ဂျန်ဇက် (NSS) - ဒီဇင်ဘာ ၁၁ 

တရုတ်နိုင်ငံအနေနဲ့ တောင်တရုတ်ပင်လယ်အတွင်း အန္တရာယ်ဖြစ်စေနိုင်တဲ့လုပ်ရပ်အပြုအမူတွေ လုပ်ဆောင်နေခြင်းကို ရပ်တန့်စေလိုကြောင်း တိုက်တွန်းတောင်းဆိုလိုက်ပါတယ်။ 

ပြီးခဲ့တဲ့ရက်ပိုင်းက ဖိလစ်ပိုင်လှေတစ်စီးနဲ့ တရုတ်ကမ်းခြေစောင့်သင်္ဘောတစ်စီးတို့ ထိပ်တိုက်တွေ့ဆုံခဲ့ပြီးနောက် အမေရိကန်အစိုးရက အခုလိုမျိုးသတိပေးခဲ့တာဖြစ်ပါတယ်။ ပြီးခဲ့တဲ့ ဒီဇင်ဘာ ၁ဝ ရက် အစောပိုင်းက တောင်တရုတ်ပင်လယ်အတွင်းရှိ ကျွန်းတစ်ခုအနားမှာ တရုတ်ကမ်းခြေစောင့်တပ်ဖွဲ့သင်္ဘောနဲ့ ဖိလစ်ပိုင် လှေတစ်စီးတို့ ထိပ်တိုက်တွေ့ဆုံခဲ့ရာ ဖိလစ်ပိုင်နဲ့ တရုတ်အစိုးရတို့က အပြန်အလှန် ဝေဖန်ပြစ်တင်နေကြောင်း သိရပါတယ်။ 

အမေရိကန်နိုင်ငံခြားရေးဝန်ကြီးဌာနပြောရေးဆိုခွင့်ရှိသူ မက်သရူးမီလ်လာက "တရုတ်ကမ်းခြေစောင့် တပ်ဖွဲ့ရဲ့ သင်္ဘောတွေဟာ ဖိလစ်ပိုင်လှေတွေကို မီးသတ်ပိုက်နဲ့ ထိုးခဲ့တယ်။ အဲဒီလုပ်ရပ်ဟာအဆင်ခြင်မဲ့တဲ့လုပ်ရပ်မျိုးဖြစ် တယ်။ သင်္ဘောနဲ့လှေနဲ့ ထိပ်တိုက်တွေ့ဆုံပြီး ဖိလစ်ပိုင်လှေပေါ်မှာပါတဲ့ဝန်ထမ်းတွေ ဘေးကင်းမှုတွေကို အန္တရာယ်ဖြစ်စေနိုင်တယ်။ တရုတ်နိုင်ငံအနေနဲ့ နိုင်ငံတကာဥပဒေများအပြင် ဖိလစ်ပိုင်နိုင်ငံသားတွေ ဘေးကင်း လုံခြုံမှုနဲ့ပတ်သက်ပြီး အဆင်ခြင်မဲ့လုပ်ရပ်တွေ မလုပ်သင့်ဘူး" လို့ ပြောပါတယ်။

ဖိလစ်ပိုင်နဲ့ တရုတ်နိုင်ငံတို့ဟာ တင်းမာမှုတွေ ကာလအတန်ကြာဖြစ်ပွားနေခဲ့ပြီး ပြီးခဲ့တဲ့လတွေအတွင်းမှာ နှစ်နိုင်ငံကြား တောင်တရုတ်ပင်လယ်အရေးနဲ့ပတ်သက်ကာ တင်းမာမှုအရှိန် ပိုမိုမြင့်တက်လာခဲ့ကြောင်း သိရပါတယ်။ တရုတ်ကမ်းခြေစောင့်တပ်ဖွဲ့သင်္ဘောတွေနဲ့ ဖိလစ်ပိုင်လှေတွေဟာ မကြာသေးမီကလည်း တောင်တရုတ်ပင်လယ်အတွင်းမှာ နှစ်ကြိမ်တိုင် တိုက်မိမှုဖြစ်ပွားခဲ့ကြောင်း သိရပါတယ်။