အဖျက်သမားများ၏ ပါးစပ်မှထွက်သော ဒီမိုကရေစီကို ယုံစားမိပါက အဖျက်သမားများနှင့်အတူ ပျက်သုန်းသွားရမည်ဟု နစက သတိပေး
မြူနစ် (NSS) - ဒီဇင်ဘာ ၄
အဖျက်သမားများ၏ ပါးစပ်မှထွက်သော ဒီမိုကရေစီကို ယုံစားမိပါက အဖျက်သမားများနှင့်အတူ ပျက်သုန်းသွားရမည်ဟု နစကပြောခွင့်ရ ဗိုလ်ချုပ်ဇော်မင်းထွန်းက ပြောသည်။
၎င်းက ယမန်နေ့(ဒီဇင်ဘာလ ၃ ရက်)၊ ညပိုင်းတွင် နိုင်ငံအတွင်း ဖြစ်ပွားနေသောအခြေအနေများနှင့်ပတ်သက်၍ မီဒီယာများကို ရှင်းလင်းပြောကြားရာတွင် အထက်ပါကဲ့သို့ ထည့်သွင်းပြောကြားခဲ့ခြင်းဖြစ်သည်။
NUG၊ CRPH ၊ PDF အဖွဲ့များသည် ဒီမိုကရေစီအရေးထက် မြန်မာနိုင်ငံ အလုံးစုံပျက်သုန်းရေး၊ အာဏာရရှိရေးကိုသာ ဦးတည်ပြီးဆောင်ရွက်နေကြောင်း ဗိုလ်ချုပ်ဇော်မင်းထွန်းက ပြောသည်။
“ကျွန်တော်တို့ မြန်မာပြည်သူလူထုလိုလားတဲ့ ပါတီစုံဒီမိုကရေစီစနစ်ဆိုတာ ပါးစပ်ကနေပြီး ပြောရုံသက်သက်ပဲ ရှိပါတယ်။ လက်တွေ့မှာတော့ သူတို့သွားနေတဲ့လုပ်ငန်းတွေသည် လူသတ်၊ မုဒိန်းကျင့်၊ ကျေးရွာတွေကို မီးရှို့ဖျက်ဆီး၊ ပြည်သူလူထုပိုင်အဆောက်အဦးတွေ၊ လမ်းတံတားတွေကို ဖြတ်တောက် တာတွေ၊ မိုင်ထောင်ဖောက်ခွဲတာတွေ၊ ပြည်သူလူထုတစ်ရပ်လုံးနဲ့ဆိုင်တဲ့ လျှပ်စစ်တာဝါတိုင်တွေကို ချိုးတာတွေ၊ ဆက်သွယ်ရေးတာဝါတိုင်တွေကို ချိုးတာတွေ၊ လက်တွေ့မှာ ဒီအဖျက်လုပ်ငန်းတွေပဲ လုပ် ဆောင်နေတာဖြစ်ပါတယ်”ဟု နစကပြောခွင့်ရက ပြောသည်။
ထို့ကြောင့် အဖျက်သမားများ၏ ပါးစပ်မှထွက်သော ဒီမိုကရေစီဆိုသည့် စကားလုံးကို ယုံစားမိပါက ၎င်းအဖျက်သမားများနှင့်အတူ ပျက်သုန်းသွားရမည်ဟု ၎င်းက ထပ်မံပြောသည်။
“ဒီအဖျက်သမားတွေရဲ့ ပါးစပ်ကထွက်တဲ့ ဒီမိုကရေစီဆိုတဲ့ စကားလုံးကို ယုံစားမိရင်တော့ ဒီအဖျက်သမားတွေနဲ့အတူ ပျက်သုန်းသွားရမှာဖြစ်တယ်လို့ပဲ ပြောချင်ပါတယ်။ ကျွန်တော်တို့ ပြည်သူလူထုတစ်ရပ်လုံးအနေနဲ့ နိုင်ငံတော်ကာကွယ်ရေးဆိုတာသည် နိုင်ငံသားအားလုံးရဲ့တာဝန်ဖြစ်ပါတယ်” ဟု ဗိုလ်ချုပ်ဇော်မင်းထွန်းက ပြောသည်။
၂၀၂၁ ခုနှစ် ဖေဖော်ဝါရီလမှစ၍ တပ်မတော်က နိုင်ငံတော်အာဏာရယူခဲ့ပြီးနောက်ပိုင်းတွင် အကြမ်း ဖက်သမားများ၏လုပ်ရပ်ကြောင့် ရဟန်းသံဃာ၊ နိုင်ငံ့ဝန်ထမ်းနှင့် အရပ်သားပြည်သူ စုစုပေါင်း (၆၇၀၀)ကျော် သေဆုံးခဲ့ရသည်။
ထို့ပြင် လက်ရှိအချိန်တွင်လည်း နိုင်ငံအတွင်း၌ တပ်မတော်နှင့် တိုင်းရင်းသားလက်နက်ကိုင်အဖွဲ့များ၊ PDF အဖွဲ့များကြားတွင် တိုက်ပွဲများ ဖြစ်ပွားလျက်ရှိပြီး နိုင်ငံတော်ပိုင်အဆောက်အဦး၊ လမ်းတံတားနှင့် ပြည်သူလူထု၏ အသက်အိုးအိမ်စည်းစိမ်များ ပျက်စီးဆုံးနေရလျက်ရှိသည်။
တိုင်းရင်းသားလက်နက်ကိုင်များ ဖော်ဆောင်သော တိုက်ပွဲများကြောင့် ကောလင်းမြို့၊ လွိုင်ကော်မြို့၊ လောက်ကိုင်မြို့အပါအဝင် အခြားသောမြို့များရှိ ဒေသခံအများစုသည် မြို့လုံးကျွတ်နီးပါး နေရပ်စွန့်ခွာစစ်ဘေးရှောင်နေရလျက်ရှိသည်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
မြန်မာနိုင်ငံမှာ ၂ဝ၂၂ ခုနှစ်အတွင်းဖြစ်ပွားခဲ့တဲ့အကြမ်းဖက်တိုက်ခိုက်မှုများကို PDF၊ CDF နဲ့ KNDF လက်နက်ကိုင်အဖွဲ့တို့က အများဆုံးကျူးလွန်ခဲ့ကြောင်း အမေရိကန်အစိုးရ ဆို
RELATED POSTS
22 Sep 2024 | နိုင်ငံရေး,နိုင်ငံတကာ
22 Sep 2024 | နိုင်ငံရေး,နိုင်ငံတကာ
22 Sep 2024 | နိုင်ငံရေး,ပြည်တွင်း