မျိုးသုဉ်းသွားပြီလို့ ယူဆရတဲ့ Golden Mole ကို နှစ်ပေါင်း ၁၀၀ နီးပါးကြာခဲ့ပြီးနောက် ကမ်းခြေတစ်ခုမှာ ပြန်လည်တွေ့ရှိ
ရောင်နီ (NSS) - ဒီဇင်ဘာ ၂
တောင်အာဖရိကနိုင်ငံ၊ အနောက်မြောက်ရှိ ကမ်းခြေတစ်ခုမှာ မျိုးသုဉ်းသွားပြီလို့ယူဆထားတဲ့ Golden Mole ကြွက်တစ်ကောင်ကို မမျှော်လင့်ဘဲတွေ့ရှိလာခဲ့ပါတယ်။
ဒီဇင်ဘာ ၁ ရက်နေ့က ထုတ်ပြန်တဲ့ သတင်းအရ ဒါကို အန္တရာယ်ရှိ တောရိုင်းတိရိစ္ဆာန်ကာကွယ်စောင့်ရှောက်ရေး (EWT) နဲ့ ပရီတိုးရီးယားတက္ကသိုလ်တို့မှ ထိန်းသိမ်းရေးပညာရှင်များ၊ မျိုးရိုးဗီဇပညာရှင်များ၊ တောရိုင်းတိရစ္ဆာန်ပညာရှင်များအဖွဲ့က ရှာတွေ့ခဲ့တာ ဖြစ်တယ်လို့ သိရပါတယ်။
နှစ်၁၀၀ နီးပါးကြာတဲ့အထိထပ်မံတွေ့ရှိရခြင်းမရှိတာကြောင့် Golden Mole တွေဟာ ထာဝရပျောက်ကွယ်သွားပြီလို့ ယူဆထားခဲ့တာပါ။ Golden Mole တွေဟာ မျက်လုံးမပါတဲ့ တိရိစ္ဆာန် မျိုးစိတ်လေးတွေဖြစ်ပြီး ကမ်းခြေတွေမှာ နေထိုင်ကျတ်စားပါတယ်။ ဒီမျိုးစိတ်တွေဟာ တောင်အာဖရိကအနောက်မြောက်ကမ်းရိုးတန်းရဲ့ကမ်းခြေတွေမှာ ကျက်စားကြတာဖြစ်ပြီး ၁၉၃၆ ခုနှစ်က နောက်ဆုံးတွေ့ရှိကာ ပျောက်ကွယ်နေတာ နှစ်ပေါင်း ၁၀၀ နီးပါးကြာခဲ့ပါပြီ။
ဒီတွေ့ရှိမှုဟာ မျိုးစိတ်တွေရဲ့ပြောင်းလဲမှုနဲ့ သဘောသဘာဝကို လေ့လာဖို့ အခွင့်အရေး ဖြစ်စေပါတယ်။ မျိုးသုဉ်းသွားပြီလို့ ယူဆရတဲ့ မျိုးစိတ်ကို ပြန်လည်ရှာဖွေတွေ့ရှိခြင်းအတွက် EWT ကလည်း ဂုဏ်ယူခဲ့ပါတယ်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
မြဝတီမြို့တွင် ညမထွက်ရအမိန့်အပေါ် လိုက်နာခြင်းမရှိပါက ပြင်းပြင်းထန်ထန်အရေးယူမည်ဟု အသိပေးကြေညာ
RELATED POSTS
19 Sep 2024 | ဗဟုသုတ,နိုင်ငံတကာ
14 Sep 2024 | ဗဟုသုတ,နိုင်ငံတကာ