တောင်တရုတ်ပင်လယ်နယ်မြေအငြင်းပွားမှုဖြစ်အောင် ရန်စမည်မဟုတ်ကြောင်း ဖိလစ်ပိုင်ပြော
ဂျန်ဇက် (NSS) - ဒီဇင်ဘာ ၂၆
ဖိလစ်ပိုင်နိုင်ငံအနေဖြင့် တောင်တရုတ်ပင်လယ်တွင် ပိုင်နက်နယ်မြေအငြင်းပွားမှုများနှင့်ပတ်သက်ပြီး ရန်စ ကျူးကျော်မှုများ လုပ်ဆောင်မည်မဟုတ်ကြောင်း ဖိလစ်ပိုင်စစ်တပ်ပြောရေးဆိုခွင့်ရှိသူတစ်ဦးက ထုတ်ဖော်ပြော လိုက်သည်။
တရုတ်အစိုးရက ဖိလစ်ပိုင်သင်္ဘောများသည် တရုတ်နိုင်ငံ ပိုင်နက်အတွင်း ဝင်ရောက်ကာ ကျောက်ချရပ်နားခြင်း များ လုပ်ဆောင်ခဲ့ကြောင်း၊ ဝေဖန်ပြောဆိုခဲ့ပြီးနောက် ဖိလစ်ပိုင်စစ်ဘက်က ယင်းကဲ့သို့ တုံ့ပြန်ခဲ့ခြင်းဖြစ်သည်။
ဖိလစ်ပိုင်စစ်ဘက်ပြောရေးဆိုခွင့်ရှိသူတစ်ဦးဖြစ်သူ မီဒယ်လ် အဂူာက "ဖိလစ်ပိုင်နိုင်ငံဟာ တောင်တရုတ်ပင်လယ် ရေးအငြင်းပွားမှုတွေနဲ့ပတ်သက်ပြီး ကျူးကျော်ရန်စမှုတွေ မလုပ်ပါဘူး။ နိုင်ငံတကာဥပဒေတွေ၊ ပြည်တွင်းဥပဒေ တွေအတိုင်းသာ လိုက်နာဆောင်ရွက်သွားမယ်။ တောင်တရုတ်ပင်လယ်အတွင်းမှာ ဖိလစ်ပိုင်နိုင်ငံရဲ့ အထူးစီးပွားရေးဇုန် ရှိပါတယ်။ အဲဒီအထူးစီးပွားရေးဇုန်တွေဟာ ဖိလစ်ပိုင်နိုင်ငံရဲ့အချုပ်အခြာပိုင်နက်တွေသာ ဖြစ်ပါတယ်" ဟု ပြောသည်။
ဖိလစ်ပိုင်သည် အမေရိကန်နိုင်ငံ အားကိုးဖြင့် တရုတ်နိုင်ငံကို ရန်စမှုများ ဆက်လက်လုပ်ကိုင်နေကြောင်း၊ ဖိလစ်ပိုင် ၏လုပ်ရပ်က ဒေသအတွင်း တည်ငြိမ်ရေး၊ ငြိမ်းချမ်းရေးကို ဆိုးရွားစွာ ထိခိုက်လာဖွယ်ရှိနေကြောင်း တရုတ်အစိုးရ ၏ အာဘော်သတင်းဌာနဖြစ်သော People's Daily က ရေးသားဖော်ပြထားသည်။
ဖိလစ်ပိုင်အစိုးရဘက်ကတော့ တောင်တရုတ်ပင်လယ်အတွင်း သွားလာနေသော ဖိလစ်ပိုင်သင်္ဘောများကို ဝင်တိုက်သော တရုတ်စစ်သင်္ဘောများ၏လုပ်ရပ်က အလွန်အန္တရာယ်ရှိနေကြောင်း၊ တရုတ်နိုင်ငံက ချိုးဖောက်မှု များ ကျူးလွန်းနေခြင်းဖြစ်ကြောင်း တုံ့ပြန်ထားသည်။ တရုတ် နှင့် ဖိလစ်ပိုင်နိုင်ငံကြား ပိုင်နက်နယ်မြေအငြင်းပွား မှုသည် ၂ဝ၂၃ ခုနှစ်အတွင်းတွင် ပိုမိုအရှိန်မြင့်လာနေပြီး အပြန်အလှန်ဝေဖန်ပြောဆိုနေကြသည်ကို တွေ့ရသည်။
ဖိလစ်ပိုင်သည် အငြင်းပွားမှုများဖြစ်ပွားနေသည့် Second Thomas Shoal ကျွန်းနားတွင် ရေတပ်အခြေစိုက်စခန်း များ တည်ဆောက်နိုင်ရန်အတွက် ဆောက်လုပ်ရေးပစ္စည်းများပေးပို့ကာ တင်းမာမှုများဖြစ်ဖို့ ဖန်တီးနေကြောင်း ဖိလစ်ပိုင်နိုင်ငံဆိုင်ရာတရုတ်သံရုံးက ဝေဖန် ပြောဆိုထားသည်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
မဲခေါင်-လန်ချန်းအဖွဲ့ဝင်နိုင်ငံများဖွံ့ဖြိုးတိုးတက်ရန် တရုတ်နိုင်ငံ၏ ရပ်ဝန်းနှင့်ပိုးလမ်းမစီမံကိန်းကို တပ်ချုပ် အလေးပေးပြောကြား
RELATED POSTS
02 Oct 2024 | နိုင်ငံရေး,ပြည်တွင်း
01 Oct 2024 | နိုင်ငံရေး,နိုင်ငံတကာ
01 Oct 2024 | နိုင်ငံရေး,နိုင်ငံတကာ
01 Oct 2024 | နိုင်ငံရေး,နိုင်ငံတကာ