တောင်ကိုရီးယားနိုင်ငံသားများ လိုက်ပါလာသောလေယာဉ် အစ္စရေးနိုင်ငံ Tel Aviv မြို့မှ ဆိုးလ်မြို့သို့ ရောက်ရှိလာခဲ့ကြောင်း တောင်ကိုရီးယားအစိုးရပြော
Pika (NSS) - အောက်တိုဘာ ၁၁
အောက်တိုဘာလ(၇)ရက်က အစ္စရေးနှင့် ဟားမက်စစ်သွေးကြွအဖွဲ့ကြား တိုက်ပွဲများစတင်ဖြစ်ပွားခဲ့ပြီးနောက် အောက်တိုဘာလ(၁၁)ရက်တွင် တောင်ကိုရီးယားနိုင်ငံသား(၁၉၂)ဦးလိုက်ပါလာသော လေယာဉ်သည် အစ္စရေး နိုင်ငံ Tel Aviv မြို့မှ ဆိုးလ်မြို့သို့ ရောက်ရှိလာခဲ့ကြောင်း တောင်ကိုရီးယားအစိုးရက ပြောကြားခဲ့သည်။
ဂါဇာကမ်းမြောင်ဒေသရှိ ဟားမက်စစ်သွေးကြွအဖွဲ့က အစ္စရေးကို စတင်တိုက်ခိုက်ခဲ့မှုနှင့်အတူ လေကြောင်းခရီး သွားလာမှုများ ဆိုင်းငံ့ထားခဲ့ရပြီးနောက် တောင်ကိုရီးယားအစိုးရသည် ၎င်း၏ နိုင်ငံသားများကို အစ္စရေးနိုင်ငံ အတွင်းမှ ကယ်ထုတ်ရန် လုပ်ဆောင်ခဲ့ခြင်းဖြစ်ကြောင်း သိရသည်။
တောင်ကိုရီးယားနိုင်ငံသား(၅၇ဝ)ဦးသည် အစ္စရေးနိုင်ငံတွင် ကာလရှည်ကြာနေထိုင်နေသည်ဟု ခန့်မှန်းရပြီး အခြားလူ (၂၃ဝ) ဝန်းကျင်မှာ ကာလတိုနေထိုင်ကြကြောင်း တောင်ကိုရီးယားနိုင်ငံခြားရေးဝန်ကြီးဌာနက အောက်တိုဘာလ (၁၁)ရက်တွင် ထုတ်ဖော်ပြောဆိုခဲ့သည်။ အစ္စရေးနိုင်ငံ Ben Gurion လေဆိပ်တွင် လူများ နှင့် ရှုပ်ထွေးနေကြောင်း Sukkot ပွဲတော်ကို ဆင်နွှဲရန်အတွက် အစ္စရေးနိုင်ငံသို့ သွားရောက်ခဲ့ပြီးနောက် တောင်ကိုရီးယားသို့ ရောက်ရှိလာသည့် လေယာဉ်ပေါ်တွင်ပါလာသော အသက်(၆၂)နှစ်အရွယ် Jang Jeong-yoon က ပြောကြားခဲ့သည်။
၎င်းက "လေကြောင်းလိုင်းခရီးစဉ်တွေ ဖျက်သိမ်းတာမျိုး (သို့မဟုတ်) နှောင့်နှေးနေမှုတွေကြောင့် စိုးရိမ်မှုတွေရှိခဲ့ ပြီး လူအများအပြားဟာ အစ္စရေးနိုင်ငံအတွင်းမှ ချက်ချင်းထွက်ခွာကြဖို့ လုပ်ဆောင်ခဲ့ကြပါတယ်" ဟု ပြောခဲ့သည်။ လေယာဉ်ပေါ်တွင် လိုက်ပါလာသော တောင်ကိုရီးယားနိုင်ငံသားများ၏ ဆွေမျိုးအချို့သည် အောက်တိုဘာလ (၁၁) ရက် နံနက်ပိုင်းတွင် အင်ချွန်းလေဆိပ်တွင် စောင့်ဆိုင်းနေသည်ကိုလည်း တွေ့မြင်ခဲ့ရသည်။
ထို့အပြင် အစ္စရေးနိုင်ငံသို့ အလည်အပတ်ရောက်ရှိနေသော တောင်ကိုရီးယားနိုင်ငံသား(၆ဝ) ခန့်သည် အောက်တိုဘာလ (၁ဝ) ရက်တွင် ဂျော်ဒန်နိုင်ငံသို့ ပြောင်းရွှေ့သွားခဲ့ကြောင်း တောင်ကိုရီးယားနိုင်ငံခြားရေး ဝန်ကြီးဌာနက ပြောကြားခဲ့သည်။ အစ္စရေးတွင် ဖြစ်ပွားနေသော စစ်ပွဲအတွင်း တောင်ကိုရီးယားနိုင်ငံသားများ သေဆုံးခြင်းမျိုးမရှိကြောင်း နိုင်ငံခြားရေးဝန်ကြီးပါ့ခ်ဂျင် က ပြောကြားခဲ့သည်။
Korean Air လေကြောင်းလိုင်းသည် အောက်တိုဘာလ(၉)ရက် နှင့် (၁၁)ရက်တို့တွင် ဆိုးလ်မြို့မှ Tel Aviv မြို့သို့ ထွက်ခွာမည့် လေကြောင်းလိုင်းခရီးစဉ်များကို ဖျက်သိမ်းခဲ့ပြီး လာမည့် အနာဂတ်တွင်လည်း ပုံမှန်ပျံသန်းခြင်းမျိုး ရှိတော့မည် မဟုတ်ကြောင်း ခန့်မှန်းပြောဆိုမှုများလည်း ရှိနေသည်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
အမေရိကန်ဒေါ်လာအပေါ် မှီခိုအားထားနေရမှုများကို လျှော့ချရန်စီစဉ်နေကြောင်း မလေးရှားအစိုးရ ပြော
RELATED POSTS
02 Oct 2024 | နိုင်ငံရေး,ပြည်တွင်း
01 Oct 2024 | နိုင်ငံရေး,နိုင်ငံတကာ
01 Oct 2024 | နိုင်ငံရေး,နိုင်ငံတကာ
01 Oct 2024 | နိုင်ငံရေး,နိုင်ငံတကာ