ဂျန်ဇက် (NSS) - ဒီဇင်ဘာ ၂၄

တရုတ်အာဏာပိုင်တွေဟာ နိုင်ငံအတွင်း video games ကစားခြင်းကို တိုက်ဖျက်နိုင်ဖို့ ရည်ရွယ်ချက်နဲ့ တင်းကြပ်တဲ့စည်းကမ်းအသစ်များ ထပ်မံထုတ်ပြန်သွားမယ်လို့ သိရပါတယ်။ 

အဆိုပါစည်းကမ်းအသစ်တွေထဲမှာ အွန်လိုင်းဂိမ်းကစားခြင်းနဲ့ပတ်သက်ပြီး အချိန်ကန့်သတ်မှုများ ထိရောက်စွာလုပ်ဆောင်သွားဖွယ်ရှိနေရာ အဲဒီအစီအစဉ်ကို တရုတ်နိုင်ငံရဲ့နည်းပညာကုမ္ပဏီတွေ စိတ်ဆိုးဒေါသဖြစ်နေကြောင်း သိရပါတယ်။ 

တရုတ်နိုင်ငံရဲ့အကြီးမားဆုံး video games ကုမ္ပဏီနှစ်ခုဟာ ဈေးကွက်အတွင်းမှာ အမေရိကန်ဒေါ်လာ ၈ဝ ဘီလျံနီးပါး ထိခိုက်ဆုံးရှုံးရဖွယ်ရှိနေကြောင်း သိရပါတယ်။ 

တရုတ်အာဏာပိုင်များက video games ကစားခြင်းတွေကို တိုက်ဖျက်မယ့်အစီအစဉ်တွေ ထွက်ပေါ်လာခဲ့ပြီးနောက် ဂိမ်းကုမ္ပဏီနှစ်ဖြစ်တဲ့Tencent Holdings နဲ့ NetEase တို့ရဲ့ရှယ်ယာနှုန်းများ ၁၆ ရာခိုင်နှုန်းနဲ့အထက် ကျဆင်းသွားခဲ့ကြောင်း သိရပါတယ်။

တရုတ်အာဏာပိုင်တွေဟာ နေ့စဉ်နေတိုင်း အွန်လိုင်းဂိမ်း ဝင်ရောက်ကစားပါက ဆုကြေးပေးမယ့်ဆိုတဲ့အစီအစဉ်တွေကိုလည်း ပိတ်ပင်သွားဖွယ်ရှိနေကြောင်း သိရပါတယ်။ 

တရုတ်အာဏာပိုင်တွေဟာ လာမယ့် ၂ဝ၂၄ ခုနှစ် ဇန်နဝါရီလ ၂၂ ရက်မှာ အွန်လိုင်းဂိမ်းကစားခြင်းနဲ့ပတ်သက်ပြီး စည်းကမ်းတွေကို အတိအကျထုတ်ပြန်ပေးသွားဖွယ်ရှိနေကြောင်းသိရပါတယ်။

တရုတ်အစိုးရဟာ ၂ဝ၂၁ ခုနှစ်နဲ့ ၂ဝ၂၂ ခုနှစ်တွေမှာလည်း ဂိမ်းကစားခြင်းတွေကို တိုက်ဖျက်တဲ့လုပ်ငန်းတွေလုပ်ကိုင်ခဲ့ရာ တရုတ်ဂိမ်းကုမ္ပဏီတွေဟာ အခက်အခဲတွေနဲ့ ရင်ဆိုင်ပြီးရင်း ရင်ဆိုင်နေရကြောင်း သိရပါတယ်။ တရုတ်အစိုးရဟာ ၂ဝ၂၁ ခုနှစ်မှာ အွန်လိုင်းဂိမ်းကစားခြင်းတွေကို တိုက်ဖျက်တဲ့လုပ်ငန်းများ ပိုမိုလုပ်ကိုင်ခဲ့ရာ အဲဒီအချိန်တုန်းက အသက် ၁၈ နှစ်အောက်ကလေးတွေကို ဂိမ်းကစားခြင်း အချိန်ပိုင်းသာကန့်သတ်ပေးခဲ့ပါတယ်။ 

ဒါ့အပြင် တရုတ်အာဏာပိုင်တွေဟာ အသက် ၁၈ နှစ်အောက်ကလေးတွေကို  video games အသစ် ကစားရေးခွင့်ပြုချက်တွေကို ၈ လကြာ ဆိုင်းငံ့တာမျိုးတွေလည်း လုပ်ဆောင်ခဲ့ဖူးကြောင်း သိရပါတယ်။