မီးတောင်ပေါက်ကွဲနိုင်တဲ့ အန္တရာယ်ကြောင့် အိုက်စလန်ရှိ မြို့တစ်မြို့ကို ဘေးလွတ်ရာ ရွှေ့ပြောင်း
ရောင်နီ (NSS) - နိုဝင်ဘာ ၁၂
အိုက်စလန်မြို့တော် ရေးခ်ဂျာဗက်ခ် အနီးရှိ မြို့တစ်မြို့ဟာ မီးတောင်ပေါက်ကွဲမယ့် အန္တရာယ် စိုးရိမ်ရတာကြောင့် ညတွင်းချင်း လူပေါင်း ၄၀၀၀ ခန့်ကို ဘေးလွတ်ရာ ရွှေ့ပြောင်းခဲ့ရတယ်လို့ အာဏာပိုင်တွေက စနေနေ့(နိုဝင်ဘာလ ၁၁ ရက်) မှာ ပြောကြားခဲ့ပါတယ်။
နိုင်ငံ အနောက်တောင်ပိုင်း ရေးခ်ဂျိန်း ကျွန်းဆွယ်မှာ အင်အားပြင်းငလျင်တွေ ဆက်တိုက်လှုပ်ခတ်ခဲ့ပြီးနောက် ဂရင်းဒါဗစ်ခ် မြို့မြောက်ဘက် ၃ ကီလိုမီတာအကွာ၊ ဆန်ဒါဂျူကာဂီဂါအနီး မီးတောင်ပေါက်ကွဲနိုင်တဲ့ ရှေ့ပြေးနိမိတ်တွေရှိတာကြောင့် ဂရင်းဒါဗစ်ခ် မြို့နေလူထု အမြန်ရွှေ့ပြောင်းဖို့ အရေးပေါ်အခြေအနေ ကြေညာခဲ့ပါတယ်။
ဂရင်းဒါဗစ်ခ်မြို့ဟာ ရေခ်ဂျိန်း ကျွန်းဆွယ်ရှိ လူ ၃၀၀၀၀ ကို လျှပ်စစ်နဲ့ ရေ အဓိကပေးဆောင်တဲ့ Svartsengi ဘူမိ အပူစက်ရုံနဲ့လည်း နီးပါတယ်။ အိုက်စလန်မှာ မီးတောင် ၃၃ ခုရှိပြီး ဥရောပမှာ မီးတောင်အရေအတွက်အများဆုံးဖြစ်ပါတယ်။ Icelandic Met Office က မြေမျက်နှာပြင်အောက် အနက် ၅ ကီလိုမီတာမှာ အစုအဝေးရှိနေတာကို ရက်အတော်ကြာ တွေ့ရှိလာရတာကြောင့် မီးတောင်ပေါက်ကွဲနိုင်တယ်လို့သတိပေးချက် ထုတ်ပြန်ခဲ့တာ ဖြစ်ပါတယ်။
မီးတောင်ပေါက်ကွဲမှုဟာ ရေးခ်ဂျိမ်း ကျွန်းဆွယ်မှာ မကြာခဏ ဖြစ်ပွားလေ့ရှိတဲ့ အရာတစ်ခုပါ။ ၂၀၂၁ ခုနှစ် မတ်လ၊ ၂၀၂၂ ခုနှစ် သြဂုတ်လ၊ ၂၀၂၃ ခုနှစ် ဇူလိုင်လတွေကလည်း မီးတောင်ပေါက်ကွဲမှု ဖြစ်ပွားခဲ့ဖူးတယ်လို့ သိရပါတယ်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
တရုတ်နိုင်ငံ ဝမ်ကျိုးမြို့မှာ အဆောက်အဦပြိုကျမှုကြောင့် လူလေးဦး သေဆုံး
RELATED POSTS
21 Sep 2024 | အထွေထွေ,နိုင်ငံတကာ
20 Sep 2024 | အထွေထွေ,ပြည်တွင်း
19 Sep 2024 | အထွေထွေ,ပြည်တွင်း
19 Sep 2024 | အထွေထွေ,ပြည်တွင်း