ဂျန်ဇက် (NSS) - နိုဝင်ဘာ ၁၆ 

မြောက်ကိုရီးယားနိုင်ငံက အမေရိကန် နဲ့ ၎င်းရဲ့မဟာမိတ်နိုင်ငံများရဲ့စစ်ရေးခြိမ်းခြောက်မှုတွေကို ပိုမိုတုံ့ပြန်သွားမှာဖြစ်ကြောင်း မြောက်ကိုရီးယားနိုင်ငံပိုင်မီဒီယာက သတင်းထုတ်ပြန်ထားပါတယ်။

အမေရိကန်ကာကွယ်ရေးဝန်ကြီးဟာ ဒီသီတင်းပတ်အတွင်း တောင်ကိုရီးယားနိုင်ငံကို သွားရောက်မယ်လို့ သတင်း ထုတ်ပြန်ခဲ့ပြီးနောက် မြောက်ကိုရီးယားအစိုးရက အခုလိုမျိုးသတိပေးခဲ့တာဖြစ်ပါတယ်။ မြောက်ကိုရီးယား ကာကွယ်ရေးဝန်ကြီးဌာနပြောရေးဆိုခွင့်ရှိသူက အမေရိကန်နိုင်ငံဟာ ဒေသအတွင်းတင်းမာမှုတွေဖြစ်အောင် လုပ်ဆောင်နေကြောင်း ပြောပါတယ်။ မြောက်ကိုရီးယားစစ်ဘက်က "မြောက်ကိုရီးယားစစ်တပ်ဟာ နိုင်ငံ လုံခြုံရေးကို ခြိမ်းခြောက်မှုအားလုံးကို ထိန်းချုပ် စီမံခန့်ခွဲသွားမှာဖြစ်ပါတယ်။ စစ်ရေးနည်းလမ်းနဲ့ ပွင်းလင်းမြင့်သာ စွာဆောင်ရက်မှု၊ ဟန့်တားမှုတွေလည်း လုပ်ဆောင်သွားမယ်" လို့ ပြောပါတယ်။

အမေရိကန်ကာကွယ်ရေးဝန်ကြီးလွိုင်အော်စတင်ဟာ ဒီသီတင်းပတ်အတွင်း တောင်ကိုရီးယားနိုင်ငံသို့ရောက်ရှိချိန် မှာ မြောက်ကိုရီးယားရဲ့နျူကလီးယားနဲ့ ဒုံးကျည် ခြိမ်းခြောက်မှုတွေကို တားဆီးနိုင်ဖို့ လုံခြုံရေးသဘောတူညီချက် တွေ ပြန်လည်သုံးသပ်သွားဖို့ စီစဉ်ထားကြောင်း သိရပါတယ်။ 

တောင်ကိုရီးယားကာကွယ်ရေးဝန်ကြီးက မြောက်ကိုရီးယားနိုင်ငံဟာ နျူကလီးယားနဲ့ ဒုံးကျည်တွေအစီစဉ်တွေကို အရှိန်မြင့်လုပ်ဆောင်နေတဲ့အတွက် တောင်ကိုရီးယားနဲ့ အမေရိကန်နိုင်ငံကြား မဟာဗျူဟာမြောက် လုံခြုံရေး သဘောတူညီချက်တွေကို ပြန်သုံးသပ်ဖို့ လိုအပ်နေကြောင်း ပြောပါတယ်။ မြောက်ကိုရီးယားစစ်ဘက်က အမေရိကန် နဲ့ ၎င်းရဲ့မဟာမိတ်နိုင်ငံတွေဟာ ကိုရီးယားကျွန်းဆွယ်မှာ တင်းမာမှုများဖြစ်အောင် လုပ်ဆောင်မှု အတွက် တာဝန်ရှိကြောင်း ဝေဖန်ထားပါတယ်။ 

တောင်ကိုရီးယားနိုင်ငံကို အမေရိကန်နိုင်ငံခြားရေးဝန်ကြီးအန်တိုနီဘလီကန်ဟာ ပြီးခဲ့တဲ့ သီတင်းပတ်က သွားရောက်ခဲ့ပြီးနောက် မကြာမီ အမေရိကန်ကာကွယ်ရေးဝန်ကြီးလွိုင်အော်စင်တင်က တောင်ကိုရီးယားကို သွားရောက်ဖို့ စီစဉ်ခဲ့တာဖြစ်ပါတယ်။