ရုရှားသမ္မတပူတင် ပေကျင်းရဲ့ “ခါးပတ်နှင့်လမ်းမဖိုရမ်” ကို တက်ရောက်ရန် တရုတ်နိုင်ငံသို့ အလည်အပတ်ရောက် ရှိလာ
Htay Oung (NSS) - အောက်တိုဘာ ၁၇
ယူကရိန်းစစ်ရာဇဝတ်မှုများအတွက် နိုင်ငံတကာရာဇဝတ်ခုံရုံး ICC က ဖမ်းဝရမ်းထုတ်ပြန်ခြင်းခံရသူ ရုရှားခေါင်းဆောင်အတွက် ရှားရှားပါးပါး နိုင်ငံခြားခရီးအဖြစ် သမ္မတ ဗလာဒီမာပူတင်ဟာ ပေကျင်းမြို့ကိုရောက်ရှိလာကြောင်း တရုတ်အစိုးရမီဒီယာက ဖော်ပြတယ်လို့ Bloomberg က ဒီနေ့ အောက်တိုဘာလ ၁၇ ရက်က ရေးသားခဲ့ပါတယ်။
သမ္မတပူတင်ဟာ ပေကျင်းမှာ ကျင်းပနေတဲ့ “ခါးပတ်နှင့် လမ်း” Belt and Road ဖိုရမ်ကို တက်ရောက်လိမ့်မယ်လို့ CGTN သတင်းအေဂျင်စီက ဖော်ပြပါတယ်။ ဗုဒ္ဓဟူးနေ့မှာ တရုတ်သမ္မတ ရှီကျင့်ဖျင်နဲ့လည်း တွေ့ဆုံဖို့ စီစဉ်ထား ကြောင်း ရုရှားနိုင်ငံ Interfax က စောစောပိုင်းမှာ ဖော်ပြခဲ့ပြီးဖြစ်ပါတယ်။
ယခုခရီးစဉ်ဟာ ယူကရိန်းစစ်ပွဲနဲ့ပတ်သက်ပြီး အမေရိကန်နဲ့ ICC တာဝန်ရှိသူများက အနီးကပ်စောင့်ကြည့်နေတဲ့ ပေကျင်းနဲ့ မော်စကိုတို့အကြား ရင်းနှီးတဲ့ဆက်ဆံရေးကို အလေးပေးဖော်ပြနေပါတယ်။ ၂ဝ၂၂ ခုနှစ် ယူကရိန်းနိုင်ငံ အတွင်း ကျူးကျော်ဖို့ ပူတင်က အမိန့်ပေးကတည်းက တရုတ်ဟာ မော်စကိုအပေါ် အနောက်နိုင်ငံများရဲ့ ပိတ်ဆို့ အရေးယူမှုများမှ လျော့ပါးသွားစေဖို့ ရုရှားရဲ့အဓိကသံတမန်ရေးနဲ့ စီးပွားရေးတို့မှာ ပံ့ပိုးပေးခဲ့သူဖြစ်ပါတယ်။
ရှီကျင့်ဖျင်ရဲ့ ၂ဝ၁၃ ခုနှစ်မှာ စတင်ခဲ့တဲ့ ခါးပတ်နှင့်လမ်း ပရောဂျက်အပေါ် အားပေးထောက်ခံကြောင်း ယခု ပူတင်ရဲ့ ခရီးစဉ်က အမှတ်အသားတစ်ခုဖြစ်လာပါတယ်။ အခြေခံအဆောက်အအုံနဲ့ အခြားပရောဂျက်များအတွက် ဒေါ်လာ ၉ဝဝ ဘီလျံခန့် သုံးစွဲရမယ့် အဲဒီအစီအစဉ်ဟာ ကြွေးမြီသက်ဆိုးရှည်မှုနဲ့ တရုတ်နိုင်ငံရဲ့စီးပွားရေးနှေးကွေးမှုက သက်ရောက်ခြင်းများ အပါအဝင် စိန်ခေါ်မှုများစွာတို့ကို ရင်ဆိုင်နေရပါတယ်။
ခရီးစဉ်မတိုင်မီ ရှီကျင့်ဖျင်နဲ့ အကြိမ် ၄ဝ ကျော်တွေ့ဆုံခဲ့ပြီး ချစ်ခင်လေးစားဖွယ် အမှတ်တရများစွာရှိကြောင်း တရုတ်အစိုးရပိုင် ရုပ်သံ CCTV နဲ့ တွေ့ဆုံစဉ် ဗလာဒီမာပူတင်က ပြောပါတယ်။
နိုင်ငံတကာရာဇဝတ်ခုံရုံးက ဖမ်းဝရမ်းထုတ်ပြန်ပြီးနောက် သူ့ရဲ့ပထမဆုံးနိုင်ငံခြားခရီးစဉ်အဖြစ် မော်စကိုနဲ့ အခိုင်အမာဆက်ဆံရေးရှိတဲ့ ကာဂျစ္စတန်ဗဟိုအာရှနိုင်ငံကို ပြီးခဲ့တဲ့ သီတင်းပတ်တုန်းကပဲ ရောက်ရှိခဲ့ပါသေးတယ်။
အဲဒီအတောအတွင်း တရုတ်နိုင်ငံခြားရေးဝန်ကြီးဝမ်ယီဟာ ရုရှားနိုင်ငံခြားရေးဝန်ကြီး ဆာဂီ_လက်ဗ်ရော့ဗ်နဲ့ တနင်္လာနေ့မှာ တွေ့ဆုံခဲ့ကြောင်း၊ အစ္စရေး-ပါလက်စတိုင်းပဋိပက္ခ အပါအဝင် အကြောင်းအရာတွေကို အမြင်ချင်း ဖလှယ်ဆွေးနွေးခဲ့တယ်လို့ ပေကျင်းနိုင်ငံခြားရေးဝန်ကြီးဌာနရဲ့သတင်းထုတ်ပြန်ချက်မှာ ဖော်ပြထားပါတယ်။
#ရုရှားသမ္မတပူတင်_တရုတ်ခရီးစဉ် #ရှီကျင့်ဖျင် #ခါးပတ်နဲ့လမ်း #၀မ်ယီ #ဆာဂီ_လက်ဗ်ရော့ဗ်
(Reuters, 17 October 2023,” Biden to affirm Israel's right to defend against Hamas” ကို #HtayOung, #OungMarine ဆီလျော်အောက် ကောက်နှုတ်ဘာသာပြန်ဆိုသည်။)
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
အရေးပေါ်လူနာပို့ဆောင်ရာမှ လူနာတင်ယာဉ်(၁)စီး ယာဉ်မတော်တဆဖြစ်ပွားခဲ့ရာ လူ(၂)ဦး သေဆုံး
RELATED POSTS
23 Sep 2024 | နိုင်ငံရေး,နိုင်ငံတကာ
23 Sep 2024 | နိုင်ငံရေး,နိုင်ငံတကာ
23 Sep 2024 | နိုင်ငံရေး,နိုင်ငံတကာ
22 Sep 2024 | နိုင်ငံရေး,နိုင်ငံတကာ