ပျောက်ဆုံးနေသော F-35 အမျိုးအစား ကိုယ်ပျောက်တိုက်လေယာဉ်မှ အပျက်အစီးများကို ပြန်လည်ရှာဖွေ တွေ့ရှိခဲ့ပြီဖြစ်ကြောင်း အမေရိကန်စစ်တပ်ပြော
Pika (NSS) - စက်တင်ဘာ ၁၉
လေယာဉ်မှူး ခုန်ထွက်ပြီးနောက် ပျောက်ဆုံးသွားသော F-35 အမျိုးအစား ကိုယ်ပျောက်တိုက်လေယာဉ်မှ အပျက်အစီးများကို ပြန်လည်ရှာဖွေတွေ့ရှိခဲ့ပြီဖြစ်ကြောင်း အမေရိကန်စစ်တပ်က ပြောကြားခဲ့သည်။
အဆိုပါ F-35 အမျိုးအစား ကိုယ်ပျောက်တိုက်လေယာဉ်သည် အမေရိကန်ဒေါ်လာသန်း(၈ဝ) ခန့် တန်ဖိုးရှိကြောင်းလည်း သိရသည်။ F-35 အမျိုးအစားကိုယ်ပျောက်တိုက်လေယာဉ်၏ အပျက်အစီးများကို တောင်ကာရိုလိုင်းနားပြည်နယ် Williamsburg ကောင်တီတွင် တွေ့ရှိခဲ့ခြင်းဖြစ်ကြောင်း သိရသည်။
ထုတ်ပြန်ချက်တွင် "အဲဒီကောင်တီမှာ နေထိုင်တဲ့လူတွေဟာ တိုက်လေယာဉ်ပျက်ကျနေရာ အနီးတဝိုက်ကို သွားရောက်ကြည့်ရှုတာမျိုး မလုပ်ဆောင်သင့်ပါဘူး၊၊ ပြီးတော့ ပြန်လည်ဆယ်ယူရေးအဖွဲ့တွေဟာ F-35 အမျိုးအစား ကိုယ်ပျောက်တိုက်လေယာဉ်ရဲ့အပျက်အစီး အပိုင်းအစတွေကို သိမ်းယူနေပါတယ်" ဟု ထုတ်ပြန်ထားသည်။
အဆိုပါတိုက်လေယာဉ်သည် စက်တင်ဘာလ(၁၇)ရက် နံနက်ပိုင်းတွင် တောင်ကာရိုလိုင်းနားပြည်နယ်မှာ ပျောက်သွားခဲ့ခြင်းဖြစ်ကြောင်း ၎င်းက ထပ်မံပြောဆိုခဲ့သည်။
ထို့အပြင် F-35 အမျိုးအစား ကိုယ်ပျောက်တိုက်လေယာဉ်နှင့်ပတ်သက်သည့် သတင်းအချက်အလက်ရှိသူများကိုလည်း ဆက်သွယ်ခြင်းများ လုပ်ဆောင်ပေးရန် Joint Base Charleston (JBC) က တိုက်တွန်းခဲ့ကြောင်းလည်း သိရသည်။
F-35 အမျိုးအစားကိုယ်ပျောက်တိုက်လေယာဉ်သည် အခြားတိုက်လေယာဉ်များနှင့်မတူဘဲ ထူးခြားသောာပုံသဏ္ဍာရှိပြီး ရေဒါဖြင့် ထောက်လှမ်းခြင်းမှလည်း ရှောင်ရှားနိုင်သောကြောင့် ကမ္ဘာတဝန်းရှိ အမေရိကန် ၏ မိတ်ဖက်နိုင်ငံများ အထူးသဖြင့် ယူကရိန်းနိုင်ငံက လိုချင်နေကြောင်းလည်း သိရသည်။
လေယာဉ်မှူးသည် အကြောင်းအရာတစ်ခုခုကြောင့် ထိုင်ခုံဖြင့်ခုန်ထွက်ပြီးနောက် North Charleston ရပ်ကွက်အတွင်းသို့ ဘေးကင်းစွာ ရောက်ရှိခဲ့ကြောင်း တာဝန်ရှိသူများက ပြောကြားခဲ့သည်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
ပီရူးနိုင်ငံတွင် ဘတ်စ်ကားတစ်စီးတိမ်းမှောက်ခဲ့ပြီး အနည်းဆုံးလူ(၂၄)ဦး သေဆုံး
RELATED POSTS
19 Sep 2024 | နိုင်ငံရေး,ပြည်တွင်း