ခွင့်ပြုချက်ဖြင့် ဖွင့်ထားသော ကာစီနိုလောင်းကစားရုံများ၌ မြန် မာနိုင်ငံသားများ ဝင်ရောက်ကစားပါက အရေးယူမည့် လုပ်ထုံး လုပ်နည်းကို နစက ပြဋ္ဌာန်းထား
Pearl (NSS) - ဒီဇင်ဘာ ၁၆
ခွင့်ပြုချက်ဖြင့် ဖွင့်ထားသော ကာစီနိုလောင်းကစားရုံများ၌ မြန်မာနိုင်ငံသားများ ဝင်ရောက်ကစားပါက အရေးယူမည့် လုပ်ထုံးလုပ်နည်းကို နစကမှ ပြဋ္ဌာန်းထားသည်။
နစက၏ ပြည်ထဲရေးဝန်ကြီးဌာနက လောင်းကစားဥပဒေပုဒ်မဆိုင်ရာ လုပ်ထုံးလုပ်နည်းများတွင် အထက်ပါကဲ့သို့ ထည့်သွင်း ပြဋ္ဌာန်းထားခြင်းဖြစ်သည်။
မြို့နယ်အုပ်ချုပ်ရေးမှူး၊ မြို့နယ်ရဲတပ်ဖွဲ့မှူး သို့မဟုတ် ရဲစခန်းမှူးသည် ခွင့်ပြုချက်ဖြင့် ဖွင့်ထားသော ကာစီနိုအတွင်း မြန်မာ နိုင်ငံသားတစ်ဦးဦး ဝင်ရောက်ကစားနေကြောင်း သတင်းရရှိလျှင် ကိုယ်တိုင်ဝင်ရောက်ဖမ်းဆီးနိုင်ကြောင်း လုပ်ထုံးလုပ်နည်းတွင် ပြဋ္ဌာန်းထားသည်။
ထို့ပြင် မြို့နယ်ရဲတပ်ဖွဲ့မှူး သို့မဟုတ် မြို့နယ်ရဲတပ်ဖွဲ့မှူးအား တိုက်ရိုက်ကြီးကြပ်ကွပ်ကဲသော ရဲအရာရှိသည် ဒုတိယရဲအုပ်အဆင့်အောက်မနိမ့်သော ရဲအရာရှိ တစ်ဦးဦးအား ဝရမ်း ပုံစံ-က (၁) ထုတ်ပေး၍လည်း ဝင်ရောက်ကစားသူ မြန်မာနိုင်ငံသားအား ဖမ်းဆီးနိုင်ကြောင်း သိရသည်။
ဝင်ရောက်ဖမ်းဆီးသည့်အခါ အနည်းဆုံး သက်သေ (၂)ဦးနှင့်အတူ ရှာဖွေပုံစံပါရှိရမည်ဖြစ်ပြီး ကာစီနို၌ တာဝန်ရှိသူကို ဝင်ခွင့်တောင်းခံရမည်ဖြစ်ကြောင်းလည်း လောင်းကစားဥပဒေပုဒ်မဆိုင်ရာ လုပ်ထုံးလုပ်နည်းများတွင် ပြဋ္ဌာန်းထားသည်။
အလားတူ ဖမ်းဆီးခံရသူသည် ထွက်ပြေးရန် သို့မဟုတ် အကြမ်း ဖက်ခုခံရန်အားထုတ်လျှင် ၎င်းအား ဖမ်းဆီးရမိရေးအတွက် ရာဇဝတ်ကျင့်ထုံးဥပဒေ ၊ တည်ဆဲဥပဒေများနှင့်အညီ ဆောင် ရွက်ရမည်ဖြစ်ကြောင်း သိရသည်။
ပြီးခဲ့သော NLD အစိုးရလက်ထက်လွှတ်တော်အစည်းအဝေးများတွင် လောင်းကစားဥပေဒေနှင့် ပတ်သက်၍ ဆွေးနွေးစဉ် ကိုယ် စားလှယ်အချို့က ကာစီနိုရုံများ၌ မြန်မာနိုင်ငံသားများကိုလည်းကစားခွင့်ပြုသင့်ကြောင်း ဆွေးနွေးအကြံပြုမှုများရှိခဲ့ဖူးသည်။
ကာစီနိုလောင်းကစားရုံ အများအပြားသည် ကရင်ပြည်နယ်၊ မြဝတီမြို့နယ်အတွင်း၌ ရှိသကဲ့သို့ အခြားသော နယ်စပ်မြို့များတွင်လည်းဖွင့်လှစ်မှုများရှိကြောင်း သိရသည်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
ဟူသီလက်နက်ကိုင်အဖွဲ့ ပစ်လွှတ်လိုက်သည့်ဒုံးကျည်များက ကုန်တင်သင်္ဘောနှစ်စင်းကို ထိမှန်ခဲ့ကြောင်း အမေရိကန်အရာရှိတစ်ဦးပြော
RELATED POSTS
21 Sep 2024 | အထွေထွေ,နိုင်ငံတကာ
20 Sep 2024 | အထွေထွေ,ပြည်တွင်း
19 Sep 2024 | အထွေထွေ,ပြည်တွင်း
19 Sep 2024 | အထွေထွေ,ပြည်တွင်း