မသန်စွမ်းသူများ ဆန္ဒမဲပေးရာတွင် လွယ်ကူစေရန် အသုံးပြုမည့် ပစ္စည်းကိရိယာများနှင့် ဆန္ဒမဲပေးပုံပေးနည်းများကို သိရှိစေရေးအတွက် ဆောင်ရွက်ရန်လိုဟုဆို
စော (NSS) - နိုဝင်ဘာ ၁၆
မသန်စွမ်းသူများ ဆန္ဒမဲပေးရာတွင် အဆင်ပြေလွယ်ကူစေရန် အသုံးပြုမည့် ပစ္စည်းကိရိယာများ နှင့် ဆန္ဒမဲပေးပုံပေးနည်းများကို သိရှိစေရေးအတွက် ဆောင်ရွက်သွားရန်လိုအပ် ကြောင်း ဝန်ကြီး ဒေါက်တာစိုးဝင်းက ပြောကြားခဲ့သည်။
လူမှုဝန်ထမ်း၊ ကယ်ဆယ်ရေး နှင့် ပြန်လည်နေရာချထားရေးဝန်ကြီးဌာန၊ ပြည်ထောင်စုဝန်ကြီး ဒေါက်တာစိုးဝင်းက ယမန်နေ့(နိုဝင်ဘာလ ၁၅ ရက်)တွင် နေပြည်တော်၌ ကျင်းပသော မသန်စွမ်းသူများ အခွင့်အရေးဆိုင်ရာ အမျိုးသားကော်မတီအစည်းအဝေးတွင် အထက်ပါကဲ့သို့ ပြောကြားခဲ့ခြင်းဖြစ်သည်။
ဝန်ကြီးဒေါက်တာစိုးဝင်းက မသန်စွမ်းသူများ ဆန္ဒမဲပေးရာတွင် အဆင်ပြေလွယ်ကူစေရန် သက်ဆိုင်ရာမဲဆန္ဒနယ်မြေအလိုက် ရွေးကောက်ပွဲကော်မရှင်အဖွဲ့ဝင်များ လိုက်နာဆောင် ရွက်နိုင်ရေးအတွက် ပြည်ထောင်စုရွေးကောက်ပွဲကော်မရှင်နှင့် ညှိနှိုင်းဆောင်ရွက်သွားရန်လိုအပ်ကြောင်းလည်း ပြောကြားခဲ့သည်။
ထို့ပြင် မသန်စွမ်းမှု အဆင့်သတ်မှတ်ခြင်းနှင့် မှတ်ပုံတင်ခြင်းလုပ်ငန်းကိုလည်း ပြီးခဲ့သည့် (၂၀၂၂-၂၀၂၃)ဘဏ္ဍာနှစ်တွင် စီမံကိန်းမြို့နယ်(၄)ခု၌ အကောင်ထည်ဖော်ဆောင်ရွက်ခဲ့ပြီး (၂၀၂၃-၂၀၂၄)ဘဏ္ဍာနှစ်တွင် စီမံကိန်းမြို့နယ်(၁၀)ခု၌ အကောင်အထည်ဖော်ဆောင်ရွက်လျက်ရှိကြောင်း သိရသည်။
ရွေးကောက်ပွဲကျင်းပနိုင်ရေးအတွက် အဓိက လိုအပ်ချက်ဖြစ်သည့် ၂၀၂၄ ခုနှစ် သန်းခေါင် စာရင်းကောက်ယူရေးကို ဆောင်ရွက်လျက်ရှိရာ ၂၀၂၃ ခုနှစ် အောက်တိုဘာ ၃၁ ရက်အထိ စာရင်းကောက်ယူမှုအနေဖြင့် e-ID Software ဖြင့် ထုတ်ယူထားသည့် အိမ်ထောင်စုစာရင်းနှင့် တိုက်ဆိုင်စစ်ဆေး ကောက်ယူခဲ့သည့် အိမ်ထောင်စု ၁၂ ဒသမ ၁ သန်းကျော်၊ လက်ရှိဒေသ၌ အိမ်ထောင်စုစာရင်းမရှိသဖြင့် အလွတ်ပုံစံများဖြင့် ကောက်ယူခဲ့သည့် အိမ်ထောင်စု ၂ ဒသမ ၈သန်းကျော်၊ စုစုပေါင်းအိမ်ထောင်စု ၁၄ ဒသမ ၉ သန်းကျော် ကောက်ယူပြီးစီးပြီ ဖြစ်ကြောင်း သိရသည်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
လားရှိုးမြို့တွင် မူးယစ်ဆေးအလွန်အကျွံသုံးစွဲပြီး သေဆုံးနေသည့် အမျိုသား(၂)ဦးအလောင်းတွေ့ရှိ
RELATED POSTS
20 Sep 2024 | နိုင်ငံရေး,ပြည်တွင်း