တပ်ချုပ်နှင့် ပြည်သူ့စစ်ခေါင်းဆောင်များ တွေ့ဆုံခဲ့ပြီး ပြည်သူ့စစ်တပ်ဖွဲ့ဝင်များသည် နိုင်ငံတော်လုံခြုံရေး၏ အင်အားစုတစ်ရပ်ဟု မှတ်ချက်ပြု
မျိုးကြီး (NSS) - စက်တင်ဘာ ၁၁
ဗိုလ်ချုပ်မှူးကြီးမင်းအောင်လှိုင်နှင့် ပြည်သူ့စစ်ခေါင်းဆောင်များတွေ့ဆုံခဲ့ပြီး ပြည်သူ့စစ်တပ်ဖွဲ့ဝင်များသည် နိုင်ငံတော်ကို လုံခြုံရေးအရ အင်အားဖြည့်ပေးနေသည့် အင်အားစုတစ်ရပ်ဖြစ်ကြောင်း မှတ်ချက်ပြုခဲ့သည်။
တပ်ချုပ် နှင့် ရှမ်းပြည်နယ်(မြောက်ပိုင်း)အတွင်းရှိ ပြည်သူ့စစ်ခေါင်းဆောင်များသည် ယမန်နေ့(စက်တင်ဘာလ ၁၀ ရက်) တွင် အရှေ့မြောက်တိုင်းစစ်ဌာနချုပ်၊ ရွှေလီရတနာခန်းမ၌ တွေ့ဆုံခဲ့ကြသည်။
ပြည်သူ့စစ်ဌာနနေတပ်ဖွဲ့ဝင်များသည် မိမိတို့၏ သဘောဆန္ဒအလျောက် နယ်မြေတည်ငြိမ်အေးချမ်းမှုရှိစေရေး ဆောင်ရွက်နေသည့်အဖွဲ့များဖြစ်သည့်အတွက် လေးစားအသိအမှတ်ပြုကြောင်း နစကဥက္ကဋ္ဌ ဗိုလ်ချုပ်မှူးကြီးမင်းအောင်လှိုင်က ပြောသည်။
ထို့ပြင် ပြည်သူ့စစ်ဌာနေတပ်ဖွဲ့ဝင်များသည် နိုင်ငံတော်ကို လုံခြုံရေးအရ အင်အားဖြည့်ပေးနေသည့် အင်အားစုတစ် ရပ်ပင်ဖြစ်ပြီး နိုင်ငံချစ်စိတ်ဖြင့် နယ်မြေတည်ငြိမ်အေးချမ်းရန် တာဝန်ထမ်းဆောင်နေကြသူများဖြစ်ကြောင်းလည်း ၎င်းက ဆက်လက်ပြောသည်။
ဆက်လက်ပြီး တပ်ချုပ်က ရှမ်းပြည်နယ်(မြောက်ပိုင်း)အတွင်းရှိ ပြည်သူ့စစ်ဌာနေတပ်ဖွဲ့ဝင်များအနေဖြင့် နယ်မြေဒေသအလိုက် တည်ငြိမ်းချမ်းရေးနှင့် ငြိမ်းချမ်းရေးလုပ်ငန်းစဉ်တွင် တိုင်းရင်းသားလက်နက်ကိုင်အဖွဲ့အားလုံးပါဝင်လာနိုင်ရေး တိုက်တွန်းဆောင်ရွက်ပေးရန်လည်း ပြောကြားခဲ့သည်။
နယ်မြေအလိုက် လက်နက်ကိုင်ပဋိပက္ခများချုပ်ငြိမ်းရေးအတွက် ဝိုင်းဝန်ဆောင်ရွက်ပေးစေလိုပြီး တည်ငြိမ်အေးချမ်းမှုရှိမှသာ ရွေးကောက်ပွဲပြန်လည်ကျင်းပနိုင်ရေးအတွက် မဲစာရင်းလုပ်ငန်းများကို ဆောင်ရွက်နိုင်မည်ဖြစ်ကြောင်းလည်း ဗိုလ်ချုပ်မှူးကြီးက ပြောသည်။
အလားတူ ပြည်သူ့စစ်ခေါင်းဆောင်များကလည်း ၎င်းတို့၏ ဒေသတွင်း၌ တိုင်းရင်းသားလက်နက်ကိုင်အဖွဲ့များ၏ အဖျက်အမှောင့်လုပ်ရပ်များကြောင့် အချို့ဒေသခံများအနေဖြင့် ဒေသစွန့်ခွာတိမ်းရှောင်နေရမှုအခြေအနေများကို တပ်ချုပ်ထံ တင်ပြခဲ့ကြောင်း သိရသည်။
ဗိုလ်ချုပ်မှူးကြီးမင်းအောင်လှိုင်သည် နမ့်ခမ်းမြို့မ ပြည်သူ့စစ်ခေါင်းဆောင် ဦးအိုက်ဆမ်၊ ပန်ဆေး ပြည်သူ့စစ်ခေါင်းဆောင် ဦးကျော်မြင့်၊ မန်ပန် ပြည်သူ့စစ်ခေါင်းဆောင် ဦးစိုင်းမွန်း၊ စိန်ကြော့ ပြည်သူ့စစ်ခေါင်းဆောင် ဦးလွယ်မောင်၊ မုံးစီး ပြည်သူ့စစ်ခေါင်းဆောင် ဦးစိုင်းမွန်းနှင့် ထင်ပါကျိုင်း ပြည်သူ့စစ်ခေါင်းဆောင် ဦးခင်မောင်လွင်တို့နှင့် တွေ့ဆုံခဲ့ခြင်းဖြစ်သည်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
ထိုင်းနိုင်ငံမှာ ပြီးခဲ့တဲ့နှစ်အတွင်း သေကြောင်း ကြံစည်သတ်သေသူ ၅ဝဝဝ နီးပါးရှိခဲ့ပြီး နောက်ဆုံး ငါးနှစ်အတွင်း အမြင့်ဆုံးဖြစ်နေ
RELATED POSTS
19 Sep 2024 | နိုင်ငံရေး,ပြည်တွင်း