ရခိုင်ပြည်နယ်အစိုးရအဖွဲ့က မုန်တိုင်း ဟမွန်းနဲ့ပတ်သက်ပြီး ပြင်ဆင်မှုတွေ ပြုလုပ်ထား
ဂျန်ဇက် (NSS) - အောက်တိုဘာ ၂၄
ရခိုင်ပြည်နယ်အစိုးအဖွဲ့ဟာ ဆိုင်ကလုန်းမုန်တိုင်း ဟမွန်းနဲ့ပတ်သက်ပြီး ဖြစ်လာနိုင်ဖွယ်ရှိနေတဲ့ သက်ရောက်မှုများအတွက် ကြိုတင်ပြင်ဆင်မှုများလုပ်ဆောင်နေကြောင်းသိရပါတယ်။
မိုးလေဝသနှင့်ဇလဗေဒညွှန်ကြားမှုးဦးစီးဌာနရဲ့ အောက်တိုဘာလ ၂၄ရက်၊ နံနက် ၈ နာရီခွဲတိုင်းထွာချက်များအရ ဘင်္ဂလားပင်လယ်အော်အနောက် မြောက်ပိုင်း၊ ယင်းနှင့်ဆက်စပ်လျက်ရှိနေတဲ့ ဘင်္ဂလားပင်လယ်အော်အနောက်အလယ်ပိုင်းမှာ ဖြစ်ပေါ်နေတဲ့ဆိုင်ကလုန်းမုန်တိုင်းဟမွန်းဟာ အရှေ့မြောက်ဘက်ကိုဦးတည်ရွေ့လျားခဲ့ပြီး ပိုမိုအားကောင်းလာကာ ဘင်္ဂလားပင်လယ်အော်အနောက်မြောက်ပိုင်းမှာအားကောင်းတဲ့ ဆိုင်ကလုန်းမုန်တိုင်းဟမွန်းအဖြစ်သို့ရောက်ရှိခဲ့ကြောင်း သိရပါတယ်။
မုန်တိုင်းဟာ မြန်မာနိုင်ငံ၊ သံတွဲမြို့ရဲ့အနောက် - အနောက်မြောက်ဘက် ရေမိုင် (၃၄၀)မိုင်ခန့်၊ စစ်တွေမြို့ရဲ့ အနောက် - အနောက်တောင်ဘက်ရေမိုင် (၂၆၀)မိုင်ခန့်၊ မောင်တောမြို့ရဲ့အနောက် -အနောက်တောင်ဘက် ရေမိုင် (၂၄၀)မိုင်ခန့်၊ အိန္ဒိယနိုင်ငံ၊ ပါရာဒစ်မြို့ရဲ့အရှေ့-အရှေ့တောင်ဘက် ရေမိုင် (၁၁၅)မိုင်ခန့်၊ ဒီဂါမြို့ရဲ့ တောင်-အရှေ့တောင်ဘက် ရေမိုင် (၁၄၅) မိုင်ခန့် နဲ့ဘင်္ဂလားဒေရှ့်နိုင်ငံ၊ ခီပူပါရာမြို့ရဲ့ တောင်- အနောက်တောင်ဘက် ရေမိုင်(၁၉၀)မိုင်ခန့်အကွာ ပင်လယ်ပြင်ကို ဗဟိုပြုနေကြောင်း မိုးလေဝသနှင့်ဇလဗေဒညွှန်ကြားမှုဦးစီးဌာနရဲ့ဖော်ပြချက်အရသိရပါတယ်။
“အရှေ့-မြောက်ကို ဆက်ပြီးရွေ့နေတယ်။ လက်ရှိအနေအထားက အားအလွန်ကောင်းတဲ့ဆိုင်ကလုန်းပေါ့။ မုန်တိုင်းက ဘင်္ဂလားဒေ့ရှ်ကိုဝင်မှာပဲ သို့သော် ဆိုင်ကလုန်းမုန်တိုင်း အဝင်းအဝိုင်းကတော့ ရခိုင်ကမ်းရိုးတန်း မြောက်ပိုင်းကို