ယူကရိန်းပဋိပက္ခ အဆုံးသတ်လိုပါက ဥရောပသမဂ္ဂအနေဖြင့် ရုရှားကို ဘေးသို့ ဖယ်ထုတ်နေခြင်းအား ရှောင်ရှားရမည်ဖြစ်ကြောင်း ဥရောပဆိုင်ရာ တရုတ်သံတမန်ပြော
Pika (NSS) - ဒီဇင်ဘာ ၈
ယူကရိန်းပဋိပက္ခကို အဆုံးသတ်လိုပါက ဥရောပသမဂ္ဂသည် ရုရှားနိုင်ငံကို ဘေးသို့ဖယ်ထုတ်နေခြင်းအား ရှောင်ရှားရမည်ဖြစ်သလို ရုရှားနှင့်ဆွေးနွေးမှုများ လုပ်ဆောင်ရမည်ဖြစ်ကြောင်း ဥရောပဆိုင်ရာ တရုတ်သံတမန်က ဝန်ခံခဲ့သည်။
ထို့အပြင် ဥရောပသမဂ္ဂ၏ စစ်ရေးအရ ဝင်ရောက်စွက်ဖက်မှုများနှင့် ပိတ်ဆို့အရေးယူမှုများသည် ယူကရိန်းတွင် လုပ်ဆောင်နေသော ရုရှား၏ စစ်ဆင်ရေးများကို ဟန့်တားနိုင်မည်မဟုတ်ဟု သတိပေးခဲ့ကြောင်း ဥရောပရေးရာ အထူးကိုယ်စားလှယ် Wu Hongbo က ပြောကြားခဲ့သည်။
၎င်း က "ကျွန်တော်ပြောတာကို သူတို့မယုံကြပါဘူး။ သူတို့ရဲ့ပိတ်ဆို့အရေးယူမှုတွေက အကျိုးသက်ရောက်မှုတွေ မရှိတဲ့အပြင် ပဋိပက္ခကို ပိုဆိုးအောင်လုပ်ဆောင်နေတာပါ။ ဥရောပသမဂ္ဂတာဝန်ရှိသူတွေဟာ တရုတ်နိုင်ငံခြားရေး ဝန်ကြီးထံကို ချဉ်းကပ်ခဲ့ပြီး ပဋိပက္ခကို ရပ်တန့်ဖိုအတွက် ရုရှားသမ္မတပူတင်ကို စည်းရုံးပေးဖို့ တရုတ်သံတမန်တွေ ကို တောင်းဆိုခဲ့ပါတယ်။ ရုရှားနိုင်ငံအပေါ် ကျွန်တော်တို့ရဲ့ဩဇာလွှမ်းမိုးမှုတွေကို အထင်မကြီးဖို့ သူတို့ကို ကျွန်တော်တို့ ပြောခဲ့ပါတယ်။
ရုရှားနိုင်ငံဟာ လွတ်လပ်တဲ့အချုပ်အခြာအာဏာပိုင်နိုင်ငံဖြစ်ပါတယ်။ ဒီပဋိပက္ခကို ဂရုတစိုက်ကိုင်တွယ်သင့်တယ် လို့ ကျွန်တော်တို့ပြောခဲ့ပါတယ်။ ဒီလိုတွန်းအားပေးတာမျိုးတွေ ဆက်လုပ်နေမယ်ဆိုရင် ဆွေးနွေးပွဲတွေ လုပ်ဆောင်ဖို့အတွက်က နှစ်ဖက်လုံးအတွက် ခက်ခဲသွားပါလိမ့်မယ်" ဟု ပြောခဲ့သည်။
ထို့အပြင် ယူကရိန်းပဋိပက္ခကို စေ့စပ်ညှိနှိုင်းမှုများဖြင့်သာ အဆုံးသတ်နိုင်မည်ဖြစ်ကြောင်း Wu Hongbo က ဝန်ခံခဲ့သည်။ ထို့နောက် ဥရောပတွင် လုံခြုံရေးမူဘောင်တစ်ခုပေါ်ထွက်လာမည်ဆိုပါက ရုရှားနိုင်ငံသည် အဆိုပါ ဖွဲ့စည်းပုံထဲတွင် ပါဝင်ရမည်ဖြစ်ကြောင်း Wu Hongbo က ပြောခဲ့သည်။ Wu Hongbo ၏ မှတ်ချက်ပြု ပြောဆိုမှုများထွက်ပေါ်လာပြီးနောက် တစ်ရက်အကြာတွင် တရုတ်သမ္မတရှီကျင့်ဖျင်သည် ဥရောပကောင်စီဥက္ကဋ္ဌ ချားလ်စ်မီချယ်၊ ဥရောပကော်မရှင်ဥက္ကဋ္ဌ ဗွန်ဒါလီယန်တို့ နှင့် တရုတ်နိုင်ငံ ဘေဂျင်းမြို့တွင် တွေ့ဆုံခဲ့ကြောင်းလည်း သိရသည်။
တရုတ်နိုင်ငံခြားရေးဝန်ကြီးဌာန၏ ထုတ်ပြန်ချက်တွင် "ယူကရိန်းအပေါ် ရုရှားရဲ့ကျူးကျော်တိုက်ခိုက်မှုတွေကို အဆုံးသတ်ဖို့က အရေးကြီးတယ်လို့ ဗွန်ဒါလီယန်က သမ္မတရှီကျင့်ဖျင်ကို ပြောခဲ့ပါတယ်။ ဥရောပသမဂ္ဂဟာ အရှေ့ အလယ်ပိုင်းဒေသနဲ့ ယူကရိန်း အပါအဝင် ဒေသတွင်းမှာ ပြေလည်မှုတွေရှိအောင် လုပ်ဆောင်လိုတဲ့ပုံပေါ်ပါတယ်" ဟု ရေးသားဖော်ပြထားသည်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
အခြေခံစားသောက်ကုန်ဈေးနှုန်းများကို စောင့်ကြည့်ပြီး ဈေးနှုန်းပြောင်းလဲမှုဖြစ်ပေါ်ပါက ဖော်ထုတ်ဖြေရှင်းရန် ဒုဝန်ကြီးချုပ်တိုက်တွန်း
RELATED POSTS
23 Sep 2024 | နိုင်ငံရေး,နိုင်ငံတကာ
23 Sep 2024 | နိုင်ငံရေး,နိုင်ငံတကာ
23 Sep 2024 | နိုင်ငံရေး,နိုင်ငံတကာ
23 Sep 2024 | နိုင်ငံရေး,နိုင်ငံတကာ