ဂျန်ဇက် (NSS) - ဒီဇင်ဘာ ၁၇ 

အမေရိကန်အစိုးရဟာ နိုင်ငံတကာသင်္ဘောတွေကို တိုက်ခိုက်မှုအရှိန်မြင့်တက်လာနေတဲ့ ဟူသီလက်နက်ကိုင်အဖွဲ့တွေကို တိုက်ခိုက်ဖို့ စဉ်းစားလျက်ရှိနေကြောင်း သိရပါတယ်။ 

ဟူသီလက်နက်ကိုင်အဖွဲ့ဟာ ဒီဇင်ဘာလအစောပိုင်းကတည်းက စတင်ပြီး နိုင်ငံတကာသင်္ဘောတွေကို ပစ်မှတ်ထားတိုက်ခိုက်မှုတွေ အရှိန်မြင့်တက်လာနေကြောင်း သိရပါတယ်။ 

အမေရိကန်အစိုးရတာဝန်ရှိသူနှစ်ဦးက အမေရိကန်ရဲ့  Dwight D. Eisenhower အမည်ရှိ လေယာဉ်တင် သင်္ဘောအုပ်စုတွေဟာ အမေရိကန်စစ်တပ်ရဲ့တုံ့ပြန်မှုတွေကို ကူညီအားဖြင့်ပေးနိုင်ဖို့ အေဒင်ပင်လယ်ကွေ့ဘက်ခြမ်းကို ဦးတည်သွားလာနေကြောင်း ပြောပါတယ်။

အမေရိကန်အစိုးရအနေနဲ့ ယီမင်အခြေစိုက်ဟူသီလက်နက်ကိုင်အုပ်စုကို တိုက်ခိုက်ဖို့ အလားလာတွေ ပိုမိုများနေ ကြောင်း ဆိုပါတယ်။ အစ္စရေးနဲ့ ဟားမက်စ်လက်နက်ကိုင်အဖွဲ့ကြား စစ်ပွဲစတင်ခဲ့ပြီးနောက်ပိုင်း အီရန်နိုင်ငံရဲ့ အကူအညီတွေကို ရရှိထားတဲ့ ဟူသီလက်နက်ကိုင်အုပ်စုတွေဟာ ပါလက်စတိုင်းပြည်သူတွေကို ထောက်ခံကြောင်း ပြသဖို့ ပင်လယ်နီဝန်းကျင်ကို ဖြတ်သန်းသွားတဲ့ကုန်စည်သင်္ဘောတွေကို တိုက်ခိုက်မှုတွေ လုပ်ဆောင်ခဲ့ကြောင်း သိရပါတယ်။

အမေရိကန် နဲ့ ပြင်သစ်စစ်သင်္ဘောတွေဟာ ဟူသီလက်နက်ကိုင်အုပ်စုရဲ့တိုက်ခိုက်မှုတွေကို ဟန့်တားတိုက်ခိုက်ခဲ့ ရပြီး ကုန်စည်သင်္ဘောတွေကို ကာကွယ်ပေးခဲ့ရကြောင်း သိရပါတယ်။ ဟူသီလက်နက်ကိုင်အုပ်စုဟာ ပင်လယ်နီ အတွင်းဖြတ်သန်းသွားလာတဲ့သင်္ဘောတွေကို ဒရုန်းတွေ၊ ရော့ကဒ်ဒုံးကျည်တွေနဲ့ ပစ်မှတ်ထားတိုက်ခိုက်နေခြင်း ဖြစ်ကြောင်း သိရပါတယ်။

ဟူသီလက်နက်ကိုင်အုပ်စုက ၎င်းတို့ဟာ အစ္စရေးနိုင်ငံသားပိုင်ဆိုင်တဲ့ကုန်စည်သင်္ဘောတွေကို ပစ်မှတ်ထား တိုက်ခိုက်မှု အရှိန်မြင့်လုပ်ဆောင်မယ်လို့အစောပိုင်းတည်းက သတိပေးထားပါတယ်။ ဟူသီအုပ်စုက ဟားမက်စ် လက်နက်ကိုင်အုပ်စုအပေါ် တိုက်ခိုက်နေတဲ့အစ္စရေးရဲ့တိုက်ခိုက်မှုတွေ အဆုံးသတ်စေဖို့ တိုက်ခိုက်နေခြင်းဖြစ် ကြောင်း သတင်းထုတ်ပြန်ထားပါတယ်။