သက်ရောက်နိုင်တဲ့အခြေအနေရှိတယ်။ မုန်တိုင်းက ကိုယ့်ဒေသကို တိုက်ရိုက်ဖြတ်တာမဟုတ်တဲ့အတွက်ကြောင့် လေတိုက်နှုန်းကတော့ နည်းနည်းတော့လျော့မယ်။ မိုးသည်းထန်စွာရွာတာက ရခိုင်(မြောက်ပိုင်း)တို့၊ ချင်းတို့၊ မကွေးတို့၊ မန္တလေးတို့မှာ ရှိမယ်။ လာမယ့် (၂၅)ညနေပိုင်းလောက်မှာတော့ ဘင်္ဂလားဒေ့ရှ်ကိုဖြတ်နိုင်တယ်။ မုန်တိုင်းက ကုန်းပေါ်ရောက်တာနဲ့ အားကတဖြည်းဖြည်းလျော့သွားမယ်။ အားလျော့သွားတာနဲ့ မုန်တိုင်းအကြွင်းအကျန်၊ လေပွေလှိုင်းတွေ တိမ်တိုက်တွေကြောင့် (၂၆)၊ (၂၇)ရက်အထိတော့ မိုးရွာတွေ ဆက်ရှိနေမယ်”ဟု မိုးဇလမှ ညွှန်ကြားရေးမှူး ဦးလှထွန်းက NP News ကိုပြောသည်။
ဆိုင်ကလုန်းမုန်တိုင်းဟမွန်းကြောင့် မြန်မာနိုင်ငံမှာသက်ရောက်မှုများရှိလာနိုင်ပြီး ချင်းပြည်နယ်၊ ရခိုင်ပြည်နယ်တို့မှာလည်း မိုးရွာသွန်းခြင်း၊ လျှပ်စီးမိုးကြိုးပစ်ခြင်းများ ဖြစ်လာနိုင်ဖွယ်ရှိနေကြောင်းသိရပါတယ်။ ဒါ့ပြင် နေပြည်တော်၊ စစ်ကိုင်း၊ မန္တလေး၊ မကွေး၊ ရှမ်းပြည်နယ် နဲ့ အခြားပြည်နယ်နှင့်တိုင်းတွေမှာလည်း မိုးရွာသွန်းမှုများဖြစ်လာနိုင်ဖွယ်ရှိနေကြောင်း ခန့်မှန်းမှုတွေရှိနေပါတယ်။
ရခိုင်ပြည်နယ်မြောက်ဦး၊ စစ်တွေ၊ ကျောက်တော်မြို့နဲ့မြောက်ဦးမြို့နယ်အပြင် ချင်းပြည်နယ်မင်းတပ်၊ ဟားခါးမြို့နဲ့ ဖလမ်းမြို့တွေမှာလည်း မုန်တိုင်းကြောင့် သစ်ပင်ငယ်များ၊ သစ်ပင်ကြီးများ ပြိုလဲနိုင်ကြောင်း အာဆီယံအဖွဲ့၏ သဘောဝဘေးအန္တရာယ်စောင့်ကြည့်တုံ့ပြန်ရေးစနစ် ASEAN DMRS ကဆိုပါတယ်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
အောင်မြေသာစံမြို့နယ်၌ ဝါယာကြိုးခိုးဖြတ်သည်ဟု ယူဆရသည့် အမျိုးသားတစ်ဦး ဓာတ်လိုက်သေဆုံး
RELATED POSTS
21 Sep 2024 | အထွေထွေ,နိုင်ငံတကာ
20 Sep 2024 | အထွေထွေ,ပြည်တွင်း
19 Sep 2024 | အထွေထွေ,ပြည်တွင်း
19 Sep 2024 | အထွေထွေ,ပြည်တွင်း