စက်သုံးဆီဝယ်ယူသုံးစွဲမှုအခြေအနေကို Software စနစ်ဖြင့် ကြီးကြပ်စောင့်ကြည့်နိုင်ရေး အကောင်အထည်ဖော်ရန် စွမ်းအင် ဒုဝန်ကြီးတိုက်တွန်း
Pearl (NSS) - ဒီဇင်ဘာ ၁၆
စက်သုံးဆီဝယ်ယူသုံးစွဲမှုအခြေအနေကို Software စနစ်ဖြင့် ကြီးကြပ်စောင့်ကြည့်နိုင်ရေးအကောင်အထည်ဖော်ရန် စက်သုံးဆီတင်သွင်းသိုလှောင်ဖြန့်ဖြူးခြင်းလုပ်ငန်းကြီးကြပ်ရေးကော်မတီ ဥက္ကဋ္ဌ စွမ်းအင် ဒုဝန်ကြီး ဦးသန့်စင်က တိုက်တွန်းပြောကြား သည်။
၎င်းက ယမန်နေ့ (ဒီဇင်ဘာလ ၁၅ ရက်)တွင် ရန်ကုန်တိုင်း ၊ သီလဝါဆိပ်ကမ်းတွင် ပြည်ပမှ စက်သုံးဆီတင်သင်္ဘောများဖြင့် စက်သုံးဆီ တင်သွင်းရောက်ရှိနေမှုများ ၊ စက်သုံးဆီသိုလှောင်ကန်များသို့ စက်သုံးဆီလက်ခံချယူနေမှုများ၊ ပြည်နယ် နှင့် တိုင်း များသို့ ဆီသယ်ယာဉ်များဖြင့် စက်သုံးဆီဖြန့်ဖြူးပေးပို့ရန် မျှောစနစ်ဖြင့် ဆောင်ရွက်နေမှုတို့ကို ကြည့်ရှုစစ်ဆေးခဲ့ကြောင်း သိရသည်။
ထို့နောက် ဒုတိယဝန်ကြီးသည် ရန်ကုန်မြို့ရှိ စက်သုံးဆီအရောင်းဆိုင်များ၏ အများပြည်သူသို့ စက်သုံးဆီဖြန့်ဖြူးရောင်းချပေးနေမှု အခြေအနေများကိုလည်း ကြည့်ရှုစစ်ဆေးခဲ့ကြောင်း သိရသည်။
ထိုသို့ စစ်ဆေးစဉ် စက်သုံးဆီတင်သွင်းသိုလှောင်ဖြန့်ဖြူးခြင်းလုပ်ငန်း ဆောင်ရွက်နေကြသည့် ကုမ္ပဏီများအနေဖြင့် သို လှောင်စခန်း၊ ဆိပ်ကမ်းနှင့် ဆိပ်ခံတံတားများ၏ လုံခြုံရေးကို အထူးဂရုပြုရန် နှင့် လုပ်ငန်းခွင်ဘေးအန္တရာယ်ကင်းရန် သတ် မှတ်ထားသည့် SOP (Standard Operating Procedure)များကို လိုက်နာရန် ပြောကြားခဲ့ကြောင်းသိရသည်။
အလားတူ ဆီတင်/ဆီချဆောင်ရွက်ရာတွင် စက်သုံးဆီများ ယိုဖိတ်မှုမရှိရေးနှင့် စက်သုံးဆီများအား အရည်အသွေး ပြည့်မီစွာ ထိန်းသိမ်းဖြန့်ဖြူးနိုင်ရေးအတွက် တာဝန်ရှိသူအဆင့်ဆင့်က ကြပ်မတ်ဆောင်ရွက်ရန်လည်း ၎င်းက ပြောကြားခဲ့သည်။
ထို့ပြင် ဆီသယ်ယာဉ်များအတွက် လူကိုယ်တိုင်မျှောထုတ်ယူရသည့်စနစ်မှ Online ဖြင့် မျှောထုတ်ယူနိုင်သည့် အဆင့်သို့ အသုံးပြုနိုင်ရေး နှင့် Software စနစ် တပ်ဆင်အသုံးပြု၍ စက်သုံးဆီဝယ်ယူသုံးစွဲမှုအခြေအနေကို ကြီးကြပ်စောင့်ကြည့်နိုင်ရေး အမြန်ဆုံးအကောင်အထည်ဖော် ဆောင်ရွက်ရန်လည်း တိုက် တွန်းပြောကြားခဲ့ကြောင်း သိရသည်။
စက်သုံးဆီအရောင်းဆိုင်များအနေဖြင့်လည်း အများပြည်သူသို့ ဝန်ဆောင်မှုကောင်းမွန်စွာဖြင့် အရည်အသွေးနှင့်အချိန်အတွယ် ပြည့်မီစွာ ဖြန့်ဖြူးရောင်းချရန် ဒုတိယဝန်ကြီး ဦးသန့်စင်က ပြောကြားခဲ့သည်။
ပြီးခဲ့သော ကာလများအတွင်း၌ ရန်ကုန်အပါအဝင် တိုင်းနှင့်ပြည် နယ်များရှိ စက်သုံးဆီအရောင်းဆိုင်များတွင် စက်သုံးဆီပြတ် လပ်သည့် ဖြစ်စဉ်များဖြစ်ပေါ်ခဲ့သည်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
ဂျပန်နိုင်ငံရှိ Universal Studios မှာ ရိုလာကိုစတာရဲ့ စနစ်ချို့ ယွင်းခဲ့မှုကြောင့် စီးနင်းသူများ ပေ(၁ဝဝ)ကျော်မှာ ပိတ်မိခဲ့
RELATED POSTS
19 Sep 2024 | အထွေထွေ,ပြည်တွင်း
19 Sep 2024 | အထွေထွေ,ပြည်တွင်း
19 Sep 2024 | အထွေထွေ,ပြည်တွင်း