UNSC အစည်းအဝေးသို့ ဇီလင်စကီး ကိုယ်တိုင်တက်ရောက်လာခြင်းအား မော်စကို ကန့်ကွက်
Htay Oung (NSS) - စက်တင်ဘာ ၂၁
ယူကရိန်းနိုင်ငံကို ရုရှားရဲ့ကျူးကျော်မှုနဲ့ပတ်သက်ပြီး ကုလသမဂ္ဂလုံခြုံရေးကောင်စီအစည်းအဝေးကို ပထမဆုံးအကြိမ်အဖြစ် သမ္မတ ဗိုလိုဒီမြာ_ဇီလင်စကီးကိုယ်တိုင်တက်ရောက်လာခြင်းအပေါ် ရုရှားသံအမတ် ဗက်စီလီ_ နီဘန်စီယာက ကန့်ကွက်ခဲ့တယ်လို့ Reuters က ယနေ့ စက်တင်ဘာလ ၂၁ ရက်မှာ ရေးသားခဲ့ပါတယ်။
တင်းမာသွားတဲ့ အစည်းအဝေးမှာ ဥက္ကဋ္ဌအဖြစ် ဆောင်ရွက်နေတဲ့ အယ်လ်ဘေးနီးယားနိုင်ငံ ဝန်ကြီးချုပ်_ အက်ဒီ ရာမာက ကျူးကျော်တဲ့ စစ်ခင်းမှုမဟုတ်ကြောင်း ရုရှားက ရှည်လျားစွာပြောဆိုနေခိုက် “အထူးစစ်ဆင်ရေးပါ” လို့ ပြောင်လှောင်တုံ့ပြန်လိုက်ပါတယ်။
အတိတ်ကာလ ဆိုဗီယက်ယူနီယံရဲ့ အရံနိုင်ငံနဲ့ ဝါဆောစစ်စာချုပ်အဖွဲ့ဝင်ဖြစ်ခဲ့ဖူးတဲ့ အယ်လ်ဘေးနီးယားဟာ လောလောဆယ် အမေရိကန်ဦးဆောင်တဲ့ နေတိုးစစ်စာချုပ်အဖွဲ့ဝင်ဖြစ်နေပြီး ရုရှားတို့ကို ခုခံတိုက်ခိုက်နေတဲ့ ယူကရိန်းအပေါ် အကူအညီပေးတဲ့နိုင်ငံအဖြစ် ပြောင်းလဲနေပါတယ်။
"အယ်လ်ဘေးနီးယန်း သမ္မတရာထူးဆိုတာ အထူးလုပ်ဆောင်မှုတော့ မဟုတ်ဘူးဆိုတာကို ကျွန်တော်တို့ရဲ့ ရုရှားလုပ်ဖော်ကိုင်ဖက်တွေနဲ့ ဒီမှာရှိတဲ့လူတိုင်းကို အခိုင်အမာ ပြောချင်ပါတယ်" လို့ ကြိတ်ရယ်နေကြတဲ့ အခန်းတွင်းရှိသူများကို ဟာသဉာဏ်ရွှင်ရွင်နဲ့ သမ္မတ ရာမာက ပြောလိုက်ပါတယ်။
“ဒီအတွက် အဖြေရှိပါတယ်" လို့ ရုရှားသံအမတ်ကြီးရဲ့ပြောဆိုချက်ကို အယ်လ်ဘေးနီးယား သမ္မတက ကြားဝင်လိုက်ပြီး “ရုရှားက သဘောတူမယ်ဆိုရင် စစ်ပွဲကို ရပ်တန့်လိုက်ပါ" “ဇီလင်စကီးလည်း အစည်းအဝေးခန်းမထဲ လာစရာ မလိုတော့ဘူး" လို့ ဆက်လက်ပြောဆိုပါတယ်။
အယ်လ်ဘေးနီးယားရဲ့စောဒကတက်ခြင်းကို ရုရှားက သဘောမတူပါဘူး။ ဆွေးနွေးပွဲကို ပြပွဲတစ်ခုအဖြစ်ပြုလုပ်နေပြီး အယ်လ်ဘေးနီးယားဟာ အစဉ်အလာလုပ်ထုံးလုပ်နည်းများကို ဝိုင်း၀န်းထိန်းသိမ်းရမယ့်အစား နိုင်ငံရေးအရ စွပ်စွဲပြောဆိုနေတယ်လို့ ဝေဖန်ပါတယ်။
အစည်းအဝေးအပြီး ဇီလင်စကီးက အနုပညာရှင်တစ်ဦးလည်းဖြစ် ဘတ်စကက်ဘောကစားသမားတစ်ဦးလည်းဖြစ်သူ အယ်လ်ဘေးနီးယား၀န်ကြီးချုပ် ရာမာကို လူမှုကွန်ရက်မှတဆင့် ကျေးဇူးတင်စကားပြောကြားခဲ့ပါတယ်။
