တရုတ်နိုင်ငံက ရုရှား၊ မြောက်ကိုရီးယားတို့နှင့် သုံးနိုင်ငံပူးပေါင်းဆောင်ရွက်မှုမှ အကျိုးအမြတ်များရရှိမည်မဟုတ်ကြောင်း တောင်ကိုရီးယားသမ္မတ ထုတ်ဖော်ပြော
Pika (NSS) - နိုဝင်ဘာ ၂ဝ
တရုတ်၊ ရုရှား နှင့် မြောက်ကိုရီးယားတို့သည် ကွဲပြားခြားနားသောအကျိုးစီးပွားများရှိသောကြောင့် တရုတ်နိုင်ငံ သည် ၎င်းတို့၏ သုံးနိုင်ငံပူးပေါင်းဆောင်ရွက်မှုမှ အကျိုးအမြတ်များရရှိမည်မဟုတ်ကြောင်း တောင်ကိုရီးယားသမ္မတ ယွန်ဆက်ယိုလ်က ထုတ်ဖော်ပြောခဲ့သည်။
ထို့အပြင် တရုတ်နိုင်ငံသည် အရှေ့အာရှတွင် လွတ်လပ်မှု၊ငြိမ်းချမ်းမှုနှင့် သာယာဝပြောရေးတို့ကို မြှင့်တင်ရန် အတွက် အရေးကြီးသောအခန်းကဏ္ဍတွင် ပါဝင်ကြောင်း ယွန်ဆက်ယိုလ်ကပြောဆိုခဲ့သည်။ တောင်ကိုရီးယား သမ္မတယွန်ဆက်ယိုလ်သည် လန်ဒန်မြို့သို့သွားရောက်လည်ပတ်ခြင်းမပြုမီ ယခုကဲ့သို့ မှတ်ချက်ပြုပြောဆိုခဲ့ခြင်း ဖြစ်ကြောင်း သိရသည်။
ယွန်ဆက်ယိုလ် က "တရုတ်အစိုးရဟာ ကုလသမဂ္ဂကြေညာစာတမ်းနဲ့ ကုလသမဂ္ဂလုံခြုံရေးကောင်စီတို့ရဲ့ဆုံးဖြတ် ချက်တွေကိုချိုးဖောက်ခဲ့တဲ့ မြောက်ကိုရီးယား၊ ရုရှားတို့နဲ့ သုံးနိုင်ငံပူးပေါင်းဆောင်ရွက်မှုကို အကောင်အထည်ဖော် ဖို့ ထည့်သွင်းစဉ်းစားနိုင်ဖွယ်ရှိနေပါတယ်" ဟု ပြောခဲ့သည်။
ထို့အပြင် မြောက်ကိုရီးယား နှင့် ရုရှားတို့ကြား စစ်ရေးပူးပေါင်းဆောင်ရွက်မှုများနှင့်ပတ်သက်ပြီး စိုးရိမ်မိကြောင်း ယွန်ဆက်ယိုလ်က ထုတ်ဖော်ပြောခဲ့သည်။ တရုတ်၊ ရုရှား နှင့် မြောက်ကိုရီးယားတို့၏ ပူးပေါင်းဆောင်ရွက်မှုမှာ ကုလသမဂ္ဂလုံခြုံရေးကောင်စီ၏ ဆုံးဖြတ်ချက်များကို ချိုးဖောက်နေခြင်းဖြစ်ပြီး ကိုရီးယားကျွန်းဆွယ်တွင်သာမက အရှေ့မြောက်အာရှနှင့် ဥရောပတို့၏ ငြိမ်းချမ်းရေးကိုခြိမ်းခြောက်နေသည့် ရန်စသည့်လုပ်ရပ်တစ်ခုဖြစ်ကြောင်း ယွန်ဆက်ယိုလ်က မှတ်ချက်ပြု ပြောဆိုခဲ့သည်၊၊
အဆိုပါပူးပေါင်းဆောင်ရွက်မှုများနှင့်ပတ်သက်ပြီး လက်တုံ့ပြန်မှုများလုပ်ဆောင်ရန် အမေရိကန်၊ တောင်ကိုရီးယား နှင့် ဂျပန်တို့က ရည်ရွယ်ထားကြောင်းလည်း သိရသည်။ ယွန်ဆက်ယိုလ် က "ရုရှားကို မြောက်ကိုရီးယားက လက်နက်တွေထောက်ပံ့ပေးတာဟာ ယူကရိန်းစစ်ပွဲကို ပိုမိုရှည်ကြာအောင် လုပ်ဆောင်နေတာဖြစ်ပြီး အသေအပျောက်များပြားတာတွေကိုပဲဖြစ်လာစေမှာပါ။ အပြန်အလှန်အနေနဲ့ ရုရှားဟာ မြောက်ကိုရီးယားကို စစ်ရေးနည်းပညာတွေ ပေးအပ်ခဲ့မယ်ဆိုရင် တောင်ကိုရီးယားရဲ့ လုံခြုံရေးနဲ့ ဒေသတွင်း ငြိမ်းချမ်းရေးတို့ကို ခြိမ်းခြောက်တာတွေဖြစ်လာစေမှာပါ" ဟု ပြောခဲ့သည်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
မြန်မာနိုင်ငံတွင် ပိတ်မိနေသော ထိုင်းနိုင်ငံသား(၂၆၆)ဦးကို တရုတ်နယ်စပ်သို့ ဘေးကင်းစွာရွှေ့ပြောင်းနိုင်ခဲ့ကြောင်း ထိုင်းအစိုးရပြော
RELATED POSTS
19 Sep 2024 | နိုင်ငံရေး,ပြည်တွင်း
19 Sep 2024 | နိုင်ငံရေး,နိုင်ငံတကာ