မုံရွာမြို့ပေါ်၌ မီးလောင်မှုဖြစ်ပွားခဲ့ရာ နေအိမ် (၃၂)လုံး မီးလောင်ဆုံးရှုံးခဲ့ပြီး မီးဘေးသင့်ပြည်သူ (၁၆၀)ကျော်ရှိခဲ့
စော (NSS) - နိုဝင်ဘာ ၈
စစ်ကိုင်းတိုင်း၊ မုံရွာမြို့တွင် မီးလောင်မှုဖြစ်ပွားခဲ့ရာ နေအိမ် (၃၂)လုံး မီးလောင်ဆုံးရှုံးခဲ့ပြီး မီးဘေးသင့်ပြည်သူ (၁၆၀)ကျော်ရှိခဲ့ကြောင်း နစက၏ သတင်းအချက်အလက်များအရ သိရသည်။
ဖြစ်စဉ်မှာ ယမန်နေ့(နိုဝင်ဘာလ ၇ ရက်)၊ နံနက်အစောပိုင်းတွင် မုံရွာမြို့၊ ထန်းတောရပ်ကွက်၊ ရွှေညောင်ပင်လမ်း၌ အထက်ပါကဲ့သို့ မီးလောင်မှုဖြစ်ပွားခဲ့ကြောင်း သိရသည်။
အဆိုပါ မီးလောင်မှုကို တိုင်း၊ ခရိုင်၊ မြိုနယ်များရှိ မီးသတ်စခန်းများမှ မီးသတ်ယာဉ်များဖြင့် ဝိုင်းဝန်းငြှိမ်းသတ်ခဲ့ရာ နံနက် (၁)နာရီခွဲအချိန်တွင် မီးငြိမ်းသွားကြောင်း သိရသည်။
“ကျွန်တော်ပြောသံကြားတာတော့ စိတ်မနှံတဲ့လူတစ်ယောက်က အမှိုက်ပုံကို မီးရှို့လိုက်လို့ လောင်တယ်ကြားပါတယ်”ဟု ဒေသခံတစ်ဦးက NSS ကိုပြောသည်။
မီးလောင်မှုကြောင့် လူနေအိမ် (၃၂)လုံး မီးလောင်ပျက်စီးခဲ့ပြီး အိမ်ထောင်စု (၃၂)စုမှ မီးဘေးသင့်ပြည်သူ (၁၆၁)ဦး ရှိခဲ့သော်လည်း လူထိခိုက်ဒဏ်ရာရရှိမှုမရှိခဲ့ကြောင်း သိရသည်။
အဆိုပါ မီးဘေးသင့်ပြည်သူများ ယာယီတည်းခိုနိုင်ရေးနှင့် အရေးပေါ်ကျန်းမာရေးစောင့်ရှောက်မှု ပေးနိုင်ရန်အတွက် ထန်းတောရပ်ကွက်ရှိ ရွှေကြာဓမ္မဗိမာန်တော်၌ စီစဉ်ပေးထားကြောင်း သိရသည်။
အလားတူ ယမန်နေ့(နိုဝင်ဘာလ ၇ ရက်)၊ နံနက် (၁)နာရီဝန်းကျင်အချိန်တွင် ကချင်ပြည်နယ်၊ ခေါင်လန်းဖူးမြို့နယ်ရှိ ရေခဲပြင်ကျေးရွာဟု ခေါ်သည့် ရှိန်းခေါင်ကျေးရွာတွင် မီးလောင်မှုကြောင့် နေအိမ် (၆၂)လုံးနှင့် ဘုန်းကြီးကျောင်းတစ်ကျောင်း မီးလောင်ပျက်စီးခဲ့သည်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
ဗိုလ်တထောင်စေတီတော်၌ (၃၉)ကြိမ်မြောက် မသိုးရွှေကြာသင်္ကန်းရက်ပြိုင်ပွဲကျင်းပမည်
RELATED POSTS
18 Sep 2024 | မှုခင်း,ပြည်တွင်း
17 Sep 2024 | မှုခင်း,နိုင်ငံတကာ