင်ဝမ်ကို စစ်လက်နက်ပစ္စည်းများ ရောင်းခြင်း အပါအဝင် ထိုင်ဝမ် အရေးနဲ့ပတ်သက်ပြီး ကြားဝင်စွက်ဖက်မှုများအတွက် အမေရိကန်အစိုးရကို ဝေဖန်ပြစ်တင်ခဲ့ကြောင်း သိရပါတယ်။
၎င်းက "တရုတ်အစိုးရဟာ ထိုင်ဝမ်ကို စစ်ရေးအကူအညီတွေနဲ့ စစ်ရေးဆိုင်ရာဆက်သွယ်ဆောင်ရွက်မှုနိုင်ငံတိုင်း ကို ကန့်ကွက်ပါတယ်။ အမေရိကန်ဟာ ထိုင်ဝမ်အရေးနဲ့ပတ်သက်ပြီး အလွန်အန္တရာယ်ရှိတဲ့အလောင်းအစာတွေကို လုပ်ဆောင်နေတယ်။ အမေရိကန်အစိုးရဟာ အကြောင်းပြချက်တွေနဲ့ ထိုင်ဝမ်ကိုစစ်လက်နက်ပစ္စည်း တပ်ဆင် ပေးနေတာတွေကို ရပ်တန့်ဖို့ ထပ်မံတိုက်တွန်း တောင်းဆိုပါတယ်" လို့ သတိပေးပြောဆိုခဲ့ပါတယ်။
အမေရိကန်အစိုးရဟာ ၎င်းတို့ရဲ့အာရှ-ပစိဖိတ်ဒေသအခြေနေများကို ပြန်လည်သုံးသပ်ခဲ့ပြီးနောက် စစ်ရေးချဲ့ထွင်မှု တွေ ပိုမိုလုပ်ဆောင်လာနေကြောင်း တရုတ်အစိုးရက ဝေဖန်ထားပါတယ်။ တရုတ်နဲ့ အမေရိကန်နိုင်ငံဟာ ထိုင်ဝမ်အရေး၊ ဖိလစ်ပိုင်အရေးတို့နဲ့ပတ်သက်ပြီး အငြင်းပွားမှုတွေ၊ တင်းမာမှုတွေ ပိုမိုဖြစ်လာနေကြောင်း သိရပါတယ်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
(၂)ရက်အတွင်း မန္တလေးတိုင်း၌ ကျပ်သိန်း (၅၀၀၀) ကျော်တန်ဖိုးရှိ မူးယစ်ဆေးဝါးများ ဖမ်းဆီးရမိ
RELATED POSTS
02 Oct 2024 | နိုင်ငံရေး,ပြည်တွင်း
01 Oct 2024 | နိုင်ငံရေး,နိုင်ငံတကာ
01 Oct 2024 | နိုင်ငံရေး,နိုင်ငံတကာ
01 Oct 2024 | နိုင်ငံရေး,နိုင်ငံတကာ