နိုင်ငံကူးလက်မှတ်အသစ် လျှောက်ထားသူများအနက် ခွင့်ပြုချက်ကျသူ (၄၅၀)နီးပါး ရှိကြောင်း မလေးရှားရှိ မြန်မာသံရုံးအသိပေး
စော (NSS) - နိုဝင်ဘာ ၂၉
နိုင်ငံကူးလက်မှတ်အသစ် လျှောက်ထားသူများအနက် ခွင့်ပြုချက်ကျသူ (၄၅၀)နီးပါးရှိကြောင်း မလေးရှားနိုင်ငံရှိ မြန်မာသံရုံးထံမှ သိရသည်။
မလေးရှားနိုင်ငံ၊ ကွာလာလမ်ပူမြို့ရှိ မြန်မာသံရုံးက ယမန်နေ့(နိုဝင်ဘာလ ၂၈ ရက်)တွင် အထက်ပါကဲ့သို့အသိပေးကြေညာထားခြင်းဖြစ်သည်။
၎င်းတို့သည် ပြီးခဲ့သည့် ဇွန်လ ၁၅ ရက် မှ ဩဂုတ်လ ၁၅ ရက်အတွင်း မှတ်ပုံတင်ကတ်ပြား (မူရင်း) နှင့် အိမ်ထောင်စုလူဦးရေစာရင်း(မိတ္တူ)တို့ဖြင့် နိုင်ငံကူးလက်မှတ်အသစ်ကို လျှောက်ထားသူများဖြစ်ကြောင်း သိရသည်။
အဆိုပါ နိုင်ငံကူးလက်မှတ်လျှောက်ထားသူများသည် https://myanmarembassykl.org/ ရှိ Announcement စာမျက်နှာတွင် မိမိတို့၏ အမည်ပါ/မပါကို တွင် စစ်ဆေးကြရန်နှင့် အမည်စာရင်း တွေ့ရှိပါက https://www.mekl.org တွင် ရက်ချိန်းရယူရမည်ဖြစ်ကြောင်း မြန်မာသံရုံးမှ ဆိုသည်။
ထို့သို့ရက်ချိန်းရသည့်နေ့တွင် မြန်မာသံရုံး၌ နိုင်ငံကူးလက်မှတ် စာအုပ်လာရောက်ထုတ်ယူရမည်ဖြစ်ပြီး မှတ်ပုံတင်ကတ်ပြား(မူရင်း)၊ အိမ်ထောင်စုလူဦးရေစာရင်း (မိတ္တူ)နှင့် သံရုံးမှ ပေးထားသည့် ကိုယ်ရေးမှတ်တမ်း (မိတ္တူ)တို့ကို ယူဆောင်လာရမည်ဖြစ်ကြောင်း ထုတ်ပြန်ထားသည်။
ထို့ပြင် နိုင်ငံကူးလက်မှတ်အသစ်လျှောက်ထားရာ၌ ကျန်ရှိသူများကိုလည်း ထပ်မံကြေညာသွားမည်ဖြစ်ကြောင်း မြန်မာသံရုံးမှ အသိပေးထားသည်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
၆ နှစ်ကြာရပ်တန့်ခဲ့တဲ့ငြိမ်းချမ်းရေးဆွေးနွေးပွဲကို ပြန်လည်စတင်ဖို့ ဖိလစ်ပိုင်အစိုးရနဲ့ ကွန်မြူနစ်လက်နက်ကိုင်အဖွဲ့ သဘောတူ
RELATED POSTS
21 Sep 2024 | အထွေထွေ,နိုင်ငံတကာ
20 Sep 2024 | အထွေထွေ,ပြည်တွင်း
19 Sep 2024 | အထွေထွေ,ပြည်တွင်း
19 Sep 2024 | အထွေထွေ,ပြည်တွင်း