တရုတ်နိုင်ငံ၏ လက်ရှိစီးပွားရေးအခြေအနေများကြောင့် ထိုင်ဝမ်ကို ကျူးကျော်တိုက်ခိုက်ရန် အလားအလာနည်းသေးကြောင်း အမေရိကန်သမ္မတ သုံးသပ်ပြောဆို
ဂျန်ဇက် (NSS) - စက်တင်ဘာ ၁၁
တရုတ်နိုင်ငံ၏ စီးပွားရေးအခက်အခဲများသည် ထိုင်ဝမ်ကို ကျူးကျော်တိုက်ခိုက်ရန် တွန်းအားပေးနိုင်မည် မဟုတ်ကြောင်း အမေရိကန်သမ္မတဂျိုးဘိုင်ဒန်က ထုတ်ဖော်ပြောကြားလိုက်သည်။
ထိုင်ဝမ်အရေးနှင့်ပတ်သက်ပြီး အမေရိကန်နှင့် တရုတ်နိုင်ငံကြားတင်းမာမှုများ မြင့်တက်နေချိန်တွင် အမေရိကန် သမ္မတက ဗီယက်နမ်ခရီးစဉ်အတွင်း ပြောဆိုသွားခဲ့ခြင်းဖြစ်ကြောင်း သိရသည်။
သမ္မတဂျိုးဘိုင်ဒန်က "တရုတ်နိုင်ငံရဲ့ ကိုယ်ပိုင်ပေါ်လစီနဲ့ ကမ္ဘာစီးပွားရေးအခြေအနေများ နှေးကွေးနေတာကြောင့် တရုတ်နိုင်ငံဟာ စီးပွားရေးအခက်အခဲတွေ ဖြစ်နေတယ်။ လက်ရှိစီးပွားရေးအခြေအနေများကြောင့် တရုတ်နိုင်ငံ ဟာ ထိုင်ဝမ်ကို ကျူးကျော်တိုက်ခိုက်ရေးကို တွန်းအားပေးတာမျိုး၊ တိုးမြှင့်လုပ်ဆောင်တာမျိုး လုပ်နိုင်မယ်လို့ မယုံကြည်ဘူး" ဟု ပြောသည်။
အမေရိကန်အစိုးရအနေဖြင့် တရုတ်နိုင်ငံ၏ စစ်ရေးတည်ဆောက်မှုများ ပိုမိုကောင်းမွန်လာစေရန် လုပ်ဆောင်ပေး မည် မဟုတ်ကြောင်း၊တရုတ်နိုင်ငံ၏ နျူကလီးယားလက်နက်အစီအစဉ်များ (သို့မဟုတ်) ကာကွယ်ရေး လုပ်ငန်းများ ပိုမိုကောင်းမွန်လာစေရန်အတွက် စစ်လက် နက်ပစ္စည်းများနှင့် ဆက်စပ်ပစ္စည်းများ ရောင်းချပေးမည် မဟုတ်ကြောင်း အမေရိကန်သမ္မတက ပြောသည်။
သမ္မတဂျိုးဘိုင်ဒန်က "ကျွန်တော်တို့ဟာ တရုတ်နိုင်ငံကို ထိန်းချုပ်ဖို့ မလိုလားဘူး။ တရုတ်နိုင်ငံနဲ့ဆက်ဆံရေးကို ကောင်းမွန်သထက် ကောင်းမွန်အောင် လုပ်ဆောင်လိုတယ်" ဟု ပြောသည်။
တရုတ်နိုင်ငံ စီးပွားရေးခိုင်မာကောင်းမွန်မှုများရှိမှ ကမ္ဘာ့နိုင်ငံများ အကျိုးကျေးဇူးရှိစေမည်ဖြစ်သည့်အတွက် အမေရိကန်အစိုးရအနေဖြင့် တရုတ်နိုင်ငံကို ထိခိုက်ရန် ကြိုးပမ်းမည်မဟုတ်ကြောင်း သမ္မတဂျိုးဘိုင်ဒန် က ပြောသည်။
အမေရိကန်သမ္မတဂျိုးဘိုင်ဒန်က "လက်ရှိအချိန်မှာ ကုန်သွယ်ရေးနဲ့ အခြားကိစ္စတွေနဲ့ပတ်သက်ပြီး တရုတ်နိုင်ငံက စည်းမျဉ်းအချို့ပြောင်းလဲတာမျိုးတွေ ရှိနေတယ်" ဟု ပြောသည်။ တရုတ်နိုင်ငံအနေဖြင့် လက်ရှိအချိန်တွင် နိုင်ငံတကာစည်းမျဉ်းစည်းကမ်းများကို ၎င်းတို့ ဆန္ဒအတိုင်းဖြစ်လာစေရန် ကြိုးပမ်းခြင်းများရှိနေကြောင်း သမ္မတ ဂျိုးဘိုင်ဒန်က စွပ်စွဲပြောဆိုခဲ့သည်။
အမေရိကန်သမ္မတသည် အိန္ဒိယနိုင်ငံတွင် ကျင်းပသော ဂျီ ၂ဝ ထိပ်သီးအစည်းအဝေးကို တက်ရောက်ခဲ့ပြီးနောက် ဗီယက်နမ်နိုင်ငံသို့ ထပ်မံသွားရောက်ခဲ့ကြောင်း သိရသည်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
ငါန်းဇွန်မြို့နယ်၌ ရက်ပိုင်းအတွင်း သေနတ်၊ ဓားတို့ဖြင့် ပစ်ခတ်ထိုးခုတ်သတ်ဖြတ်ခံရမှုကြောင့် အရပ်သား(၁၅)ဦးထက်မနည်း သေဆုံးခဲ့ရ
RELATED POSTS
19 Sep 2024 | နိုင်ငံရေး,ပြည်တွင်း