တရုတ်နိုင်ငံမြောက်ပိုင်းမှာ အအေးလှိုင်း သတိပေးချက်များ ထုတ်ပြန်ထား
ရောင်နီ (NSS) - ဒီဇင်ဘာ ၁၇
တရုတ်နိုင်ငံ မြောက်ပိုင်းရှိ နေရာတချို့မှာ အပူချိန် သမိုင်းဝင် အနိမ့်ဆုံးအဆင့်ထိ ကျဆင်းသွားနိုင်တာကြောင့် ဒီဇင်ဘာ ၁၆ ရက်မှစ၍ သတိပေးချက်များ ထုတ်ပြန်ထားပါတယ်။
ဒါကြောင့် အများပြည်သူသယ်ယူပို့ဆောင်ရေးစနစ်များ နှောင့်နှေးခြင်း၊ လေယာဉ်ခရီးစဉ်များ ဖျက်သိမ်းရခြင်းတို့ ရှိခဲ့ပါတယ်။ ဒီဇင်ဘာ ၁၄ ရက် ညနေပိုင်းကလည်း ဆောင်းရာသီရဲ့အအေးဓာတ်ကြောင့် မြေအောက်ရထား လမ်းချော်မှုဖြစ်ပွားပြီး လူတစ်ရာကျော် ဒဏ်ရာရခဲ့ပါတယ်။
ဒီဇင်ဘာ ၁၉ ရက်အထိ တရုတ်နိုင်ငံမှာ အအေးလှိုင်းတစ်ခုဖြစ်ပေါ်နိုင်တယ်လို့ နိုင်ငံရဲ့မိုးလေဝသ အာဏာပိုင်တွေ က ဒီဇင်ဘာ ၁၆ ရက် နံနက်မှာ သတိပေးချက် ထုတ်ပြန်ထားပါတယ်။ ဒါ့အပြင် နိုင်ငံပိုင်သတင်းအေဂျင်စီ ဆင်ဟွာကလည်း "တရုတ်နိုင်ငံမြောက်ပိုင်းရှိ အချို့နေရာတွေနဲ့ မြစ်ဝါမြစ်၊ Huaihe မြစ်တစ်လျှောက်ရှိ ဒေသ အချို့မှာ စံချိန်တင်အပူချိန်များ ကျဆင်းသွားနိုင်ကြောင်း” သတိပေးထားပါတယ်။
ပုံမှန်မဟုတ်တဲ့အအေးဒဏ်ကြောင့် တရုတ်နိုင်ငံရဲ့အခြားဒေသတွေမှာလည်း လာမယ့်ရက်များအတွင်း အပူချိန် 0 ဒီဂရီစင်တီဂရိတ်နီးပါးထိ လျော့ကျသွားနိုင်ပြီး ဗီယက်နမ်နယ်စပ်နဲ့ ကီလိုမီတာ ၃ဝဝ ခန့်အကွာမှာရှိတဲ့ ကွမ်ကျိုး ပြည်နယ်တောင်ပိုင်းမှာ အပူချိန် သုည ဒီဂရီစင်တီဂရိတ် (သို့မဟုတ်) ၎င်းထက် လျော့နည်းမယ်လို့ ခန့်မှန်းထားပါ တယ်။ အအေးဒဏ်ကြောင့် နောက်ဆက်တွဲဖြစ်ပေါ်လာမယ့် သဘာဝဘေးအန္တရာယ်ကာကွယ်ရေးနဲ့ ကယ်ဆယ် ရေးလုပ်ငန်းတွေ ပြင်ဆင်ထားဖို့ တရုတ်သမ္မတ ရှီကျင်းဖျင်က သတိပေးထားပါတယ်။
ကမ္ဘာကြီး ပူနွေးလာမှုကြောင့် ပြင်းထန်တဲ့ရာသီဥတုဖြစ်နိုင်ခြေတွေ ပိုများလာနိုင်တယ်လို့ ရာသီဥတုကျွမ်းကျင်ပညာရှင်တွေက ခန့်မှန်းထားပါတယ်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
မလေးရှားရောက်မြန်မာနိုင်ငံသားများကို ဝင်ငွေခွန် (၂)ရာခိုင်နှုန်း စတင်ကောက်ခံမည်ဖြစ်ကြောင်း မြန်မာသံရုံး ကြေညာ
RELATED POSTS
21 Sep 2024 | အထွေထွေ,ပြည်တွင်း
21 Sep 2024 | အထွေထွေ,နိုင်ငံတကာ
20 Sep 2024 | အထွေထွေ,ပြည်တွင်း
19 Sep 2024 | အထွေထွေ,ပြည်တွင်း