အခြေခံစားကုန်ဖြစ်သော ဆန်၊ စားသုံးဆီနှင့် မီးဖိုချောင်သုံးပစ္စည်းများ ဈေးနှုန်းတည်ငြိမ်ရေးကို ဦးစားပေးဆောင်ရွက်နေဟုဆို
မျိုးကြီး (NSS) - အောက်တိုဘာ ၇
အခြေခံစားကုန်များဖြစ်သော ဆန်၊ စားသုံးဆီနှင့် မီးဖိုချောင်သုံးပစ္စည်းများ ဈေးနှုန်းတည် ငြိမ်ရေးကို ဦးစားပေးဆောင်ရွက်နေကြောင်း ဒုဝန်ကြီးချုပ် ဦးဝင်းရှိန်က ပြောသည်။
ပြည်ထောင်စုကုန်ဈေးနှုန်းတည်ငြိမ်ရေးကော်မတီဥက္ကဋ္ဌ ဒုဝန်ကြီးချုပ်ဦးဝင်းရှိန်က ယမန် နေ့ (အောက်တိုဘာလ ၆ ရက်)တွင် နေပြည်တော်၌ ကျင်းပသည့် ကုန်ဈေးနှုန်းတည်ငြိမ်ရေးနှင့်ပတ်သက်သော အစည်းအဝေး၌ အထက်ပါကဲ့သို့ ထည့်သွင်းပြောကြားခဲ့ခြင်းဖြစ်သည်။
အဆိုပါအစည်းအဝေးကို သက်ဆိုင်ရာဝန်ကြီးဌာနများမှ တာဝန်ရှိသူများအပါအဝင် မြန်မာ နိုင်ငံကုန်သည်စက်မှုအသင် ချုပ်၊ ဆန်စပါးအသင်းချုပ်၊ ဆီကုန်သည်နှင့်ဆီလုပ်ငန်းရှင်များအသင်း၊ ဆီစက်ပိုင်ရှင်များအသင်းတို့မှ တာဝန်ရှိသူများဖြင့် ကျင်းပပြုလုပ်ခဲ့ခြင်းဖြစ် ကြောင်း နစကမှပြောသည်။
လက်ရှိအနေအထားတွင် ကုန်ဈေးနှုန်းတည်ငြိမ်ရေးကော်မတီအနေဖြင့် အခြေခံစားကုန်ပစ္စည်းများဖြစ်သည့် ဆန်၊ စားသုံးဆီနှင့် မီးဖိုချောင်သုံးကုန်ပစ္စည်းဈေးနှုန်းများ တည်ငြိမ်ရေးကို ဦးစားပေးဆောင်ရွက်လျက်ရှိသည်ဟု ကော်မတီဥက္ကဋ္ဌ ဦးဝင်းရှိန်က အသိပေးပြောကြားခဲ့သည်။
ဆန်နှင့် စားသုံးဆီသည် အဓိကစားသောက်ကုန်ပစ္စည်းဖြစ်သည့်အတွက် ဆန်ဈေးနှုန်းနှင့် ဆီဈေးနှုန်းတည်ငြိမ်ရေးကို ဦးစားပေးဆောင်ရွက်နေခြင်းဖြစ်ကြောင်း ၎င်းက ဆက်လက်ပြောသည်။
လက်ရှိတွင် ပြည်ထောင်စုကုန်ဈေးနှုန်းတည်ငြိမ်ရေးကော်မတီအနေဖြင့် ကုန်ဈေးနှုန်းတည်ငြိမ်ရေးနှင့် ဆက်စပ်နေသော ကုန်သွယ်မှုနှင့်ကုန်စည်စီးဆင်းမှုများ မှန်ကန်မြန်ဆန်စေရေးဗဟိုကော်မတီ၊ နိုင်ငံခြားသုံးငွေကြီးကြပ်မှုကော်မတီအပါအဝင် အခြားသောကော်မတီများနှင့်လည်း ညှိနှိုင်းဆောင်ရွက်နေကြောင်း သိရသည်။
