အီရန်နိုင်ငံ မြို့တော်အနီး အမျိုးသမီးအကျဉ်းထောင်မှာ မီးလောင်မှုဖြစ်ပွား
ရောင်နီ (NSS) - စက်တင်ဘာ ၁၇
အီရန်နိုင်ငံမှာ မကြာသေးခင်က အစိုးရဆန့်ကျင်ရေး ဆန္ဒပြပွဲတွေမှာ ဖမ်းဆီးခံရသူတွေနဲ့ နိုင်ငံရေး အကျဉ်းသား တွေကိုထိန်းသိမ်းထားတဲ့ မြို့တော် တီဟီရန်အနီးရှိ အမျိုးသမီးအကျဉ်းထောင်တစ်ခုမှာ စနေနေ့ (စက်တင်ဘာ ၁၆ ရက်) နှောင်းပိုင်းက မီးလောင်မှုဖြစ်ပွားခဲ့တယ်လို့ အီရန်နိုင်ငံပိုင်မီဒီယာက ပြောကြားခဲ့ပါတယ်။
တီဟီရန်မြို့ အရှေ့တောင်ဘက် ကီလိုမီတာ ၄ဝ အကွာရှိ ကွာချက် ပြုပြင်ထိန်းသိန်းရေးအကျဉ်းထောင်စခန်းမှာ ကြိုးတိုက်အကျဉ်းသားတွေ ထိန်းသိမ်းထားတဲ့နေရာတစ်ခုမှာ မီးလောင်မှုဖြစ်ပွားခဲ့ပြီး အကျဉ်းသားတွေရဲ့ အဝတ် အစားတွေနဲ့ အိပ်ရာတွေ မီးလောင်ခဲ့တယ်လို့ အစိုးရပိုင် အစ္စလာမ္မစ်သမ္မတနိုင်ငံ သတင်းအေဂျင်စီက ဖော်ပြခဲ့ပါတယ်။
မီးလောင်မှုကို ၁ဝ မိနစ်အတွင်း ငြိမ်းသတ်နိုင်ခဲ့ပြီး ထိခိုက်ဒဏ်ရာရသူ မရှိကြောင်း သိရပါတယ်။ အဆိုပါ မီးလောင်မှုဟာ မလျော်ကန်တဲ့အဝတ်အစားများ ဝတ်ဆင်ကြောင့် ရဲတပ်ဖွဲ့ရဲ့ဖမ်းဆီးမှုခံရပြီး သေဆုံးသွားခဲ့တဲ့ အသက် ၂၂ နှစ်အရွယ် အမျိုးသမီးမက်ဆာအာမီနီရဲ့ သေဆုံးမှုပထမနှစ်ပတ်လည်နေ့မှာ ဖြစ်ပွားခဲ့ခြင်းဖြစ်ပါတယ်။
မက်ဆာအမီနီ သေဆုံးမှုမှ စတင်ခဲ့တဲ့ဆန္ဒပြမှုတွေမှ ဖမ်းဆီးခံရတဲ့ အမျိုးသမီးထောင်ပေါင်းများစွာကို အဆိုပါ ကွာချက်အကျဉ်းထောင်မှာ ထိန်းသိမ်းထားတာဖြစ်ပါတယ်။
အဆိုပါအကျင်းထောင်မှာပဲ ပြီးခဲ့နှစ် အောက်တိုဘာလက မီးလောင်မှုကြောင့် လူရှစ်ဦး သေဆုံးခဲ့ရဖူးပါတယ်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
နျူကလီးယားနည်းပညာကို ငြိမ်းချမ်းစွာ အသုံးပြုမှုဆိုင်ရာ သုတေသနလုပ်ငန်းများ၌ တရုတ်နိုင်ငံက ပူးပေါင်းဆောင်ရွက်ပေးရန် နစကဒုဝန်ကြီးဖိတ်ခေါ်
RELATED POSTS
18 Sep 2024 | မှုခင်း,ပြည်တွင်း
17 Sep 2024 | မှုခင်း,နိုင်ငံတကာ