Drop ဗုံး ကျရောက်ပေါက်ကွဲမှုကြောင့် ပုဏ္ဏားကျွန်းဈေး မီးလောင်မှုဖြစ်ပွားခဲ့ရာ ဆိုင်ခန်းပေါင်း (၄၀၀) ကျော် ပျက်ဆီးဆုံးရှုံးခဲ့
Pearl (NSS) - နိုဝင်ဘာ ၂၄
Drop ဗုံး ကျရောက်ပေါက်ကွဲမှုကြောင့် ပုဏ္ဏားကျွန်းဈေး မီးလောင်မှုဖြစ်ပွားခဲ့ရာ ဆိုင်ခန်းပေါင်း (၄၀၀)ကျော် ပျက်ဆီးဆုံးရှုံးခဲ့ကြောင်း သိရသည်။
ဖြစ်စဉ်မှာ ယနေ့ (နို၀င်ဘာလ ၂၄ ရက်) ၊ နေ့လည် (၂)နာရီ အချိန်ခန့်တွင် ရခိုင်ပြည်နယ်၊ စစ်တွေခရိုင်၊ ပုဏ္ဏားကျွန်းမြို့၊ မြို့သစ်ရပ်ကွက်ရှိ ပုဏ္ဏားကျွန်းဈေးတွင် ဖြစ်ပွားခဲ့ခြင်းဖြစ်သည်။
ရခိုင်လက်နက်အကိုင်အဖွဲ့ ULA/AA က ပစ်ခတ်သော drop ဗုံးသည် ပုဏ္ဏားကျွန်းဈေးအတွင်းသို့ ကျရောက် ပေါက်ကွဲခဲ့ပြီး မီးလောင်မှုဖြစ်ပွားခဲ့ကြောင်း ဒေသခံအချို့က NSS ကို ပြောသည်။
"မီးကတော့ တော်တော်များပါတယ်။ drop bomb ဘယ်နှစ်လုံး ကျလဲ အတိအကျတော့ မသိရသေးဘူး။ မီးမငြိမ်းသေးဘူး။ ကယ်ဆယ်ရေးတွေတော့ သွားနေတယ်"ဟု ပဏ္ဏားကျွန်းမြို့ခံတစ်ဦးက NSS ကို ပြောသည်။
အဆိုပါ ပုဏ္ဏားကျွန်းဈေး မီးလောင်မှုသည် ULA/AA က ပစ်ခတ်သည့် Drop ဗုံးကြောင့် မီးလောင်မှုဖြစ်ပွားခဲ့သည်ဟု ဒေသခံအချို့က ပြောဆိုထားသော်လည်း ၎င်းအချက်အလက်နှင့်ပတ်သက်၍ NSS က သီးခြားအတည်ပြုနိုင်ခြင်းမရှိသေးပေ။
သို့သော် drop ဗုံးကျရောက် ပေါက်ကွဲကာ ပုဏ္ဏားကျွန်းဈေး၌ မီးလောင်မှုဖြစ်ပွားခဲ့သည့်အတွက် ဆိုင်ခန်းပေါင်း (၄၀၀)ကျော် ပျက်ဆီးဆုံးရှုံးခဲ့သည်ဟု မြန်မာနိုင်ငံ မီးသတ်တပ်ဖွဲ့နှင့် နီးစပ်သူတစ်ဦးက NP News ကို အတည်ပြုထားသည်။
"မီးလောင်မှုဖြစ်စဉ်နဲ့ပတ်သတ်လို့ စစ်ဆေးနေတုန်းပဲလို့ သိရတယ်။ ဒါပေမယ့် ပုဏ္ဏားကျွန်းဈေးမှာရှိတဲ့ ဆိုင်းခန်းပေါင်း (၄၀၀)ကျော် မီးလောင်ဆုံးရှုံးသွားတယ်လို့ သတင်းပေးလာတယ်။ ပုဏ္ဏားကျွန်းမှာက မီးသတ်ကားကလည်း (၃)စီးပဲရှိတယ်။ မီးလောင်တာကတော့ တော်တော်ဆိုးဆိုးဝါးဝါးလောင်သွားတယ်"ဟု မီးသတ်တပ်ဖွဲ့နှင့် နီးစပ်သူတစ်ဦးက NSS ကို ပြောသည်။
ပုဏ္ဏားကျွန်းဈေးမီးလောင်မှုဖြစ်စဉ်နှင့်ပတ်သက်၍ နစကပြောခွင့်ရဗိုလ်ချုပ်ဇော်မင်းထွန်းက “ပုဏ္ဏားကျွန်းဈေး မီးလောင်တာနဲ့ပတ်သက်ပြီး ကျွန်တော်တို့သံသယရှိတာသည် အချိန်ကိုက် ရှို့မီးပဲဖြစ်နိုင်ပါတယ်။ AA အနေနဲ့ ဒေသခံပြည်သူလူထုကို အသုံးချပြီး အထင်အမြင်လွဲမှားအောင် ပြုလုပ်နေတာပဲ ဖြစ်ပါတယ်။ ကျွန်တော်တို့အနေနဲ့ ပြည်သူ့အိုးအိမ်စည်းစိမ်ကို ကာကွယ်စောင့်ရှောက်နေတဲ့ တပ်မတော်နဲ့အညီ မီးရှို့စရာအကြောင်း၊ ပစ်ခတ်စရာအကြောင်း မရှိပါဘူး။ စစ်ရေးပစ်မှတ်တွေကိုပဲ ကျွန်တော်တို့ တိုက်ခိုက်နေတာဖြစ်ပါတယ်” ဟု ပြောသည်။
အလားတူ ယမန်နေ့ (နိုဝင်ဘာလ ၂၃ ရက်) တွင်လည်း ရှမ်းပြည်နယ်မြောက်ပိုင်း၊ မူဆယ်မြို့၊ တရုတ်နယ်စပ်ရှိ ကျင်စန်းကျော့ဂိတ်အနီးမှ seven ဟွာကျင်းကားဝန်းကို MNDAA နှင့် TNLA ပူးပေါင်းအဖွဲ့က ပစ်ခတ်သော Drop ဗုံးကျရောက်ပေါက်ကွဲမှုကြောင့် ကုန်ကားစီးရေ(၁၂၀)ခန့် မီးလောင်ပျက်စီးခဲ့သည့် ဖြစ်စဉ် ဖြစ်ပွားခဲ့သည်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
ရာထူးက ထုတ်ပယ်ထားတဲ့ စစ်သားထောင်ချီကို စစ်မှုပြန်ထမ်းဖို့ အမေရိကန်စစ်တပ် ပြန်လည်ခေါ်ယူ
RELATED POSTS
18 Sep 2024 | မှုခင်း,ပြည်တွင်း
17 Sep 2024 | မှုခင်း,နိုင်ငံတကာ