New York Times သတင်းစာက ရုရှားအတွက် အလုပ်လုပ်ပေးနေကြောင်း ယူကရိန်းအစိုးရ စွပ်စွဲ
Pika (NSS) - ဒီဇင်ဘာ ၂၆
New York Times သတင်းစာအတွက် ရုရှား-ယူကရိန်းပဋိပက္ခအကြောင်း သတင်းယူပေးသော သတင်းထောက် များကို ရုရှားလျှို့ဝှက်ဝန်ဆောင်မှုအဖွဲ့များက ခေါ်ယူထားကြောင်း ယူကရိန်း၏ သတင်းစစ်ဆင်ရေးအေဂျင်စီက ဒီဇင်ဘာလ (၂၅) ရက်တွင် ပြောကြားခဲ့သည်။
ယူကရိန်းနိုင်ငံပိုင် မဟုတ်မမှန်သတင်းအချက်အလက် တုံ့ပြန်ရေးစင်တာ(CCD) သည် ရုရှားနှင့်ယူကရိန်းကြား ငြိမ်းချမ်းရေးဆွေးနွေးပွဲများ လုပ်ဆောင်နိုင်ခြေအလားအလာများနှင့်ပတ်သက်ပြီး ရေးသားခဲ့သော NYT ၏ မကြာသေးမီက ဆောင်းပါးကို ပြစ်တင်ရှုတ်ချမှုများလုပ်ဆောင်ကာ ယခုကဲ့သို့ ထုတ်ပြန်ချက်တစ်ခု ထုတ်ပြန်ခဲ့ခြင်း ဖြစ်သည်။
CCD က "ဒီဆောင်းပါးအကြောင်းကို ရေးခိုင်းဖို့အတွက် ရုရှားနိုင်ငံဟာ သူတို့ဆီမှာ အလုပ်လုပ်နေချိန်အတွင်း ခေါ်ယူခဲ့တဲ့ အမေရိကန်သတင်းထောက်တွေကို အသုံးပြုခဲ့တာပါ" ဟု ထုတ်ပြန်ချက်တွင် ရေးသားထားသည်။
ပြီးခဲ့သည့် ဒီဇင်ဘာလ(၂၃)ရက်တွင် ထုတ်ပြန်ခဲ့သော New York Times ၏ ဆောင်းပါးကို ရုရှားအစိုးရဌာန အကြီးအကဲ Anton Troianovski၊ ဝန်ထမ်းစာရေးဆရာများဖြစ်သော Adam Entous နှင့် Julian E. Barnes တို့က စာရင်းပြုစုခဲ့ခြင်းဖြစ်ကြောင်း သိရသည်။ ရုရှားသမ္မတပူတင်သည် ရှေ့တန်းစစ်မြေမျက်နှာပြင်တစ်လျှောက်တွင် အပစ်အခတ်ရပ်စဲမည့်လမ်းကြောင်းကို ပြီးခဲ့သည့်စက်တင်ဘာလတည်းက ဖွင့်ထားခဲ့သည်ဆိုသည့်အကြောင်းကို အမေရိကန်နှင့် နိုင်ငံတကာတာဝန်ရှိသူများအပြင် ရုရှားအစိုးရနှင့်နီးစပ်သော ရုရှားအကြီးတန်းအရာရှိနှစ်ဦးတို့၏ ပြောကြားချက်ကို ကိုးကားထားသည့် အဆိုပါဆောင်းပါးထဲတွင် ရေးသားဖော်ပြထားသည်။
ထို့အပြင် ရုရှားအစိုးရသည် ယူကရိန်းနှင့် သဘောတူညီမှုများလုပ်ဆောင်ရန်အတွက် သံတမန်နည်းလမ်းများကို အသုံးပြုနေကြောင်း ဆောင်းပါးထဲတွင် ရေးသားဖော်ပြထားသည်။ ရုရှားအစိုးရပြောရေးဆိုခွင့်ရှိသူ ဒီမစ်ထရီ ပက်စကော့ဗ်ကလည်း အဆိုပါအစီရင်ခံစာမှာ မှန်ကန်ခြင်းမရှိကြောင်း ပြောဆိုခဲ့သလို ယူကရိန်းနိုင်ငံအပေါ် ရုရှားနိုင်ငံ၏ မဟာဗျူဟာမြောက်စစ်ဆင်ရေးမှာ မပြောင်းလဲကြောင်း ထပ်မံပြောဆိုခဲ့သည်။
သို့သော်လည်း ရုရှားနိုင်ငံသည် ၎င်း၏ကိုယ်ပိုင်ရည်မှန်းချက်များကို ရရှိရန်အတွက် သီးသန့်စေ့စပ်ညှိနှိုင်းဆွေးနွေးပွဲ များတွင် ပါဝင်သွားမည်ဖြစ်ကြောင်း ဒီမစ်ထရီပက်စကော့ဗ်က ပြောကြားခဲ့သည်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
ထိုင်းနိုင်ငံတောင်ပိုင်းတွင် ရေကြီးမှုများကြောင့် လူထောင်ပေါင်းများစွာ ရေဘေးသင့်ခဲ့ရ
RELATED POSTS
02 Oct 2024 | နိုင်ငံရေး,ပြည်တွင်း
01 Oct 2024 | နိုင်ငံရေး,နိုင်ငံတကာ
01 Oct 2024 | နိုင်ငံရေး,နိုင်ငံတကာ
01 Oct 2024 | နိုင်ငံရေး,နိုင်ငံတကာ