မြန်မာနိုင်ငံကို လက်အောက်ခံကိုလိုနီနိုင်ငံအဖြစ် သိမ်းပိုက်ခဲ့တဲ့ ဗြိတိသျှကို နစက ဝန်ကြီးဝေဖန်ပြစ်တင်
ဂျန်ဇက် (NSS) - စက်တင်ဘာ ၁၁
ဗြိတိသျှအင်ပါယာတွေဟာ မြန်မာနိုင်ငံကိုလက်အောက်ခံကိုလိုနီနိုင်ငံအဖြစ် အုပ်ချုပ်ချိန်ကာလအတွင်း ကျွန်းနဲ့ တွင်းထွက်သတ္တုပစ္စည်းများ အပါအဝင် သယံဇာတအမြောက်အမြား ရယူခဲ့တဲ့အပြင် ခေါင်းပုံဖြတ်မှုတွေလည်း ရှိခဲ့ကြောင်း၊ အဲဒီလိုမျိုးလုပ်ဆောင်မှုများကြောင့် မြန်မာဒေသခံများကို ပျက်စီးမှုတွေ၊ မမျှတမှုတွေဖြစ်စေခဲ့ကြောင်း စက်မှုဝန်ကြီးဌာန၊ ပြည်ထောင်စုဝန်ကြီး ဒေါက်တာချာလီသန်းက ထုတ်ဖော်ပြောဆိုလိုက်ပါတယ်။
ဝန်ကြီးဒေါက်တာချာလီသန်းက "ကိုလိုနီနယ်ချဲ့သမားတွေဟာ ဗြိတိသျှအင်ပါယာမှာတာဝန်ထမ်းဆောင်မယ့် အစေခံအရာရှိတွေကို မွေးထုတ်နိုင်ဖို့ ကိုလိုနီပညာရေးစနစ်ကိုဖန်တီးလုပ်ဆောင်ခဲ့တယ်။ ဗြိတိသျှတွေဟာ မြန်မာနိုင်ငံကို အုပ်ချုပ်ချိန်ကာလအတွင်းမှာ နည်းပညာပိုင်းဆိုင်ရာပညာရပ်များ၊ သက်မွေးဝမ်းကြောင်းဆိုင်ရာပညာရပ်များကို သင်ကြားလုပ်ဆောင်ပေးတာမျိုး မရှိခဲ့ဘူး။ ဗြိတိသျှကိုလိုနီအစိုးရဟာ မြန်မာနိုင်ငံရဲ့ပညာရေးစနစ်မှာ အဲဒီလိုမျိုး လုပ်ဆောင်ခဲ့လို့ မြန်မာနိုင်ငံဟာ ကမ္ဘာ့စီးပွားရေးမှာ ယှဉ်ပြိုင်နိုင်စွမ်းရှိတဲ့ ကျွမ်းကျင်လုပ်သားအင်အား မရှိဘဲ ဖြစ်ခဲ့ရတယ်" လို့ ပြောပါတယ်။
ဒါ့အပြင် ၎င်းက "ဗြိတိသျှကိုလိုနီတွေဟာ မြန်မာနိုင်ငံကို သိမ်းပိုက်ခဲ့ပြီးနောက် မြန်မာဒေသခံတွေကို ဗြိတိသျှတွေရဲ့ဘာသာစကား၊ ဓလေ့ထုံးတမ်းများနဲ့ တန်ဖိုးများကို ချမှတ်ခဲ့တယ်။ မြန်မာလူမျိုးတွေရဲ့ယဉ်ကျေးမှု နဲ့ အလေ့အထများကို သိသိသာသာယိုယွင်းပျက်စီးစေခဲ့ရတယ်။ ဗြိတိန်အစိုးရဟာ ဗဟိုချုပ်ကိုင်တဲ့ အုပ်ချုပ်ရေးစနစ်ကို ထူထောင်ပြီး နိုင်ငံရေးအခင်းအကျင်း အပြောင်းအလဲဖြစ်အောင်လုပ်ဆောင်ခဲ့ပြီး လူမျိုးရေးနဲ့ နိုင်ငံရေး ပဋိပက္ခတွေဖြစ်လာစေဖို့ မျိုးစေ့ကြဲချခဲ့တယ်" လို့ ပြောပါတယ်။
ရုရှားနိုင်ငံက အိမ်ရှင်အဖြစ် စက်တင်ဘာ ၁ဝ ရက်ကနေ ၁၃ ရက်အထိ လက်ခံကျင်းပနေတဲ့အရှေ့ဖျားစီးပွားရေးဖိုရမ်ကို ဒုတိယဝန်ကြီးချုပ်၊တစ်ဦးဖြစ်တဲ့ ဗိုလ်ချုပ်ကြီးမြထွန်းဦး ဦးဆောင်တက်ရောက်ခဲ့ပြီး ရင်းနှီးမြှုပ်နှံမှုနဲ့ နိုင်ငံခြားစီးပွားဆက်သွယ်ရေးဝန်ကြီးဌာန၊ ပြည်ထောင်စုဝန်ကြီးဒေါက်တာကံဇော်၊ စက်မှုဝန်ကြီးဌာန ပြည်ထောင်စုဝန်ကြီး ဒေါက်တာချာလီသန်း၊ ဟိုတယ်နဲ့ ခရီးသွားလာရေးဝန်ကြီးဌာန ပြည်ထောင်စုဝန်ကြီး ဒေါက်တာသက်သက်ခိုင်၊ မြန်မာနိုင်ငံတော်ဗဟိုဘဏ်ဥက္ကဋ္ဌ ဒေါ်သန်းသန်းဆွေတို့ လိုက်ပါသွားခဲ့တယ်လို့ သိရပါတယ်။
ဗြိတိသျှအင်ပါယာကို လက်ရှိအချိန်မှာ ဂရိတ်ဗြိတိန်လို့ ပြောင်းလဲသတ်မှတ်ထားပြီး အင်္ဂလန်၊ စကော့တလန်၊ ဝေးလ်၊ မြောက်အိုင်ယာလန်နိုင်ငံတို့ ပူးပေါင်း ပါဝင်နေကြောင်း သိရပါတယ်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
တပ်ချုပ်နှင့် ပြည်သူ့စစ်ခေါင်းဆောင်များ တွေ့ဆုံခဲ့ပြီး ပြည်သူ့စစ်တပ်ဖွဲ့ဝင်များသည် နိုင်ငံတော်လုံခြုံရေး၏ အင်အားစုတစ်ရပ်ဟု မှတ်ချက်ပြု
RELATED POSTS
19 Sep 2024 | နိုင်ငံရေး,ပြည်တွင်း