အီရန် နှင့် လက်ဘနွန်တို့က စစ်ပွဲကိုရှောင်ရှားလိုကြကြောင်း ရုရှားနိုင်ငံခြားရေးဝန်ကြီးပြော
Pika (NSS) - နိုဝင်ဘာ ၁၆
အီရန်နှင့်လက်ဘနွန် အခြေစိုက် ဟစ်ဘိုလာစစ်သွေးကြွအဖွဲ့တို့သည် အစ္စရေး-ပါလက်စတိုင်းစစ်ပွဲကို ဒေသတွင်း ပဋိပက္ခအဖြစ် ပိုမိုကျယ်ပြန့်လာစေချင်ကြသည်ဆိုသည့်အချက်ကို မယုံကြည်ကြောင်း ရုရှားနိုင်ငံခြားရေးဝန်ကြီး ဆာဂေးလာရော့ဗ်က ပြောကြားခဲ့သည်။
အစ္စရေး နှင့် ဟားမက်လက်နက်ကိုင်အဖွဲ့ကြား စစ်ပွဲသည် အရှေ့အလယ်ပိုင်းဒေသတွင် ပိုမိုကျယ်ပြန့်သော စစ်ပွဲ ဖြစ်လာမည်ကို စိုးရိမ်မှုများလည်း ပိုမိုမြင့်တက်လျက်ရှိကြောင်း သိရသည်။ အစ္စရေးတာဝန်ရှိသူများသည် လက်ဘနွန်နိုင်ငံ မြို့တော် Beirut ကို ဂါဇာကမ်းမြောင်ကို လုပ်ဆောင်ခဲ့သည့်အတိုင်း ဗုံးကြဲချမည်ဟု ခြိမ်းခြောက်ခဲ့ ကြောင်းလည်း သိရသည်။
သို့သော်လည်း လက်ဘနွန် နှင့် အီရန်တို့သည် ကြီးမားသောပဋိပက္ခတွင် ပါဝင်လိုခြင်းမရှိဟု ရုရှားအစိုးရက ယုံကြည်ကြောင်း ဆာဂေးလာရော့ဗ်က ပြောခဲ့သည်။ ဆာဂေးလာရော့ဗ်က "အီရန်လိုလားတဲ့ လက်နက်ကိုင်အဖွဲ့ တွေဟာ အီရတ် နဲ့ ဆီးရီးယားမှာရှိတဲ့ အမေရိကန်စစ်အခြေစိုက်စခန်းတွေကိုတိုက်ခိုက်ဖို့ ကြိုးပမ်းနေတယ်လို့ အမေရိကန်ဖက်က ပြောကြားခဲ့ပါတယ်။ ဒီလိုဖြစ်ရပ်တွေက အသစ်အဆန်းတွေတော့ မဟုတ်ပါဘူး။ ပြီးတော့ ဆီးရီးယားမှာ အမေရိကန်တပ်ဖွဲ့ဝင်များထားရှိမှုဟာ ရှင်းရှင်းလင်းလင်းကို တရားမဝင်ပါဘူး" ဟု ပြောခဲ့သည်။
ဂါဇာကမ်းမြောင်ဒေသရှိ ပါလက်စတိုင်းလူမျိုးများ ဖိနှိပ်ခံရမှုကြောင့် ဒေသတွင်းရှိ စစ်သွေးကြွအဖွဲ့များသည် အမေရိကန် နှင့် အစ္စရေးတို့ကို တိုက်ခိုက်ရန် ကြိုးပမ်းမှုများရှိနေသော်လည်း အဆိုပါအခြေအနေများမှာ အစ္စရေး-ဟားမက်စစ်ပွဲကို ပိုမိုကျယ်ပြန့်စေလိုသည့် ရည်ရွယ်ချက်မျိုးမဟုတ်ကြောင်း ဆာဂေးလာရော့ဗ်က ပြောခဲ့သည်။
ပြီးခဲ့သည့်လတွင် ဟားမက်လက်နက်ကိုင်အဖွဲ့သည် အစ္စရေးကို စတင်တိုက်ခိုက်ခဲ့ပြီးနောက် အစ္စရေးနိုင်ငံသား (၁၄ဝဝ) ကျော် သေဆုံးခဲ့ကြောင်း သိရသည်၊၊ ထို့အပြင် အစ္စရေးဖက်မှ လက်တုံ့ပြန်တိုက်ခိုက်မှုများ လုပ်ဆောင်ခဲ့ ရာ ဂါဇာကမ်းမြောင်ဒေသရှိ ပါလက်စတိုင်းနိုင်ငံသား အနည်းဆုံး(၁၁ဝဝဝ)ကျော် သေဆုံးခဲ့ကြောင်း တာဝန်ရှိသူ များက ပြောကြားခဲ့သည်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
မြန်မာနိုင်ငံတွင် လက်နက်ကိုင်ပဋိပက္ခဖြစ်ပွားမှုမြင့်တက်လာခြင်းအပေါ် ကုလသမဂ္ဂအတွင်းရေးမှူးချုပ် စိုးရိမ်မှု မြင့်တက်နေဟု ၎င်း၏ ပြောရေးဆိုခွင့်ရှိသူပြော
RELATED POSTS
22 Sep 2024 | နိုင်ငံရေး,နိုင်ငံတကာ
22 Sep 2024 | နိုင်ငံရေး,နိုင်ငံတကာ
22 Sep 2024 | နိုင်ငံရေး,ပြည်တွင်း