အစ္စရေးအတွက် သူလျိုလုပ်ပေးတဲ့ အမျိုးသားနှစ်ဦးကို ပါလက်စတိုင်းလူအုပ်ကြီး ကွပ်မျက်
ဂျန်ဇက် (NSS) - နိုဝင်ဘာ ၂၆
ပါလက်စတိုင်းလက်နက်ကိုင်အုပ်စုတွေဟာ အနောက်ဘက်ကမ်းခြေမှာ အမျိုးသားနှစ်ဦးကို ပြီးခဲ့တဲ့ရက်ပိုင်းမှာ ကွပ်မျက်လိုက်ကြောင်း သိရပါတယ်။
ပါလက်စတိုင်းအုပ်စုတွေဟာ အဆိုပါ အမျိုးသားနှစ်ဦးကို အစ္စရေးနိုင်ငံနဲ့ ပူးပေါင်းဆောင်ရွက်ပြီး အစ္စရေးအတွက် သူလျိုလုပ်ပေးနေတယ်လို့ စွပ်စွဲကာ အနောက်ဘက်ကမ်းခြေရှိ Tulkarem မြို့မှာကွပ်မျက်ခဲ့တာဖြစ်ကြောင်း သိရပါတယ်။ အဆိုပါအမျိုးသားနှစ်ဦးကို ကွပ်မျက်တဲ့ရုပ်သံဖိုင်ကိုဖော်ပြခဲ့ရာ ပါလက်စတိုင်းလူအုပ်ကြီးဟာ ကွပ်မျက်ခံရသူနှစ်ဦးကို အော်ဟစ်ဆဲဆိုတာမျိုးတွေလည်း ရှိခဲ့ကြောင်း သိရပါတယ်။
ပါလက်စတိုင်းဒေသခံတွေဟာ ဒုက္ခသည်စခန်းရှိ ကုလသမဂ္ဂကျောင်းရဲ့နံရံမှာ အဆိုပါအမျိုးသားနှစ်ဦးကို ကွပ်မျက် ခဲ့တာဖြစ်ပြီး ၎င်းနှစ်ဦးရဲ့ခြေဖဝါးကို သံဇူးကြိုးနဲ့ချိတ်ဆွဲကာ ကွပ်မျက်ခဲ့ခြင်းမျိုးဖြစ်ကြောင်း သိရပါတယ်။ ရုပ်သံဖိုင် ထဲမှာ လူအုပ်စုကြီးဟာ ကွပ်မျက်ခဲ့တဲ့ ပါလက်စတိုင်းလူမျိုး အမျိုးသားနှစ်ဦးကို သစ္စာဖောက်ဆိုတဲ့ အသုံးအနှုန်း တွေ၊ အလာဟူအက်ဘာဆိုတဲ့ စကားလုံးတွေကို ကြွေးကြော်ခဲ့ကြောင်း သိရပါတယ်။
ကွပ်မျက်ခံရသူနှစ်ဦးဟာ အသက် ၃၁ နှစ်အရွယ်ရှိ Hamza Mubarak ဆိုသူနဲ့ အသက် ၂၉ နှစ်အရွယ်ရှိ Azam Juabra ဆိုသူတို့ဖြစ်ကြောင်း သိရပါတယ်။
၎င်းတို့နှစ်ဦးဟာ အစ္စရေးကို မကြာခဏဆိုသလို အကြမ်းဖက်မှု စစ်ဆင်ရေးနဲ့ပတ်သက်ပြီး သတင်းများပေးခဲ့ ကြောင်း စွပ်စွဲခံခဲ့ရကြောင်း သိရပါတယ်။ အစ္စရေးနဲ့ ဟားမက်လက်နက်ကိုင်အဖွဲ့တို့ဟာ အောက်တိုဘာ ၇ ရက်က စစ်ပွဲစတင်ခဲ့ပြီး အစ္စရေးဟာ ဂါဇာဒေသကိုမြေပြင်ထိုးစစ်ဆင်နွှဲနေကာ လက်ရှိအချိန်မှာ ယာယီအပစ်ခတ်ရပ်စဲ ထားကြောင်း ဆိုပါတယ်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
ရန်ကုန်မြို့သို့ ပို့လွှတ်နေသော သဘာဝဓာတ်ငွေ့ပိုက်လိုင်းကို KNU၊ PDF ပူးပေါင်းအဖွဲ့က မိုင်းထောင်ဖောက်ခွဲခဲ့သဖြင့် လျှပ်စစ်ဓာတ်အား လျော့နည်းခဲ့ရဟု နစကဆို
RELATED POSTS
22 Sep 2024 | နိုင်ငံရေး,နိုင်ငံတကာ
22 Sep 2024 | နိုင်ငံရေး,နိုင်ငံတကာ
22 Sep 2024 | နိုင်ငံရေး,ပြည်တွင်း