ထို့ပြင် ကုန်ဈေးနှုန်းတည်ငြိမ်ရေးဆောင်ရွက်ရာ၌ စာရင်းအင်းအချက်အလက်များ မှန်ကန်ရေးသည် အရေးကြီးကြောင်းနှင့် ကောလဟာလသတင်းအမှားများကြောင့် ကုန်ဈေးနှုန်းမြင့်တက်ခြင်းမဖြစ်စေရန်အတွက် ဖြန့်ဖြူးရောင်းချသူနှင့် ဝယ်ယူစားသုံးသူ နှစ်ဖက်လုံးက ထိန်းသိမ်းဆောင်ရွက်ရန်လိုသည်ဟု ဒုဝန်ကြီးချုပ်ဦးဝင်းရှိန်က ပြောသည်။
"ဆန်ဈေးကတော့ ဈေးနည်းနည်းပြန်ကျတယ်။ နောက်စားအုံးဆီလည်း နည်းနည်းပြန်ကျတာကို တွေ့ရတယ်။ ကြက်သွန်ဈေးလည်း နည်းနည်းတော့ ကျပါတယ်။ ဒါပေမယ့် အများကြီး ဈေးကျသွားမျိုးတော့ မဟုတ်ပါဘူး။ အရင်ကာလတွေနဲ့ ယှဉ်မယ်ဆိုရင်တော့ ကုန်ဈေးနှုန်းက ကြီးနေတဲ့အပိုင်းမှာ ရှိသေးတယ်လို့ ပြောလို့ရပါတယ်" ဟု မရမ်းကုန်းမြို့နယ်ရှိ အိမ်ရှင်မတစ်ဦးက NSS ကို အသိပေးပြောကြားသည်။
ကုန်ဈေးနှုန်းတည်ငြိမ်းရေးနှင့် ထိန်းကျောင်းကြီးကြပ်နိုင်ရေးအတွက် တိုင်း၊ ပြည်နယ်အစိုးရများက ဆောင်ရွက်ရမည့်ကိစ္စများနှင့်ပတ်သက်၍လည်း ဆွေးနွေးညှိနှိုင်းသွားရန်ရှိကြောင်း သိရသည်။
ပြီးခဲ့သော ကာလများအတွင်း၌ စားသုံးဆီဈေးနှုန်းအပါအဝင် အခြေခံစားကုန်ဈေးနှုန်းများ အဆမတန်ကြီးမြင့်နေမှုများနှင့် ပတ်သက်၍ နစကဘက်က လုပ်ငန်းရှင်များအပါအဝင် သက်ဆိုင်ရာတာဝန်ရှိသူများကို ခေါ်ယူစစ်ဆေးမေးမြန်းမှုများ ပြုလုပ်ခဲ့ကြောင်း သိရသည်။
ထိုသို့ နစကဘက်က ခေါ်ယူစစ်ဆေးအရေးယူမှုများပြုလုပ်ခဲ့ပြီးနောက်ပိုင်းတွင် ဈေးကွက်အတွင်းသို့ စားသုံးဆီများ အများအပြားဝင်ရောက်လာကာ သက်သာဈေးနှုန်းများဖြင့် ပြည်သူများကို ရောင်းချပေးမှုများရှိခဲ့သည်။
နစကမှ ယင်းကဲ့သို့ဆောင်ရွက်ခဲ့ခြင်းကြောင့် ဆန်၊ စားသုံးဆီအပါအဝင် အခြေခံစားကုန်များ အနည်းငယ်ကျဆင်းလာခဲ့သည်ကို တွေ့ရှိရသည်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
ပြည်ပရောက် မြန်မာနိုင်ငံသားများရရှိသည့်လစာအပေါ် ဝင်ငွေခွန်ပေးဆောင်ခြင်းနှင့်ပတ်သက်၍ သိရှိရမည့်အချက်များကို ထုတ်ပြန်
RELATED POSTS
19 Sep 2024 | အထွေထွေ,ပြည်တွင်း
19 Sep 2024 | အထွေထွေ,ပြည်တွင်း
19 Sep 2024 | အထွေထွေ,ပြည်တွင်း