"လိမ်ညာမှုနဲ့ အရေခြုံနေတဲ့ ရုရှားကို ဘယ်လိုနည်းလမ်းမှန်နဲ့ ကိုင်တွယ်ရမယ့်အကြောင်း ကမ္ဘာကို ပြသခဲ့တယ်လို့ ဆိုပါတယ်။
နေတိုး အပါအဝင် အနောက်အုပ်စုနဲ့ ပေါင်းစည်းမယ့် ယူကရိန်းရဲ့ရည်မှန်းချက်တွေဟာ ရုရှားရဲ့ (အမျိုးသား) လုံခြုံရေးကို ခြိမ်းခြောက်နေခြင်းကြောင့်ဖြစ်တယ်လို့ သူ့ရဲ့ကျူးကျော်ရခြင်းကို ရုရှားက အကြောင်းပြခဲ့ပါတယ်။ ဒါပေမယ့် အဲဒီလိုပြောဆိုခြင်းဟာ စစ်၀င်တိုက်ချင်လို့ အခြေအမြစ်မရှိတာတွေကို ကိုးကားနေတယ်လို့ ယူကရိန်းနဲ့ သူ့ရဲ့မဟာမိတ်တွေက ပယ်ချထားပါတယ်။
အစည်းအဝေးခန်းမအတွင်း ယူကရိန်းသမ္မတ ဝင်ရောက်ခွင့်ရရှိပြီးနောက် အပြန်အလှန် ဆွေးနွေးကြပါတယ်။ ယူကရိန်းကို တိုက်ခိုက်ခြင်းအတွက် ပြစ်ဒဏ်ပေးတဲ့အနေနဲ့ ဒုတိယကမ္ဘာစစ်အပြီး ကုလသမဂ္ဂလုံခြုံရေးကောင်စီမှာ အမြဲတမ်းအဖွဲ့ဝင် ငါးဦးအနက် တစ်ဦးဖြစ်တဲ့ ရုရှားအပေါ် အပ်နှင်းထားတဲ့ ဗီတိုအာဏာကို ဖယ်ရှားပေးရန် ဇီလင်စကီးက တောင်းဆိုခဲ့ပါတယ်။
အဲဒီနောက် ဇီလင်စကီး ရောက်ရှိလာချိန် ထွက်ခွာသွားတဲ့ ရုရှားနိုင်ငံခြားရေးဝန်ကြီး ဆာဂီ_လက်ဗ်ရော့ဗ်ဟာ အခန်းတွင်း ပြန်ဝင်လာပါတယ်။ မော်စကိုရဲ့ဗီတိုအာဏာအသုံးပြုမှုကို တရားဝင်ဖြစ်ကြောင်း ခုခံကာကွယ်ခဲ့ပြီး ယူကရိန်းနဲ့ အနောက်နိုင်ငံတွေဟာ သူတို့ရဲ့ (ဆန္ဒနဲ့) ကိုက်ညီမှသာ ၁၉၄၅ ခုနှစ် ကုလသမဂ္ဂပဋိညာဉ်ပါ အခြေခံမူများကို ရွေးချယ်လိုက်နာနေတယ်လို့ ရုရှားနိုင်ငံခြားရေး၀န်ကြီးက စွပ်စွဲပါတယ်။
#ယူကရိန်းသမ္မတ_ဗိုလိုဒီမြာ_ဇီလင်စကီး #ကုလရုရှားသံအမတ်_ဗက်စီလီ နီဘန်စီယာ #ရုရှားနိုင်ငံခြားရေး၀န်ကြီး_ဆာဂီ_လက်ဗ်ရော့ဗ် #ဗီတိုအာဏာ #ကုလသမဂ္ဂလုံခြုံရေး ကောင်စီ
(Reuters., 21 September 2023,"'Stop the war' and Zelenskiy need not speak, UN Security Council chair tells Russia" ကို #HtayOung, #OungMarine ဆီလျော်အောင်ကောက်နှုတ်ဘာသာပြန်ဆိုသည်။)
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
ရန်ကုန်တိုင်းအတွင်း ပြေးဆွဲနေသည့် အငှားယာဉ်(၆)သောင်းကျော်တွင် (၅)သောင်းကျော် City Taxi မှတ်ပုံတင်ထား
RELATED POSTS
19 Sep 2024 | နိုင်ငံရေး,ပြည်တွင်း