မြန်မာနိုင်ငံ၌ စွမ်းအင်အရင်းအမြစ်များစွာရှိနေသော်လည်း စွမ်းအင်ထုတ်လုပ်နိုင်မှုတွင် အကန့်အသတ်များ ရှိနေသည်ဟုဆို
စော (NSS) - အောက်တိုဘာ ၅
မြန်မာနိုင်ငံ၌ စွမ်းအင်အရင်းအမြစ်များစွာရှိနေသော်လည်း စွမ်းအင်ထုတ်လုပ်နိုင်မှုတွင် အကန့်အသတ်များရှိနေကြောင်း ဝန်ကြီး ဦးကိုကိုလွင်က ပြောကြားခဲ့သည်။
စွမ်အင်ဝန်ကြီးဌာန၊ ပြည်ထောင်စုဝန်ကြီး ဦးကိုကိုလွင်သည် အောက်တိုဘာလ (၃)ရက်မှ (၆)ရက်အထိ ကာဇက်စတန်နိုင်ငံ၊ Astana မြို့၌ ပထမဆုံးအကြိမ် ကျင်းပသည့် ရှန်ဟိုင်း ပူးပေါင်းဆောင်ရွက်မှုအဖွဲ့ စွမ်းအင်ဖိုရမ် အခမ်းအနားတွင် အထက်ပါကဲ့သို့ ထည့်သွင်းပြောကြားခဲ့ခြင်းဖြစ်သည်။
ဝန်ကြီး ဦးကိုကိုလွင်က မြန်မာနိုင်ငံတွင် စွမ်းအင်အရင်းအမြစ်များစွာရှိနေပြီး ထုတ်လုပ်နိုင်မှုတွင် အကန့်အသတ်များရှိနေခြင်းကြောင့် “ ရှန်ဟိုင်း ပူးပေါင်းဆောင်ရွက်ရေးအဖွဲ့- SCO” နှင့် ပူးပေါင်းဆောင်ရွက်လိုကြောင်း ပြောကြားခဲ့သည်။
ထို့ပြင် မြန်မာနိုင်ငံတွင် ရေအရင်းအမြစ်ပေါကြွယ်ဝခြင်းကြောင့် လျှပ်စစ်ဓာတ်အားအများစုကို ရေအားလျှပ်စစ်မှထုတ်လုပ်နေပြီး သဘာဝဓာတ်ငွေ့မှလည်း လျှပ်စစ်ဓာတ်အား ထုတ် လုပ်လျက်ရှိကြောင်း သိရသည်။
သို့သော် ရရှိနိုင်သော သဘာဝဓာတ်ငွေ့ပမာဏသည် အကန့်အသတ်ရှိနေပြီး စွမ်းအင်အ တွက် ကျောက်မီးသွေးနှင့် အခြားစွမ်းအင်အရင်းအမြစ်များ အသုံးပြု၍ သဘာဝပတ်ဝန်း ကျင် ထိခိုက်မှုအနည်းဆုံးဖြစ်အောင် ကြိုးစားနေကြောင်း ၎င်းကပြောကြားခဲ့သည်။
ထို့ကြောင့် နည်းပညာနှင့် ရင်းနှီးမြှုပ်နှံမှု လိုအပ်ချက်များရှိနေသည့်အတွက် ပူးပေါင်းဆောင် ရွက်နိုင်ရန် နည်းလမ်းများ ရှာဖွေလျက်ရှိကြောင်း ဝန်ကြီးဦးကိုကိုလွင်က ထပ်မံပြောကြားခဲ့သည်။
လက်ရှိတွင် စွမ်းအင်ကဏ္ဍအလိုက် အကောင်အထည်ဖော်ဆောင်ရွက်ရာ၌ သဘာဝဓာတ် ငွေ့သုံး ဓာတ်အားပေးစက်ရုံစီမံကိန်းများ၊ ကျောက်မီးသွေး နှင့် ရေအားလျှပ်စစ်စီမံကိန်းများ၊ အပူစွမ်းအင်ဆိုင်ရာစီမံကိန်းများ၊ ဆိုလာစီမံကိန်းများရှိကြောင်း သိရသည်။
ထို့ပြင် ရုပ်ကြွင်းလောင်စာဖြစ်သော ရေနံသဘာဝဓာတ်ငွေ့ကိုတိုး၍ ထုတ်လုပ်နိုင်ရေးကိုလည်းဆောင်ရွက်လျက်ရှိပြီး မြန်မာနိုင်ငံ၏ စွမ်းအင်လိုအပ်ချက်ကို ဖြည့်ဆည်းရန်အတွက် ရင်းနှီးသောမိတ်ဖက်နိုင်ငံများမှ ရင်းနှီးမြှုပ်နှံမှုများလိုအပ်ကြောင်း သိရသည်။
လက်ရှိအချိန်တွင် စွမ်းအင်ကဏ္ဍအတွက် စိန်ခေါ်မှုများစွာ ကြုံတွေ့နေရကာ စည်းမျဉ်း ဥပဒေဆိုင်ရာ စိန်ခေါ်မှုများ ၊ ပထဝီဝင်နိုင်ငံရေးဆိုင်ရာ ဖိအားများနှင့် သဘာဝပတ်ဝန်းကျင်ဆိုင်ရာ ပြဿနာများကို “SCO”သည် ၎င်း၏ အဖွဲ့ဝင်များ၊ လေ့လာသူများနှင့် လုပ်ဖော်ကိုင် ဖက်များ၏ ခွန်အားများကို ပေါင်းစည်းခြင်းဖြင့် အောင်မြင်စွာကျော်လွှားနိုင်မည်ကို ယုံကြည်ကြောင်း ဝန်ကြီးဦးကိုကိုလွင်က ပြောကြားခဲ့သည်။
မြန်မာနိုင်ငံအနေဖြင့်” SCO” အဖွဲ့ဝင်များနှင့် ချစ်ကြည်ရင်းနှီးသော ဆက်ဆံရေးထူထောင်ပြီး အဖွဲ့ဝင်နိုင်ငံများ၏ အကျိုးစီးပွားကို အထူးဂရုပြုမည်ဖြစ်ကြောင်း သိရသည်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
တရုတ်၊ မြောက်ကိုရီးယားတို့နဲ့တင်းမာမှုတွေကြောင့် အမေရိကန်ထုတ် Tomahawk ဒုံကျည်များ ဝယ်ယူရေးကို အလျင်မြန်လုပ်ဆောင်သွားတော့မှာဖြစ်ကြောင်း ဂျပန်ကာကွယ်ရေးဝန်ကြီးပြော
RELATED POSTS
19 Sep 2024 | အထွေထွေ,ပြည်တွင်း
19 Sep 2024 | အထွေထွေ,ပြည်တွင်း
19 Sep 2024 | အထွေထွေ,ပြည်တွင်း