သီရိလင်္ကာနိုင်ငံက နျူကလီးယား ဓာတ်အားပေးစက်ရုံတွေ တည်ထောင်ဖို့အတွက် ရင်းနှီးမြှုပ်နှံလိုသူများ ရှာဖွေနေ
ရောင်နီ (NSS) - နိုဝင်ဘာ ၁၈
သီရိလင်္ကာနိုင်ငံဟာ ၎င်းရဲ့ စီးပွားရေး ပြန်လည်ဦးမော့လာစေဖို့ နိုင်ငံမှာ နျူကလီးယား ဓာတ် အားပေးစက်ရုံများ တည်ထောင်လိုတဲ့ ရင်းနှီးမြုပ်နှံလိုသူတွေအတွက် EOI ခေါ်ယူနေတယ်လို့ စွမ်းအင်ဝန်ကြီးက သောကြာနေ့(နိုဝင်ဘာလ ၁၇ ရက်) မှာ ပြောကြားခဲ့ပါတယ်။
နိုင်ငံရှိ စွမ်းအင်၏အဓိကအရင်းအမြစ်ဟာ ရေနံ၊ ကျောက်မီးသွေး နဲ့ ရေအားလျှပ်စစ်မှဖြစ်ပြီး အစိုးရဟာ ၂၀၃၀ ခုနှစ်မှာ ပြန်လည်ပြည့်ဖြိုးမြဲအရင်းအမြစ်များမှ လျှပ်စစ်ဓာတ်အား ၇၀ ရာခိုင်နှုန်း ထုတ်လုပ်ဖို့ ရည်မှန်းထားတာကြောင့် နျူကလီးယားစွမ်းအင်ကို ရွေးချယ်မှုတစ်ခုအဖြစ် ရှုမြင်ပါတယ်။
"အစိုးရဟာ ရေရှည် မျိုးဆက်သစ်စီမံကိန်းတွေရဲ့ တစ်စိတ်တစ်ပိုင်းအဖြစ် နျူကလီးယားစွမ်းအင်ကို ဘေးကင်းစွာ အသုံးပြုနိုင်ဖို့ ရည်ရွယ်တယ်"လို့ ကိုလံဘိုရှိ နိုင်ငံတကာ အနုမြူစွမ်းအင်အေဂျင်စီမှ တာဝန်ရှိသူတွေနဲ့ တွေ့ဆုံပြီးနောက် စွမ်းအင်ဝန်ကြီး ကန်ချာနာဝီဂျီစီကီရာက X ဆိုရှယ်မီဒီယာ ပလက်ဖောင်းပေါ်မှာ ပြောကြားခဲ့ပါတယ်။
"နျူကလီးယားဓာတ်အားပေးစက်ရုံတွေနဲ့ ခေတ်မီနည်းပညာတွေ ထူထောင်ဖို့အတွက် EOI တွေကို အစိုးရက တောင်းဆိုလိမ့်မယ်"လို့ ၎င်းက ဆိုပါတယ်။
လူဦးရေ ၂၂ သန်းရှိတဲ့ သီရိလင်္ကာနိုင်ငံဟာ မတ်လက အပြည်ပြည်ဆိုင်ရာ ငွေကြေးရန်ပုံငွေအဖွဲ့ထံမှ ချေးငွေဒေါ်လာ ၂ ဒသမ ၉ ဘီလျံရယူခဲ့ရပြီး ကိုလိုနီနယ်ချဲ့အုပ်ချုပ်မှုအပြီး ၁၉၄၈ ခုနှစ်နောက်ပိုင်း အဆိုးရွားဆုံးသော ကြွေးမြီဝန်ထုပ်ဝန်ပိုးနဲ့ စီးပွားရေးအကျပ်အတည်းကို ကိုင်တွယ်ဖြေရှင်းနေရတာဖြစ်ပါတယ်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
မြေကွက်၊ ကွန်ဒို၊ တိုက်ခန်းများကို တစ်ပြိုင်တည်း ပြသရောင်းချသည့် Little Yangon Property Supermarket ပြပွဲ စတင်ကျင်းပ
RELATED POSTS
22 Sep 2024 | စီးပွားရေး,ပြည်တွင်း
20 Sep 2024 | စီးပွားရေး,ပြည်တွင်း
20 Sep 2024 | စီးပွားရေး,ပြည်တွင်း
14 Sep 2024 | စီးပွားရေး,ပြည်တွင်း